ਪੁਲਸ ਦੀ ਚੇਤਾਵਨੀ ਦੇ ਬਾਵਜੂਦ ਨਹੀਂ ਰੁੱਕ ਰਿਹਾ ''ਕਿਕੀ ਚੈਲੇਂਜ'' ਦਾ ਕ੍ਰੇਜ਼, ਅਦਾਕਾਰਾ ਨੇ ਪੋਸਟ ਕੀਤੀ ਵੀਡੀਓ
8/3/2018 11:22:10 AM
ਮੁੰਬਈ(ਬਿਊਰੋ)— ਪੁਲਸ ਦੀ ਚੇਤਾਵਨੀ ਦੇ ਬਾਵਜੂਦ 'ਚੈਲੇਂਜ' ਦਾ ਕ੍ਰੇਜ਼ ਘੱਟ ਨਹੀਂ ਰਿਹਾ। ਕੈਨੇਡੀਅਨ ਰੈਪਰ ਡਰੇਕ ਦੇ ਗੀਤ 'ਕਿਕੀ ਚੈਲੇਂਜ' ਦਾ ਕ੍ਰੇਜ਼ ਘੱਟਣ ਦੀ ਬਜਾਏ ਸਗੋਂ ਦਿਨੋਂ-ਦਿਨ ਵਧਦਾ ਹੀ ਜਾ ਰਿਹਾ ਹੈ। ਦਿੱਲੀ ਤੋਂ ਲੈ ਕੇ ਮੁੰਬਈ, ਉੱਤਰ ਪ੍ਰਦੇਸ਼ ਤੱਕ ਦੀ ਪੁਲਸ ਨੇ ਲੋਕਾਂ ਨੂੰ ਇਹ ਚੈਲੇਂਜ ਨਾ ਕਰਨ ਦੀ ਅਪੀਲ ਦੇ ਨਾਲ-ਨਾਲ ਚੇਤਾਵਨੀ ਵੀ ਦਿੱਤੀ ਹੈ। ਪੁਲਸ ਨੇ ਲੋਕਾਂ 'ਤੇ ਚੱਲਦੀ ਗੱਡੀ 'ਚੋਂ ਉੱਤਰ ਕੇ ਡਾਂਸ ਕਰਨ 'ਤੇ ਜੁਰਮਾਨਾ ਲਾਉਣ ਅਤੇ ਗੱਡੀ ਜ਼ਬਤ ਕਰਨ ਦੀ ਚੇਤਾਵਨੀ ਦਿੱਤੀ ਹੈ ਪਰ ਆਮ ਲੋਕਾਂ ਨਾਲ-ਨਾਲ ਸਿਤਾਰਿਆਂ 'ਤੇ ਵੀ ਇਸ ਦਾ ਕੋਈ ਅਸਰ ਨਹੀਂ ਹੋ ਰਿਹਾ ਹੈ। ਜੀ ਹਾਂ, ਹੁਣ ਇਸ ਚੈਲੇਂਜ 'ਚ ਸ਼ਾਮਲ ਹੋ ਗਈ ਹੈ ਟੀ.ਵੀ. ਅਦਾਕਾਰਾ ਸ਼ਰਧਾ ਆਰੀਆ।
A post shared by Shraddha Arya (@sarya12) on Aug 1, 2018 at 8:20am PDT
ਹਾਲ ਹੀ 'ਚ ਸ਼ਰਧਾ ਆਰੀਆ ਨੇ ਕੁਝ ਸਮਾਂ ਪਹਿਲਾਂ 'ਕਿਕੀ ਚੈਲੇਂਜ' 'ਤੇ ਚੱਲਦੀ ਗੱਡੀ ਤੋਂ ਉੱਤਰ ਕੇ ਨੱਚਦੇ ਹੋਏ ਆਪਣਾ ਵੀਡੀਓ ਪੋਸਟ ਕੀਤਾ ਹੈ। ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਸ਼ਰਧਾ ਨੇ ਲਿਖਿਆ ਹੈ ਕਿ, ''ਦੋ ਵਾਰ ਫੇਲ੍ਹ ਹੋਣ ਤੋਂ ਬਾਅਦ ਆਖਿਰਕਾਰ ਇਹ ਵੀਡੀਓ ਬਣਿਆ ਹੈ। ਹਾਲਾਂਕਿ, ਸ਼ਰਧਾ ਨੇ ਵੀਡੀਓ ਪੋਸਟ ਕਰਦੇ ਹੋਏ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਵੀ ਲਿਖਿਆ ਹੈ ਕਿ ਕਿਰਪਾ ਕਰਕੇ ਆਵਾਜਾਈ ਵਾਲੀ ਸੜਕ 'ਤੇ ਜਾ ਕੇ ਇਹ ਡਾਂਸ ਨਾ ਕੀਤਾ ਜਾਵੇ, ਜਿੱਥੇ ਵੀ ਖਤਰੇ ਦਾ ਸੰਕੇਤ ਹੋਵੇ, ਇਸ ਚੈਲੇਂਜ ਨੂੰ ਕਰਨ ਦੀ ਕੋਸ਼ਿਸ਼ ਨਾ ਕਰੋ। ਉਸ ਨੇ ਇਹ ਵੀ ਲਿਖਿਆ ਹੈ ਕਿ ਅਸੀਂ ਫਿਲਮ ਖੇਤਰ 'ਚ ਹਾਂ, ਇਸ ਲਈ ਜਾਣਦੇ ਹਾਂ ਕਿ ਇਨ੍ਹਾਂ ਚੀਜ਼ਾਂ ਨੂੰ ਸੁਰੱਖਿਅਤ ਤਰੀਕੇ ਨਾਲ ਕਿੰਝ ਕਰਨਾ ਹੈ।
ਦੱਸਣਯੋਗ ਹੈ ਕਿ ਪੁਲਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਤੁਸੀਂ ਇਹ ਡਾਂਸ ਫਲੋਰ 'ਤੇ ਕਰੋ ਨਾ ਕਿ ਸੜਕ ਉੱਪਰ ਜਾ ਕੇ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ