ਨਵੇਂ ਸ਼ੋਅ ਨਾਲ ਕਪਿਲ ਨੂੰ ਪੈ ਰਿਹਾ ਲੱਖਾਂ ਦਾ ਘਾਟਾ
1/3/2019 4:48:14 PM
ਜਲੰਧਰ (ਬਿਊਰੋ) : ਕਮੇਡੀ ਕਿੰਗ ਕਪਿਲ ਸ਼ਰਮਾ ਛੋਟੇ ਪਰਦੇ 'ਤੇ ਵਾਪਸ ਆ ਗਏ ਹਨ। ਉਨ੍ਹਾਂ ਨੇ ਆਪਣੇ ਸ਼ੋਅ ਨਾਲ ਸ਼ਾਨਦਾਰ ਵਾਪਸੀ ਕੀਤੀ ਹੈ। ਕਪਿਲ ਸ਼ਰਮਾ ਦੇ ਸ਼ੋਅ ਦੇ ਦਰਸ਼ਕ ਓਨੇ ਹੀ ਹਨ, ਜਿਨ੍ਹੇ ਪਹਿਲਾਂ ਹੁੰਦੇ ਸਨ ਪਰ ਪੈਸਿਆਂ ਦੇ ਮਾਮਲੇ 'ਚ ਕਪਿਲ ਸ਼ਰਮਾ ਨੂੰ ਕਾਫੀ ਵੱਡਾ ਝਟਕਾ ਲੱਗਾ ਹੈ ਕਿਉਂਕਿ ਕਪਿਲ ਸ਼ਰਮਾ ਨੂੰ ਪਿਛਲੇ ਸ਼ੋਅ ਦੇ ਮੁਕਾਬਲੇ 40 ਤੋਂ 50 ਲੱਖ ਰੁਪਏ ਘੱਟ ਮਿਲ ਰਹੇ ਹਨ। ਇੰਨਾਂ ਘਾਟਾ ਕਪਿਲ ਸ਼ਰਮਾ ਨੂੰ ਇਸ ਲਈ ਪੈ ਰਿਹਾ ਹੈ ਕਿਉਂਕਿ ਇਸ ਵਾਰ ਉਹ ਸਲਮਾਨ ਖਾਨ ਨਾਲ ਮਿਲ ਕੇ ਇਸ ਸ਼ੋਅ ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਜਦੋਂ ਕਿ ਇਸ ਤੋਂ ਪਹਿਲਾਂ ਇਹ ਸ਼ੋਅ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਕੋਲ ਸੀ।
ਸਾਲ 2016 'ਚ ਜਦੋਂ ਕਪਿਲ ਸ਼ਰਮਾ ਆਪਣੇ ਸਾਥੀ ਸੁਨੀਲ ਗਰੋਵਰ, ਕਿੱਕੂ ਸ਼ਾਰਦਾ, ਚੰਦਨ ਪ੍ਰਭਾਕਰ ਨਾਲ ਕੰਮ ਕਰਦੇ ਸਨ ਤਾਂ ਉਹ ਇੱਕ ਸ਼ੋਅ ਦੇ 60 ਤੋਂ 80 ਲੱਖ ਰੁਪਏ ਚਾਰਜ ਕਰਦੇ ਸਨ ਪਰ ਹੁਣ ਇਹ ਰਕਮ ਬਹੁਤ ਘੱਟ ਹੈ। ਕਪਿਲ ਦੀ ਫੀਸ 60 ਤੋਂ 80 ਲੱਖ ਤੋਂ ਘੱਟ ਕੇ 15 ਲੱਖ ਹੋ ਗਈ ਹੈ। ਇਹ ਖਬਰ ਸੋਸ਼ਲ ਮੀਡੀਆ 'ਚ ਕਾਫੀ ਵਾਇਰਲ ਹੋ ਰਹੀ ਹੈ। ਕਪਿਲ ਤੋਂ ਇਲਾਵਾ ਭਾਰਤੀ ਸਿੰਘ ਅਤੇ ਕ੍ਰਿਸ਼ਨਾ ਅਭਿਸ਼ੇਕ ਨੂੰ ਇਕ ਐਪੀਸੋਡ ਦੇ 10 ਤੋਂ 12 ਲੱਖ ਮਿਲ ਰਹੇ ਹਨ। ਭਾਵੇਂ ਕਪਿਲ ਸ਼ਰਮਾ ਨੂੰ ਪੈਸਿਆਂ ਦੇ ਮਾਮਲੇ 'ਚ ਵੱਡਾ ਝਟਕਾ ਲੱਗਾ ਹੈ ਪਰ ਕਪਿਲ ਦੇ ਪ੍ਰਸ਼ੰਸਕਾਂ ਦੀਆਂ ਦੁਆਵਾਂ ਉਨ੍ਹਾਂ ਦੇ ਨਾਲ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ