ਏਕਤਾ ਕਪੂਰ ਕਾਰਨ ਇਨ੍ਹਾਂ ਸਿਤਾਰਿਆਂ ਦੀ ਚਮਕੀ ਕਿਸਮਤ
6/7/2019 9:23:45 AM
ਮੁੰਬਈ(ਬਿਊਰੋ)— ਟੀ.ਵੀ. ਦੀ ਦੁਨੀਆਂ 'ਚ ਏਕਤਾ ਕਪੂਰ ਦਾ ਬਹੁਤ ਨਾਮ ਹੈ। ਟੀ. ਵੀ. ਤੋਂ ਲੈ ਕੇ ਵੈੱਬ ਸੀਰੀਜ਼ ਤੱਕ ਏਕਤਾ ਕਪੂਰ ਦਾ ਹੀ ਨਾਂ ਚਲਦਾ ਹੈ। ਜੇਕਰ ਏਕਤਾ ਨੂੰ ਸਟਾਰ ਮੇਕਰ ਕਿਹਾ ਜਾਵੇ ਤਾਂ ਕੋਈ ਸ਼ੱਕ ਨਹੀਂ ਹੋਵੇਗਾ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਕਲਾਕਾਰਾਂ ਨਾਲ ਮਿਲਵਾਉਣ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਏਕਤਾ ਨੇ ਸਟਾਰ ਬਣਾ ਦਿੱਤਾ। ਸਭ ਤੋਂ ਪਹਿਲਾਂ ਇਸ ਲੜੀ 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਆਉਂਦੇ ਹਨ। ਟੀ.ਵੀ. ਲੜੀਵਾਰ ਨਾਟਕ 'ਪਵਿੱਤਰ ਰਿਸ਼ਤਾ' ਤੋਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਪਹਿਲਾ ਬਰੇਕ ਏਕਤਾ ਨੇ ਹੀ ਦਿੱਤਾ ਸੀ । ਇਸ ਤੋਂ ਬਾਅਦ ਉਸ ਨੇ ਕਈ ਹਿੱਟ ਫਿਲਮਾਂ 'ਚ ਕੰੰਮ ਕੀਤਾ।
ਵਿਦਿਆ ਬਾਲਨ ਵੀ ਟੀ. ਵੀ. ਦਾ ਪੁਰਾਣਾ ਚਿਹਰਾ ਹੈ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਵੀ ਟੀ. ਵੀ. ਸ਼ੋਅ 'ਹਮ ਪਾਂਚ' ਨਾਲ ਕੀਤੀ ਸੀ। ਇਹ ਸ਼ੋਅ ਵੀ ਏਕਤਾ ਕਪੂਰ ਨੇ ਹੀ ਬਣਾਇਆ ਸੀ । ਇਸ ਸ਼ੋਅ ਤੋਂ ਬਾਅਦ ਵਿਦਿਆ ਦੀ ਕਿਸਮਤ ਚਮਕੀ ਤੇ ਉਨ੍ਹਾਂ ਨੇ ਇਕ ਤੋਂ ਬਾਅਦ ਇਕ ਹਿੱਟ ਫਿਲਮਾਂ ਦਿੱਤੀਆਂ ਜੋ ਫੈਨਜ਼ ਨੂੰ ਕਾਫੀ ਪਸੰਦ ਵੀ ਆਈਆਂ।
ਏਕਤਾ ਕਪੂਰ ਨੇ ਬਾਲੀਵੁੱਡ ਨੂੰ ਖੂਬਸੂਰਤ ਐਕਟਰੈੱਸ ਪ੍ਰਾਚੀ ਦੇਸਾਈ ਵੀ ਦਿੱਤੀ ਹੈ । ਪ੍ਰਾਚੀ ਨੇ ਏਕਤਾ ਦੇ ਸ਼ੋਅ 'ਕਸਮ ਸੇ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ । ਇਸ ਤੋਂ ਬਾਅਦ ਉਸ ਦੀ ਸਿੱਧੀ ਐਂਟਰੀ ਬਾਲੀਵੁੱਡ 'ਚ ਹੋ ਗਈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਈ ਹਿੱਟ ਫਿਲਮਾਂ 'ਚ ਕੰਮ ਕੀਤਾ।
ਏਕਤਾ ਦੀ ਹਿੱਟ ਲਿਸਟ 'ਚ ਅਦਾਕਾਰ ਰਾਜੀਵ ਖੰਡੇਲਵਾਲ ਦਾ ਨਾਂ ਵੀ ਆਉਂਦਾ ਹੈ। ਉਨ੍ਹਾਂ ਨੂੰ ਟੀ. ਵੀ. ਲੜੀਵਾਰ 'ਕਹੀ ਤੋ ਹੋਗਾ' 'ਚ ਪਹਿਲੀ ਵਾਰ ਦੇਖਿਆ ਗਿਆ ਸੀ। ਏਕਤਾ ਦੇ ਇਸੇ ਸ਼ੋਅ ਨਾਲ ਉਸ ਦੀ ਪਛਾਣ ਬਣੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਵੀ ਫਿਲਮਾਂ 'ਚ ਕੰਮ ਮਿਲਣਾ ਸ਼ੁਰੂ ਹੋ ਗਿਆ ਸੀ।
ਏਕਤਾ ਦੇ ਟੀ. ਵੀ. ਸ਼ੋਅ 'ਨਾਗਿਨ' ਨੂੰ ਬੱਚਾ ਬੱਚਾ ਜਾਣਦਾ ਹੈ। ਇਸ ਸ਼ੋਅ ਨਾਲ ਮੋਨੀ ਰਾਏ ਨੂੰ ਨਵੀਂ ਪਛਾਣ ਮਿਲੀ ਸੀ। ਏਕਤਾ ਨਾਲ ਕੰਮ ਕਰਨ ਨਾਲ ਮੋਨੀ ਰਾਏ ਦੀ ਵੀ ਕਿਸਮਤ ਬਦਲ ਗਈ ਸੀ । ਇਸ ਤੋਂ ਬਾਅਦ ਮੋਨੀ ਰਾਏ ਨੇ ਬਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਕੰੰਮ ਕੀਤਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ