ਝਾੜੂ ਨੂੰ ਲੈ ਕੇ ਟਰੋਲ ਹੋਈ ਹੇਮਾ ਮਾਲਿਨੀ, ਧਰਮਿੰਦਰ ਬੋਲੇ, ''ਮੈਨੂੰ ਵੀ ਅਨਾੜੀ ਲੱਗ ਰਹੀ ਸੀ''
7/15/2019 2:11:13 PM
ਮੁੰਬਈ (ਬਿਊਰੋ) — 83 ਸਾਲ ਦੇ ਧਰਮਿੰਦਰ ਸੋਸ਼ਲ ਮੀਡੀਆ 'ਤੇ ਕਾਫੀ ਸਰਗਰਮ ਰਹਿੰਦੇ ਹਨ। ਉਹ ਅਕਸਰ ਹੀ ਆਪਣੀ ਜ਼ਿੰਦਗੀ ਨਾਲ ਜੁੜੀ ਹਰ ਅਪਡੇਟ ਫੈਨਜ਼ ਨਾਲ ਸ਼ੇਅਰ ਕਰਦੇ ਰਹਿੰਦੇ ਹਨ ਅਤੇ ਫੈਨਜ਼ ਦੇ ਸਵਾਲਾਂ ਦਾ ਜਵਾਬ ਵੀ ਦਿੰਦੇ ਰਹਿੰਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਟਵਿਟਰ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਮੱਝ ਤੇ ਉਸ ਦੇ ਬੱਚੇ ਨਾਲ ਫਨੀ ਅੰਦਾਜ਼ 'ਚ ਗੱਲਬਾਤ ਕਰ ਰਹੇ ਹਨ। ਇਸ ਵੀਡੀਓ 'ਤੇ ਕੁਝ ਯੂਜ਼ਰਸ ਨੇ ਕੁਮੈਂਟਸ ਕਰਦੇ ਹੋਏ ਹੇਮਾ ਮਾਲਿਨੀ 'ਤੇ ਇਕ ਸਵਾਲ ਪੁੱਛਿਆ, ਜਿਸ ਦਾ ਧਰਮਿੰਦਰ ਨੇ ਬਹੁਤ ਮਜ਼ੇਦਾਰ ਜਵਾਬ ਦਿੱਤਾ।
My yong buffalo,s 🐃 first baby. Neither mother knows how to feed her newly born nor baby knows how to to take milk from his young mom. But I will make them easy with each other.A farmer cum Actor 🙏 pic.twitter.com/VxUCUbHl8R
— Dharmendra Deol (@aapkadharam) July 14, 2019
ਯੂਜ਼ਰਸ ਨੇ ਪੁੱਛਿਆ ਹੇਮਾ 'ਤੇ ਸਵਾਲ
ਦਰਅਸਲ, ਹਾਲ ਹੀ 'ਚ ਹੇਮਾ ਮਾਲਿਨੀ ਸੰਸਦ ਦੇ ਬਾਹਰ 'ਸਵੱਛ ਭਾਰਤ ਮੁਹਿੰਮ' ਦੇ ਤਹਿਤ ਝਾੜੂ ਲਾਉਂਦੀ ਨਜ਼ਰ ਆਈ ਸੀ ਪਰ ਉਨ੍ਹਾਂ ਦੇ ਝਾੜੂ ਲਾਉਣ ਦੇ ਤਰੀਕੇ ਨੇ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਟਰੋਲ ਕਰਵਾ ਦਿੱਤਾ। ਅਜਿਹੇ 'ਚ ਯੂਜ਼ਰਸ ਨੇ ਧਰਮਿੰਦਰ ਤੋਂ ਪੁੱਛਿਆ, ''ਸਰ ਮੈਡਮ ਨੇ ਕਦੇ ਅਸਲ 'ਚ ਝਾੜੂ ਨਹੀਂ ਚੁੱਕਿਆ? ਇਸ 'ਤੇ ਧਰਮਿੰਦਰ ਨੇ ਜਵਾਬ ਦਿੱਤਾ, ਹਾਂ ਫਿਲਮਸ 'ਚ, ਮੈਨੂੰ ਵੀ ਅਨਾੜੀ ਲੱਗ ਰਹੀ ਸੀ ਪਰ ਮੈਂ ਬਚਪਨ 'ਚ ਆਪਣੀ ਮਾਂ ਦਾ ਹਮੇਸ਼ਾ ਹੱਥ ਵਟਾਇਆ। ਮੈਂ ਝਾੜੂ ਮਾਰਨ 'ਚ ਮਾਹਿਰ ਸੀ, ਮੈਨੂੰ ਸਵੱਛਤਾ (ਸਫਾਈ) ਪਸੰਦ ਹੈ।''
ਫੈਨਜ਼ ਨੇ ਕੀਤੀ ਧਰਮਿੰਦਰ ਦੀ ਈਮਾਨਦਾਰੀ ਦੀ ਤਾਰੀਫ
ਧਰਮਿੰਦਰ ਦੇ ਇਸ ਈਮਾਨਦਾਰੀ ਭਰੇ ਜਵਾਬ ਨੇ ਉਨ੍ਹਾਂ ਦੇ ਫੈਨਜ਼ ਨੂੰ ਖੁਸ਼ ਕਰ ਦਿੱਤਾ ਅਤੇ ਕਿਹਾ 'ਤੁਹਾਡੇ ਈਮਾਦਾਰੀ ਭਰੇ ਜਵਾਬ ਨੇ ਮੇਰਾ ਦਿਲ ਜਿੱਤ ਲਿਆ। ਮੈਂ ਤੁਹਾਡਾ ਬਹੁਤ ਸਮਾਨ ਕਰਦਾ ਹਾਂ। ਹੇਮਾ ਮਾਲਿਨੀ ਮੌਜੂਦਾ ਸਮੇਂ 'ਚ ਮਥੁਰਾ ਤੋਂ ਭਾਜਪਾ ਸੰਸਦ ਹੈ। ਧਰਮਿੰਦਰ ਨਾਲ ਉਨ੍ਹਾਂ ਦਾ ਵਿਆਹ ਸਾਲ 1980 'ਚ ਹੋਇਆ ਸੀ। ਹੇਮਾ ਮਾਲਿਨੀ ਨਾਲ ਧਰਮਿੰਦਰ ਨੇ ਦੂਜਾ ਵਿਆਹ ਕਰਵਾਇਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ