KBC11: ਬਿਹਾਰ ਦੇ ਸਨੋਜ ਰਾਜ ਬਣੇ ਪਹਿਲੇ ਕਰੋੜਪਤੀ, ਰਚਿਆ ਇਤਿਹਾਸ
9/11/2019 2:17:08 PM
ਮੁੰਬਈ(ਬਿਊਰੋ)- ਸੋਨੀ ਟੀ.ਵੀ. ਚੈਨਲ ’ਤੇ ਪ੍ਰਸਾਰਿਤ ਹੋਣ ਵਾਲੇ ਰਿਐਲਿਟੀ ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਦੇ ਸੀਜਨ 11 ਨੂੰ ਪਹਿਲਾ ਕਰੋੜਪਤੀ ਮਿਲ ਗਿਆ ਹੈ। ਜਾਣਕਾਰੀ ਮੁਤਾਬਕ ਜ਼ਿਲੇ ਦੇ ਹੁਲਾਸਗੰਜ ਪ੍ਰਖੰਡ ਦੇ ਢੋਂਗਰਾ ਪਿੰਡ ਦੇ ਨਿਵਾਸੀ ਸਨੋਜ ਰਾਜ ਨੇ ਇਹ ਰਕਮ ਜਿੱਤ ਕੇ ਬਿਹਾਰ ਦਾ ਨਾਮ ਰੋਸ਼ਨ ਕੀਤਾ ਹੈ। ਸੋਨੀ ਚੈਨਲ ਨੇ ਮੰਗਲਵਾਰ ਨੂੰ ਆਪਣੇ ਫੇਸਬੁੱਕ ਅਤੇ ਟਵਿਟਰ ਅਕਾਊਂਟ ’ਤੇ ਆਉਣ ਵਾਲੇ ਐਪੀਸੋਡ ਦਾ ਪ੍ਰੋਮੋ ਪੋਸਟ ਕੀਤਾ, ਜਿਸ ’ਚ ਸਨੋਜ ਰਾਜ 15ਵੇਂ ਸਵਾਲ ਦਾ ਠੀਕ ਜਵਾਬ ਦੇ ਕੇ ਇਕ ਕਰੋੜ ਰੁਪਏ ਜਿੱਤਦੇ ਦਿਖਾਈ ਦੇ ਰਹੇ ਹਨ। ਸੋਨੀ ਚੈਨਲ ਦੇ ਟਵਿਟਰ ਪੋਸਟ ਮੁਤਾਬਕ ਹੁਣ ਉਹ ਸੱਤ ਕਰੋੜ ਰੁਪਏ ਦੇ ਸਵਾਲ ਲਈ ਖੇਡਣਗੇ। ਵੀਰਵਾਰ ਅਤੇ ਸ਼ੁੱਕਰਵਾਰ ਨੂੰ ਸੋਨੀ ਨਾਲ ਜੁੜੇ ਐਪੀਸੋਡ ਦਾ ਪ੍ਰਸਾਰਣ ਹੋਵੇਗਾ।
Sanoj Raj is our season's first Crorepati! He will attempt the jackpot question for Rs 7 Crores now. Will he succeed? Find out on #KBC, this Thursday and Friday at 9 PM @SrBachchan pic.twitter.com/eVEuX7esNb
— Sony TV (@SonyTV) September 10, 2019
ਧਿਆਨਯੋਗ ਹੈ ਕਿ ਬਿਹਾਰ ਦੇ ਸਨੋਜ ਰਾਜ ਨੇ ਕਦੇ ਮਹਾਂਨਗਰ ਨਹੀਂ ਦੇਖਿਆ ਸੀ। ਉਨ੍ਹਾਂ ਦੇ ਪਿਤਾ ਰਾਮਜਨਮ ਸ਼ਰਮਾ ਸਾਧਾਰਣ ਕਿਸਾਨ ਹਨ। ਸਨੋਜ ਨੇ ਜਹਾਨਾਬਾਦ ਤੋਂ ਹੀ ਆਪਣੀ ਪੜਾਈ ਕੀਤੀ ਹੈ। ਉਨ੍ਹਾਂ ਨੇ ਵਰਧਮਾਨ ਦੇ ਇਕ ਕਾਲਜ ਤੋਂ ਬੀਟੈਕ ਦੀ ਪੜਾਈ ਕੀਤੀ ਹੈ ਅਤੇ ਉਸ ਤੋਂ ਬਾਅਦ ਦੋ ਸਾਲ ਤੋਂ ਸਹਾਇਕ ਕਮਾਂਡੇਂਟ ਦੇ ਅਹੁਦੇ ’ਤੇ ਨੌਕਰੀ ਕਰ ਰਹੇ ਹਨ। ਹਾਲਾਂਕਿ ਉਨ੍ਹਾਂ ਦੀ ਇੱਛਾ ਪ੍ਰਬੰਧਕੀ ਖੇਤਰ ’ਚ ਜਾਣ ਦੀ ਹੈ। ਉਹ ਆਈ. ਏ. ਐੱਸ. ਬਨਣਾ ਚਾਹੁੰਦੇ ਹਨ। ‘ਕੌਣ ਬਣੇਗਾ ਕਰੋੜਪਤੀ 11’ ਦੇ ਇਸ ਐਪੀਸੋਡ ਦਾ ਪ੍ਰਸਾਰਣ 12 ਨਵੰਬਰ ਨੂੰ ਕੀਤਾ ਜਾਵੇਗਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
