See Pics : ਕੰਗਨਾ ਰਣੌਤ ਨੇ ਪਾਇਆ 'Gucci' ਦਾ ਹਾਰ, ਲੱਖਾਂ 'ਚ ਹੈ ਇਸ ਦੀ ਕੀਮਤ
8/10/2018 4:35:20 PM
ਮੁੰਬਈ (ਬਿਊਰੋ)— ਗੱਲ ਜਦੋਂ ਫੈਸ਼ਨ ਦੀ ਹੋਵੇ ਤਾਂ ਇਸ ਮਾਮਲੇ 'ਚ ਕੰਗਨਾ ਰਣੌਤ ਦਾ ਨਾਂ ਟਾਪ 'ਤੇ ਹੈ। ਐਕਟਿੰਗ 'ਚ ਤਾਂ ਕੰਗਨਾ ਦਾ ਕੋਈ ਜਵਾਬ ਨਹੀਂ ਅਤੇ ਹੁਣ ਉਹ ਫੈਸ਼ਨ ਗੇਮ 'ਚ ਵੀ ਅੱਗੇ ਨਿਕਲ ਚੁੱਕੀ ਹੈ।
ਸਾੜ੍ਹੀ ਹੋਵੇ ਜਾਂ ਸੂਟ, ਬਾਲੀਵੁੱਡ ਦੀ ਇਹ ਅਭਿਨੇਤਰੀ ਹਰ ਆਊਟਫਿੱਟ 'ਚ ਫਿੱਟ ਬੈਠਦੀ ਹੈ।
ਏਅਰਪੋਰਟ ਸਟਾਈਲ ਹੋਵੇ ਜਾਂ ਫਿਰ ਐਵਾਰਡ ਨਾਈਟ, ਕੰਗਨਾ ਹਰ ਜਗ੍ਹਾ ਆਪਣੇ ਸਟਾਈਲ ਨਾਲ ਲੋਕਾਂ ਨੂੰ ਦੀਵਾਨਾ ਬਣਾਉਣਾ ਖੂਬ ਜਾਣਦੀ ਹੈ।
ਹਾਲ ਹੀ 'ਚ ਕੰਗਨਾ ਰਣੌਤ 'ਸਦਗੁਰੂ' ਨਾਂ ਨਾਲ ਮਸ਼ਹੂਰ ਲੇਖਕ ਅਤੇ ਸੰਤ ਜੱਗੀ ਵਾਸੂਦੇਵ ਨੂੰ ਮਿਲੀ।
ਇਸ ਦੌਰਾਨ ਕੰਗਨਾ ਨੇ ਪਿੰਕ ਫਲੋਰਲ ਸਾੜ੍ਹੀ ਨਾਲ ਮੋਤੀਆਂ ਨਾਲ ਬਣਿਆ ਨੈੱਕਲੇਸ ਪਾਇਆ ਹੋਇਆ ਸੀ, ਜਿਸ ਨੂੰ ਦੇਖ ਸਾਰਿਆ ਦੀਆਂ ਨਜ਼ਰਾਂ ਉਨ੍ਹਾਂ 'ਤੇ ਟਿੱਕ ਗਈਆਂ।
ਖੂਬਸੂਰਤ ਪਿੰਕ ਫਲੋਰਲ ਸਾੜ੍ਹੀ ਨਾਲ ਪਹਿਨੇ ਗਏ ਇਸ ਨੈੱਕਲੇਸ ਦੀ ਬੇਹੱਦ ਖਾਸ ਗੱਲ ਸੀ ਇਸ ਦਾ ਡਿਜ਼ਾਈਨ।
ਇਸ ਨੈੱਕਲੇਸ 'ਤੇ ਬਣੇ ਪੇਂਡੇਂਟ ਨੇ ਸਾਰਿਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਕਿਉਂਕਿ ਇਹ ਪੇਂਡੇਂਟ ਮਧੂ ਮੱਖੀ ਤੋਂ ਪ੍ਰੇਰਿਤ ਸੀ।
ਦੱਸ ਦੇਈਏ ਕਿ ਮਧੂ ਮੱਖੀ ਨਾਲ ਬਣਿਆ ਪੇਂਡੇਂਟ ਵਾਲਾ ਨੈੱਕਲੇਸ ਇਟੈਲੀਅਨ ਬ੍ਰੈਂਡ 'ਗੁੱਚੀ' (Gucci) ਦਾ ਹੈ, ਜਿਸ ਦੀ ਕੀਮਤ 1,990 ਡਾਲਰ (1,36,563 ਰੁ) ਹੈ।
ਜ਼ਿਕਰਯੋਗ ਹੈ ਕਿ ਕੰਗਨਾ ਉਨ੍ਹਾਂ ਅਭਿਨੇਤਰੀਆਂ 'ਚੋਂ ਹੈ, ਜੋ ਆਪਣੇ ਕੱਪੜੇ ਅਤੇ ਅਸੈਸਰੀਜ਼ ਨੂੰ ਰਿਪੀਟ ਕਰਨਾ ਪਸੰਦ ਕਰਦੀ ਹੈ। ਉਨ੍ਹਾਂ ਨੇ ਇਸ ਨੈੱਕਲੇਸ ਨੂੰ ਵੀ ਰਿਪੀਟ ਕੀਤਾ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਲੰਡਨ 'ਚ ਆਪਣੇ ਸਟਾਈਲਿਸਟ ਦੇ ਜਨਮਦਿਨ ਮੌਕੇ ਪਹਿਨਿਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
