ਅਮਿਤਾਭ ਬੱਚਨ ਤੋਂ ਬਾਅਦ ਹੁਣ ਅਦਨਾਨ ਸਾਮੀ ਦਾ ਟਵਿਟਰ ਅਕਾਊਂਟ ਹੈਕ

Tuesday, June 11, 2019 7:53 PM

ਜਲੰਧਰ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਅਮਿਤਾਭ ਬੱਚਨ ਤੋਂ ਬਾਅਦ ਹੁਣ ਗਾਇਕ ਅਦਨਾਨ ਸਾਮੀ ਦਾ ਟਵਿਟਰ ਅਕਾਊਂਟ ਹੈਕ ਹੋ ਗਿਆ ਹੈ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਅਦਨਾਨ ਦਾ ਟਵਿਟਰ ਅਕਾਊਂਟ ਵੀ ਠੀਕ ਉਸੇ ਤਰ੍ਹਾਂ ਹੈਕ ਹੋਇਆ ਹੈ, ਜਿਵੇਂ ਸੋਮਵਾਰ ਰਾਤ ਅਮਿਤਾਭ ਬੱਚਨ ਦਾ ਟਵਿਟਰ ਅਕਾਊਂਟ ਹੈਕ ਹੋਇਆ ਸੀ। ਅਦਨਾਨ ਦੇ ਟਵਿਟਰ ਪ੍ਰੋਫਾਈਲ ਦੇ ਕਵਰ ਪੇਜ 'ਤੇ ਵੀ ਉਹੀ ਤਸਵੀਰ ਲਗਾਈ ਗਈ ਹੈ, ਜੋ ਅਮਿਤਾਭ ਦੇ ਟਵਿਟਰ 'ਤੇ ਲਗਾਈ ਗਈ ਸੀ।

PunjabKesari
ਇਸ ਦੇ ਨਾਲ ਵੀ ਅਮਿਤਾਭ ਦੇ ਟਵਿਟਰ ਨੂੰ ਹੈਕ ਕਰਨ ਤੋਂ ਬਾਅਦ ਪ੍ਰੋਫਾਈਲ ਤਸਵੀਰ ਦੀ ਥਾਂ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਦੀ ਤਸਵੀਰ ਲੱਗਾ ਦਿੱਤੀ ਗਈ ਹੈ। ਅਦਨਾਨ ਦੇ ਟਵਿਟਰ ਤੋਂ ਇਕ ਤੋਂ ਬਾਅਦ ਇਕ ਟਵੀਟ ਕੀਤੇ ਗਏ, ਜਿਨ੍ਹਾਂ 'ਚ Ayyıldız Tim ਨਾਂ ਦਾ ਲੋਗੋ, ਪਾਕਿਸਤਾਨੀ ਸ਼ੋਅ 'ਚ ਨੱਚਦੇ ਲੋਕਾਂ ਦੀ ਵੀਡੀਓ ਤੇ ਪਾਕਿਸਤਾਨੀ ਝੰਡੇ ਦੀਆਂ ਤਸਵੀਰਾਂ ਸ਼ਾਮਲ ਹਨ।

PunjabKesari
ਪਾਕਿਸਤਾਨੀ ਝੰਡੇ ਤੇ ਹੋਰ ਕਈ ਪਾਕਿਸਤਾਨੀ ਚੀਜ਼ਾਂ ਦੀਆਂ ਤਸਵੀਰਾਂ ਦੇ ਟਵੀਟ ਕੀਤੇ ਜਾਣ ਤੋਂ ਬਾਅਦ ਹੈਕ ਕੀਤੇ ਗਏ ਅਕਾਊਂਟ ਤੋਂ Ayyıldız Tim ਨਾਂ ਦੇ ਅਧਿਕਾਰਕ ਇੰਸਟਾਗ੍ਰਾਮ ਅਕਾਊਂਟ ਦਾ ਲਿੰਕ ਵੀ ਸ਼ੇਅਰ ਕੀਤਾ ਜਾ ਰਿਹਾ ਹੈ, ਜਿਸ 'ਚ ਲੋਕਾਂ ਨਾਲ ਜੁੜਨ ਦੀ ਗੱਲ ਕੀਤੀ ਗਈ ਹੈ।ਅਦਨਾਨ ਸਾਮੀ ਮਸ਼ਹੂਰ ਬਾਲੀਵੁੱਡ ਗਾਇਕ ਹਨ, ਜੋ 'ਭੀਗੀ ਭੀਗੀ ਰਾਤੋਂ ਮੇਂ', 'ਤੇਰਾ ਚਿਹਰਾ', 'ਲਿਫਟ ਕਰਾਦੇ', 'ਕਭੀ ਤੋਂ ਨਜ਼ਰ ਮਿਲਾਓ', 'ਚੈਨ ਮੁਝੇ ਅਬ ਆਏ ਨਾ' ਤੇ 'ਭਰ ਦੋ ਝੋਲੀ ਮੇਰੀ' ਵਰਗੇ ਕਈ ਹਿੱਟ ਗੀਤ ਗਾ ਚੁੱਕੇ ਹਨ।


About The Author

Lakhan

Lakhan is content editor at Punjab Kesari