ਪੰਜਾਬੀ ਫਿਲਮਾਂ 'ਚ ਆਲੋਪ ਹੋਈ ਹਰਭਜਨ ਮਾਨ ਦੀ ਇਹ ਖੂਬਸੂਰਤ ਅਦਾਕਾਰਾ
5/4/2019 10:11:40 AM
ਜਲੰਧਰ (ਬਿਊਰੋ) : ਪੰਜਾਬੀ ਫਿਲਮ ਇੰਡਸਟਰੀ ਦੀ ਮਸ਼ਹੂਰ ਅਦਾਕਾਰਾ ਕਿਮੀ ਵਰਮਾ ਇਨ੍ਹੀਂ ਦਿਨੀਂ ਫਿਲਮ ਇੰਡਸਟਰੀ ਤੋਂ ਦੂਰ ਹੈ ਪਰ ਸੋਸ਼ਲ ਮੀਡੀਆ ਦੇ ਜਰੀਏ ਉਹ ਆਪਣੇ ਫੈਨਜ਼ ਨਾਲ ਜੁੜੀ ਰਹਿੰਦੀ ਹੈ। ਦੱਸ ਦਈਏ ਕਿ ਕਿਮੀ ਵਰਮਾ ਨੇ ਕਈ ਪੰਜਾਬੀ ਹਿੱਟ ਫਿਲਮਾਂ 'ਚ ਕੰਮ ਕੀਤਾ।
ਫਿਲਮ ਇੰਡਸਟਰੀ 'ਚ ਕਿਮੀ ਵਰਮਾ ਦੇ ਨਾਂ ਨਾਲ ਜਾਣੀ ਜਾਣ ਵਾਲੀ ਅਦਾਕਾਰਾ ਦਾ ਨਾਂ ਕਿਰਨਦੀਪ ਵਰਮਾ ਹੈ। ਅਦਾਕਾਰਾ ਦੇ ਨਾਲ-ਨਾਲ ਕਿਮੀ ਇਕ ਫੈਸ਼ਨ ਡਿਜ਼ਾਈਨਰ ਵੀ ਹੈ।
ਸਾਲ 1994 'ਚ ਕਿਮੀ ਵਰਮਾ ਨੇ 'ਫੈਮਿਨਾ ਮਿਸ ਇੰਡੀਆ ਬਿਊਟੀਫੁੱਲ ਹੇਅਰ' ਦਾ ਖਿਤਾਬ ਵੀ ਜਿੱਤਿਆ ਸੀ।
ਦੱਸ ਦਈਏ ਕਿ ਕਿਮੀ ਵਰਮਾ ਦਾ ਪਿਛੋਕੜ ਪੰਜਾਬ ਦੇ ਲੁਧਿਆਣਾ ਜ਼ਿਲ੍ਹੇ ਦੇ ਜਗਰਾਓਂ ਨਾਲ ਹੈ। ਉਸ ਨੇ ਆਪਣੀ ਮੁੱਢਲੀ ਸਿੱਖਿਆ ਜਗਰਾਓਂ 'ਚ ਹੀ ਪੂਰੀ ਕੀਤੀ।
ਕਿਮੀ ਵਰਮਾ ਅਦਾਕਾਰੀ 'ਚ ਮਾਹਿਰ ਨਹੀਂ ਹੈ ਸਗੋਂ ਉਹ ਪੜ੍ਹਾਈ ਤੇ ਖੇਡਾਂ 'ਚ ਵੀ ਕਾਫੀ ਹੁਸ਼ਿਆਰ ਸੀ। ਮਸ਼ਹੂਰ ਡਾਇਰੈਕਟਰ ਮਨਮੋਹਨ ਸਿੰਘ ਕਿਮੀ ਨੂੰ ਫਿਲਮਾਂ 'ਚ ਜਾਣ ਦੀ ਸਲਾਹ ਦਿੱਤੀ ਸੀ।
ਕਿਮੀ ਵਰਮਾ ਨੂੰ ਸਕੂਲੀ ਦੌਰ 'ਚ ਹੀ 'ਨਸੀਬੋ' ਫਿਲਮ ਲਈ ਆਫਰ ਆਇਆ ਸੀ।
ਦੱਸਣਯੋਗ ਹੈ ਕਿ ਕਿਮੀ ਵਰਮਾ ਨੇ ਪੰਜਾਬੀ ਫਿਲਮ ਇੰਜਸਟਰੀ ਦੇ ਉੱਘੇ ਅਦਾਕਾਰ ਤੇ ਪੰਜਾਬੀ ਗਾਇਕ ਹਰਭਜਨ ਮਾਨ ਨਾਲ ਕਈ ਫਿਲਮਾਂ ਕੀਤੀਆਂ ਹਨ।
ਕਿਮੀ ਵਰਮਾ ਨੇ 'ਅਸਾਂ ਨੂੰ ਮਾਣ ਵਤਨਾਂ ਦਾ', 'ਅੱਜ ਦੇ ਰਾਂਝੇ', 'ਇਕ ਕੁੜੀ ਪੰਜਾਬ ਦੀ', 'ਮੇਰਾ ਪਿੰਡ ਮਾਈ ਹੋਮ', 'ਸਤਿ ਸ਼੍ਰੀ ਅਕਾਲ', 'ਜੀ ਆਇਆਂ ਨੂੰ', 'ਸ਼ਹੀਦ ਉਧਮ ਸਿੰਘ', 'ਕਹਿਰ' ਅਤੇ 'ਖੂਨ ਦਾ ਦਾਜ' ਸਮੇਤ ਕਈ ਹੋਰਨਾਂ ਫਿਲਮਾਂ 'ਚ ਅਦਾਕਾਰੀ ਦੇ ਜੌਹਰ ਦਿਖਾਏ ਹਨ। ਦੱਸ ਦਈਏ ਕਿ ਅੱਜਕਲ ਕਿਮੀ ਵਰਮਾ ਅਮਰੀਕਾ ਦੇ ਲਾਸ ਏਂਜਲਸ 'ਚ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
