B''Day: ਜੇਕਰ ਫਿਲਮਾਂ ''ਚ ਨਾ ਹੁੰਦੀ ਤਾਂ ਇਹ ਪ੍ਰੋਫੈਸ਼ਨ ਚੁਣਦੀ ਕਲਕੀ ਕੋਚਲਿਨ
1/10/2019 3:03:12 PM
ਮੁੰਬਈ(ਬਿਊਰੋ)— ਕਲਕੀ ਕੋਚਲਿਨ ਦਾ ਜਨਮ 10 ਜਨਵਰੀ 1984 ਨੂੰ ਭਾਰਤ ਦੇ ਪੁਡੇਚੈਰੀ 'ਚ ਹੋਇਆ ਸੀ। ਉਨ੍ਹਾਂ ਦੇ ਪਿਤਾ ਜੋਏਲ ਅਤੇ ਮਾਂ ਫੈਂਸਿਯੋਜ ਅਰਮਾਂਡੇ ਫਰਾਂਸ ਦੇ ਰਹਿਣ ਵਾਲੇ ਹਨ। ਕਲਕੀ ਮੌਰਿਸ ਕੋਚਲਿਨ ਦੇ ਪਰਿਵਾਰ ਤੋਂ ਹੈ ਜਿਸ ਨੇ ਐਫਿਲ ਟਾਵਰ ਨੂੰ ਡਿਜਾਈਨ ਕਰਨ 'ਚ ਅਹਿਮ ਭੂਮਿਕਾ ਨਿਭਾਈ ਸੀ, ਉਹ ਪੈਰਿਸ ਦੇ ਐਫਿਲ ਟਾਵਰ ਨੂੰ ਡਿਜ਼ਾਇਨ ਕਰਨ ਵਾਲੇ ਡਿਜਾਈਨਰਜ਼ 'ਚੋਂ ਇਕ ਸੀ।
ਉਨ੍ਹਾਂ ਨੇ ਆਪਣੇ ਸ਼ੁਰੂਆਤੀ ਦੌਰ 'ਚ ਥੀਏਟਰ 'ਚ ਵੀ ਕੰਮ ਕੀਤਾ ਹੈ। ਇਸ ਤੋਂ ਇਲਾਵਾ ਉਹ ਕਈ ਸਾਰੇ ਐਡ 'ਚ ਵੀ ਨਜ਼ਰ ਆ ਚੁੱਕੀ ਹੈ। ਕਲਕੀ ਕਈ ਸਾਰੀ ਭਾਸ਼ਾਵਾਂ ਬੋਲਣਾ ਜਾਣਦੀ ਹੈ। ਉਹ ਹਿੰਦੀ, ਇੰਗਲਿਸ਼, ਫ੍ਰੈਂਚ ਅਤੇ ਤਾਮਿਲ ਭਾਸ਼ਾ ਚੰਗੀ ਤਰ੍ਹਾਂ ਬੋਲਣਾ ਜਾਣਦੀ ਹੈ।
ਕਲਕੀ ਦੀ ਪਹਿਲੀ ਫਿਲਮ ਦੇਵ ਡੀ ਸੀ ਜੋ ਕਿ ਸ਼ਰਤਚੰਦਰ ਦੇ ਨਾਵਲ 'ਦੇਵਦਾਸ' ਤੇ ਆਧਾਰਿਤ ਸੀ। ਇਹ ਹੀ ਉਹ ਫਿਲਮ ਸੀ ਜਿਸ ਨਾਲ ਕਲਕੀ ਕੋਚਲਿਨ ਨੂੰ ਬਾਲੀਵੁੱਡ 'ਚ ਪਛਾਣ ਮਿਲੀ ਸੀ।
ਕਲਕੀ ਆਪਣੇ ਸ਼ਾਨਦਾਰ ਅਦਾਕਾਰੀ ਲਈ ਨੈਸ਼ਨਲ ਐਵਾਰਡ ਅਤੇ ਫਿਲਮਫੇਅਰ ਐਵਾਰਡ ਜਿੱਤ ਚੁੱਕੀ ਹੈ। ਆਪਣੀ ਪਹਿਲੀ ਹੀ ਫਿਲਮ 'ਦੇਵ ਡੀ' 'ਚ ਸ਼ਾਨਦਾਰ ਅਦਾਕਾਰੀ ਲਈ ਉਨ੍ਹਾਂ ਨੂੰ ਫਿਲਮਫੇਅਰ ਬੈਸਟ ਸੁਪੋਰਟਿੰਗ ਅਦਾਕਾਰਾ ਦਾ ਐਵਾਰਡ ਵੀ ਮਿਲਿਆ।
ਇਸ ਤੋਂ ਇਲਾਵਾ ਫਿਲਮ 'ਮਾਰਗੇਟਾ ਵਿਦ ਅਸਟ੍ਰਾ' 'ਚ ਸ਼ਾਨਦਾਰ ਅਦਾਕਾਰੀ ਲਈ ਕਲਕੀ ਸਪੈਸ਼ਲ ਜਯੂਰੀ ਦੀ ਕੈਟੇਗਰੀ 'ਚ ਨੈਸ਼ਨਲ ਐਵਾਰਡ ਨਾਲ ਨਵਾਜਿਆ ਗਿਆ।
ਕਲਕੀ ਜੇਕਰ ਇਕ ਅਦਾਕਾਰਾ ਨਾ ਹੁੰਦੀ ਤਾਂ ਉਹ ਕ੍ਰਿਮੀਨਲ ਸਾਈਕੋਲੋਜਿਸਟ ਹੁੰਦੀ। ਇਹ ਵੀ ਇਕ ਸੱਚ ਹੈ ਕਿ ਉਹ 'ਦੇਵ ਡੀ' ਤੋਂ ਬਾਅਦ ਕਰੀਬ 1.5 ਸਾਲ ਤੱਕ ਫਿਲਮਾਂ ਲਈ ਮੋਹਤਾਜ ਸੀ।
ਕਲਕੀ ਲੇਹ, ਲਧਾਖ ਅਤੇ ਮਨਾਲੀ ਵਰਗੀਆਂ ਥਾਵਾਂ ਤੇ ਜਾਣਾ ਪਸੰਦ ਕਰਦੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
