ਕਰਿਸ਼ਮਾ ਕਪੂਰ ਨੇ ਖੋਲ੍ਹਿਆ ਆਪਣੀ ਖੂਬਸੂਰਤੀ ਦਾ ਰਾਜ਼, ਲੜਕੀਆਂ ਨੂੰ ਦਿੱਤੇ ਬਿਊਟੀ ਟਿਪਸ
7/25/2018 9:26:14 AM
![](https://static.jagbani.com/multimedia/2018_7image_09_11_549200000krishma.jpg)
ਮੁੰਬਈ(ਹਰਲੀਨ ਕੌਰ)— ਬਾਲੀਵੁੱਡ ਅਦਾਕਾਰਾ ਕਰਿਸ਼ਮਾ ਕਪੂਰ ਹਾਲ ਹੀ ਵਿਚ ਬਿਊਟੀ ਪ੍ਰੋਡਕਟ Ponds ਨੂੰ ਪ੍ਰਮੋਟ ਕਰਨ ਚੰਡੀਗੜ੍ਹ ਪਹੁੰਚੀ। ਇਸ ਦੌਰਾਨ ਉਸ ਨੇ 'ਜਗ ਬਾਣੀ' ਦੀ ਟੀਮ ਨਾਲ ਖਾਸ ਗੱਲਬਾਤ ਕੀਤੀ ਅਤੇ ਉਸ ਨੇ ਆਪਣੀ ਖੂਬਸੂਰਤੀ ਦਾ ਰਾਜ਼ ਵੀ ਖੋਲ੍ਹਿਆ।
ਸਕਿਨ ਨੂੰ ਗਲੋਇੰਗ ਰੱਖਣ ਲਈ ਦੱਸੇ ਨੁਸਖੇ
ਕਰਿਸ਼ਮਾ ਦਾ ਕਹਿਣਾ ਹੈ ਕਿ ਮੇਰੀ ਦਾਦੀ ਮਾਂ ਨੇ ਇਹੋ ਸਿਖਾਇਆ ਹੈ ਕਿ ਹਮੇਸ਼ਾ ਹੈਲਦੀ ਖਾਣਾ ਖਾਓ। ਕੁਝ ਵੀ ਜ਼ਿਆਦਾ ਕਰਨ ਦੀ ਲੋੜ ਨਹੀਂ ਹੈ। ਹਮੇਸ਼ਾ ਸਿੰਪਲ ਚੀਜ਼ਾਂ ਕਰੋ ਜੋ ਮਾਤਾ-ਪਿਤਾ ਸਾਨੂੰ ਸਿਖਾਉਂਦੇ ਹਨ। ਕਰਿਸ਼ਮਾ ਆਪਣੀ ਬੇਟੀ ਨੂੰ ਵੀ ਇਹੋ ਟਿਪਸ ਦਿੰਦੀ ਹੈ ਕ ਉਹ ਹਮੇਸ਼ਾ ਹੈਲਦੀ ਖਾਣਾ ਖਾਏ।
ਦੇਸੀ ਘਿਓ ਹੈ ਖੂਬਸੂਰਤੀ ਦਾ ਰਾਜ਼
ਮੇਰੀ ਦਾਦੀ ਦੀ ਗੋਰੀ ਸਕਿਨ ਦਾ ਰਾਜ਼ ਹੈ ਕਿ ਉਹ ਰੋਜ਼ਾਨਾ ਇਕ ਚਮਚ ਦੇਸੀ ਘਿਓ ਖਾਂਦੀ ਹੈ। ਇਹ ਸਾਡੇ ਪਰਿਵਾਰ ਵਿਚ ਸ਼ੁਰੂ ਤੋਂ ਚਲਦਾ ਆਇਆ ਹੈ। ਦੱਸ ਦਈਏ ਕਿ ਕਰਿਸ਼ਮਾ ਦੀ ਭੈਣ ਕਰੀਨਾ ਨੂੰ ਵੀ ਦੇਸੀ ਘਿਓ ਬਹੁਤ ਪਸੰਦ ਹੈ ਅਤੇ ਇਹੋ ਕਾਰਨ ਹੈ ਕਿ ਕਪੂਰ ਭੈਣਾਂ ਦੀ ਸਕਿਨ ਇੰਨੀ ਗਲੋ ਹੈ।
ਸਕਿਨ ਦੀ ਨਹੀਂ ਕੀਤੀ ਕਦੀ ਪ੍ਰਵਾਹ
ਕਰਿਸ਼ਮਾ ਦਾ ਕਹਿਣਾ ਹੈ ਕਿ ਅਸੀਂ ਸਕਿਨ ਨੂੰ ਲੈ ਕੇ ਕਦੇ ਵੀ ਕਾਨਸ਼ੀਅਸ ਨਹੀਂ ਰਹੇ। ਅਸੀਂ ਕਦੇ ਇਸ ਬਾਰੇ ਸੋਚਿਆ ਵੀ ਨਹੀਂ। ਮੈਂ ਘੱਟ ਉਮਰ ਵਿਚ ਹੀ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ, ਜਿਸ ਕਾਰਨ ਕਦੇ ਇੰਨਾ ਸਮਾਂ ਨਹੀਂ ਮਿਲਿਆ ਕਿ ਅਸੀਂ ਇਸ ਬਾਰੇ ਸੋਚ ਸਕੀਏ। ਸੋਚਣ ਦੀ ਥਾਂ ਅਸੀਂ ਡਾਇਲਾਗਸ ਯਾਦ ਕਰਦੇ ਹੁੰਦੇ ਸੀ।
ਪੰਜਾਬ ਦੀਆਂ ਕੁੜੀਆਂ ਨੂੰ ਦਿੱਤੇ ਟਿਪਸ
ਪੰਜਾਬ ਦੀਆਂ ਕੁੜੀਆਂ ਲਈ ਕਰਿਸ਼ਮਾ ਦਾ ਕਹਿਣਾ ਹੈ ਕਿ ਜੋ ਵੀ ਖਾ ਰਹੇ ਹੋ, ਜੋ ਵੀ ਕਰ ਰਹੇ ਹੋ, ਤਸੱਲੀ ਨਾਲ ਕਰੋ। ਇਸ ਦੇ ਇਲਾਵਾ ਥੋੜ੍ਹੀ ਐਕਸਰਸਾਈਜ਼ ਕਰੋ। ਕੁਝ ਐਕਸਟਰਾ ਕਰਨ ਦੀ ਲੋੜ ਨਹੀਂ ਹੈ।
ਪੰਜਾਬ ਦਾ ਖਾਣਾ ਬੇਹੱਦ ਪਸੰਦ
ਮੈਂ ਪੰਜਾਬ ਵਿਚ ਜ਼ਿਆਦਾ ਫਿਲਮਾਂ ਨਹੀਂ ਕੀਤੀਆਂ ਹਨ ਪਰ ਮੈਨੂੰ ਪੰਜਾਬੀ ਖਾਣਾ ਬਹੁਤ ਪਸੰਦ ਹੈ ਅਤੇ ਸਾਡਾ ਇਹ ਕਨੈਕਸ਼ਨ ਤਾਂ ਹਮੇਸ਼ਾ ਰਹੇਗਾ। ਮੈਨੂੰ ਚੰਡੀਗੜ੍ਹ ਆ ਕੇ ਬਹੁਤ ਚੰਗਾ ਲੱਗਾ। ਇਥੇ ਸਾਰਿਆਂ ਨੂੰ ਮਿਲ ਕੇ ਬਹੁਤ ਖੁਸ਼ੀ ਹੋਈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ