ਆਈਫਾ 2017 : ਬੈਸਟ ਐਕਟਰ ਬਣੇ ਸ਼ਾਹਿਦ-ਆਲੀਆ, ਇਨ੍ਹਾਂ ਸਿਤਾਰਿਆਂ ਨੂੰ ਵੀ ਮਿਲੇ ਐਵਾਰਡਸ
7/16/2017 9:08:35 PM
ਨਿਊਯਾਰਕ— 'ਆਈਫਾ 2017' 'ਚ ਸ਼ਨੀਵਾਰ ਨੂੰ ਸ਼ਾਹਿਦ ਕਪੂਰ ਤੇ ਆਲੀਆ ਭੱਟ ਨੂੰ 'ਉੜਤਾ ਪੰਜਾਬ' 'ਚ ਆਪਣੇ ਸ਼ਾਨਦਾਰ ਕੰਮ ਲਈ ਬੈਸਟ ਐਕਟਰ ਦੇ ਖਿਤਾਬ ਨਾਲ ਨਿਵਾਜਿਆ ਗਿਆ। ਮੇਟਲਾਈਫ ਸਟੇਡੀਅਮ 'ਚ ਆਯੋਜਿਤ 'ਆਈਫਾ 2017' 'ਚ ਸ਼ਾਹਿਦ ਨੂੰ ਕੈਟਰੀਨਾ ਕੈਫ ਨੇ ਐਵਾਰਡ ਦਿੱਤਾ, ਜਦਕਿ ਵਰੁਣ ਧਵਨ ਨੇ ਸਮਾਰੋਹ 'ਚ ਆਲੀਆ ਦੇ ਸਰਵਸ੍ਰੇਸ਼ਠ ਅਭਿਨੇਤਰੀ ਦੇ ਰੂਪ 'ਚ ਚੁਣੇ ਜਾਣ ਦਾ ਐਲਾਨ ਕੀਤਾ।
ਦਿਲਜੀਤ ਦੁਸਾਂਝ ਨੂੰ ਫਿਲਮ 'ਉੜਤਾ ਪੰਜਾਬ' ਲਈ ਸਰਵਸ੍ਰੇਸ਼ਠ ਨਵੇਂ ਅਭਿਨੇਤਾ ਦਾ ਐਵਾਰਡ ਦਿੱਤਾ ਗਿਆ।
ਸਰਵਸ੍ਰੇਸ਼ਠ ਫਿਲਮ ਦਾ ਐਵਾਰਡ ਏਅਰ ਹੋਸਟੈੱਸ ਨੀਰਜਾ ਭਨੋਟ ਦੀ ਜ਼ਿੰਦਗੀ 'ਤੇ ਆਧਾਰਿਤ ਫਿਲਮ 'ਨੀਰਜਾ' ਦੇ ਹਿੱਸੇ 'ਚ ਆਇਆ। ਉਥੇ ਅਨਿਰੁਧ ਰਾਏ ਚੌਧਰੀ ਨੂੰ 'ਪਿੰਕ' ਲਈ ਸਰਵਸ੍ਰੇਸ਼ਠ ਨਿਰਦੇਸ਼ਕ ਦਾ ਐਵਾਰਡ ਦਿੱਤਾ ਗਿਆ। ਸਰਵਸ੍ਰੇਸ਼ਠ ਨਵੀਂ ਅਭਿਨੇਤਰੀ ਦਾ ਐਵਾਰਡ ਦਿਸ਼ਾ ਪਟਾਨੀ ਨੂੰ ਮਿਲਿਆ। ਉਸ ਨੂੰ ਇਹ ਐਵਾਰਡ ਫਿਲਮ 'ਐੱਮ. ਐੱਸ. ਧੋਨੀ : ਦਿ ਅਨਟੋਲਡ ਸਟੋਰੀ' ਲਈ ਮਿਲਿਆ।
ਤਾਪਸੀ ਪਨੂੰ ਨੂੰ ਆਈਫਾ 'ਵੂਮੈਨ ਆਫ ਦਿ ਈਅਰ' ਦਾ ਐਵਾਰਡ ਮਿਲਿਆ।
ਬੈਸਟ ਸਪੋਰਟਿੰਗ ਐਕਟਰ (ਫੀਮੇਲ) ਦਾ ਐਵਾਰਡ ਦਿੱਗਜ ਅਭਿਨੇਤਰੀ ਸ਼ਬਾਨਾ ਆਜ਼ਮੀ ਨੂੰ ਮਿਲਿਆ। ਉਨ੍ਹਾਂ ਨੂੰ ਇਹ ਐਵਾਰਡ 'ਨੀਰਜਾ' ਲਈ ਮਿਲਿਆ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ