ਹੁਣ ਅਜਿਹੀ ਦਿਖਣ ਲੱਗੀ ਹੈ ''ਜੁੰਮਾ-ਚੁੰਮਾ'' ਗਰਲ, ਤਸਵੀਰਾਂ ਕਰ ਦੇਣਗੀਆਂ ਹੈਰਾਨ
7/15/2017 8:42:54 PM
ਮੁੰਬਈ— ਫਿਲਮ 'ਹਮ' ਦੇ ਗੀਤ 'ਜੁੰਮਾ-ਚੁੰਮਾ' ਨਾਲ ਪ੍ਰਸਿੱਧ ਹੋਈ ਕਿਮੀ ਕਾਟਕਰ ਨੂੰ ਜੇਕਰ ਅੱਜ ਕੋਈ ਦੇਖੇ ਤਾਂ ਉਸ ਨੂੰ ਪਛਾਣਨਾ ਮੁਸ਼ਕਿਲ ਹੋਵੇਗਾ। ਹਾਲ ਹੀ 'ਚ ਅਭਿਨੇਤਰੀ ਪੂਨਮ ਢਿੱਲੋਂ ਨੇ ਕਿਮੀ ਨਾਲ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਉਸ ਦਾ ਇਕਦਮ ਵੱਖਰਾ ਲੁੱਕ ਨਜ਼ਰ ਆ ਰਿਹਾ ਹੈ।
ਦੱਸਣਯੋਗ ਹੈ ਕਿ ਕਿਮੀ ਨੇ ਫਿਲਮ 'ਟਾਰਜ਼ਨ' 'ਚ ਬੋਲਡ ਸੀਨਜ਼ ਦੇ ਕੇ ਕਾਫੀ ਸੁਰਖੀਆਂ ਬਟੌਰੀਆਂ ਸਨ। ਇਸ ਫਿਲਮ 'ਚ ਉਸ ਦੇ ਹੀਰੋ ਹੇਮੰਤ ਬਿਰਜੇ ਸਨ। ਕਿਮੀ ਨੇ ਬਾਲੀਵੁੱਡ ਅਭਿਨੇਤਰੀਆਂ ਨਾਲ ਹੋਣ ਵਾਲੇ ਸ਼ੋਸ਼ਣ ਨੂੰ ਆਧਾਰ ਬਣਾ ਕੇ ਫਿਲਮ ਇੰਡਸਟਰੀ ਛੱਡ ਦਿੱਤੀ ਸੀ। 1992 'ਚ ਰਿਲੀਜ਼ 'ਹਮਲਾ' ਉਸ ਦੀ ਆਖਰੀ ਫਿਲਮ ਸੀ।
ਕਿਮੀ ਕਾਟਕਰ ਨੂੰ ਫਿਲਮ ਇੰਡਸਟਰੀ 'ਚ ਕੰਮ ਦਾ ਰਵੱਈਆ ਪਸੰਦ ਨਹੀਂ ਆਇਆ ਸੀ। ਉਸ ਨੇ ਬਾਲੀਵੁੱਡ ਨੂੰ ਅਲਵਿਦਾ ਕਹਿਣ ਤੋਂ ਪਹਿਲਾਂ ਕਿਹਾ ਸੀ, 'ਮੈਂ ਫਿਲਮ ਇੰਡਸਟਰੀ ਤੋਂ ਪ੍ਰੇਸ਼ਾਨ ਹੋ ਕੇ ਜਾ ਰਹੀ ਹਾਂ ਤੇ ਮੇਰਾ ਅਭਿਨੈ ਤੋਂ ਮਨ ਭਰ ਚੁੱਕਾ ਹੈ।' ਕਿਮੀ ਨੇ ਫਿਲਮ ਇੰਡਸਟਰੀ 'ਚ ਅਭਿਨੇਤਰੀਆਂ ਨਾਲ ਹੋਣ ਵਾਲੇ ਸ਼ੋਸ਼ਣ 'ਤੇ ਵੀ ਸਵਾਲ ਉਠਾਏ ਸਨ।
ਕਿਮੀ ਨੇ ਇਹ ਵੀ ਕਿਹਾ ਸੀ, 'ਮਹਿਲਾ ਕਲਾਕਾਰਾਂ ਦੇ ਮੁਕਾਬਲੇ ਮਰਦ ਕਲਾਕਾਰਾਂ ਨੂੰ ਜ਼ਿਆਦਾ ਤਰਜੀਹ ਦਿੱਤੇ ਜਾਣ ਕਾਰਨ ਉਸ ਨੂੰ ਖਿੱਝ ਹੋਣ ਲੱਗੀ ਹੈ ਤੇ ਇਸੇ ਵਜ੍ਹਾ ਕਾਰਨ ਉਹ ਬਾਲੀਵੁੱਡ ਨੂੰ ਅਲਵਿਦਾ ਕਹਿ ਰਹੀ ਹੈ।'
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
