ਵਰ੍ਹੇਗੰਢ 'ਤੇ ਰੋਮਾਂਟਿਕ ਹੋਏ ਮਿਲਿੰਦ ਸੋਮਨ, ਸਾਂਝੀ ਕੀਤੀ ਵੀਡੀਓ
4/23/2019 11:17:40 AM
ਮੁੰਬਈ(ਬਿਊਰੋ)— ਬਾਲੀਵੁੱਡ 'ਚ ਕਈ ਫਿਲਮਾਂ 'ਚ ਕੰਮ ਕਰ ਚੁਕੇ ਮਿਲਿੰਦ ਸੋਮਨ ਨੂੰ ਸਾਰੇ ਹੀ ਜਾਣਦੇ ਹੋਣਗੇ। ਇਨ੍ਹਾਂ ਨੇ ਆਪਣੀ ਐਕਟਿੰਗ ਨਾਲ ਸਾਰਿਆਂ ਨੂੰ ਬੇਹੱਦ ਪ੍ਰਭਾਵਿਤ ਕੀਤਾ। ਫਿਟਨੈੱਸ ਦੀ ਬੁੱਕ 'ਚ ਸਭ ਤੋਂ ਪਹਿਲਾ ਨਾਮ ਮਿਲਿੰਦ ਸੋਮਨ ਦਾ ਹੀ ਆਉਂਦਾ ਹੈ। ਉਨ੍ਹਾਂ ਨੇ ਆਪਣੀ ਗਰਲਫਰੈਂਡ ਨਾਲ ਪਿਛਲੇ ਸਾਲ 22 ਅਪ੍ਰੈਲ ਨੂੰ ਵਿਆਹ ਕੀਤਾ ਸੀ। ਦੋਵਾਂ ਦੇ ਵਿਆਹ ਨੂੰ 1 ਸਾਲ ਹੋ ਚੁੱਕਿਆ ਹੈ। ਇਸ ਖਾਸ ਮੌਕੇ 'ਤੇ ਕਪਲ ਨੇ ਇੰਸਟਾ ਅਕਾਊਂਟ 'ਤੇ ਵਿਆਹ ਦਾ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਨਾਲ ਹੀ ਰੋਮਾਂਟਿਕ ਕੈਪਸ਼ਨ ਲਿਖ ਇਕ-ਦੂਜੇ ਨੂੰ ਵਰ੍ਹੇਗੰਢ ਦੀ ਮੁਬਾਰਕਬਾਦ ਦਿੱਤੀ ਹੈ।
ਦੱਸ ਦੇਈਏ ਕਿ ਦੋਵਾਂ ਦੀ ਉਮਰ 'ਚ ਵੱਡੇ ਅੰਤਰ ਨੂੰ ਲੈ ਕੇ ਉਨ੍ਹਾਂ ਦਾ ਵਿਆਹ ਕਾਫੀ ਚਰਚਾ 'ਚ ਵੀ ਰਿਹਾ। ਵਿਆਹ ਦੀਆਂ ਰਸਮਾਂ ਨਾਲ ਜੁੜੀ ਵੀਡੀਓ ਸ਼ੇਅਰ ਕਰਦੇ ਹੋਏ ਮਿਲਿੰਦ ਸੋਮਨ ਨੇ ਲਿਖਿਆ,''ਪਿਛਲਾ ਸਾਲ ਬੇਹੱਦ ਖੂਬਸੂਰਤ ਰਿਹਾ ਪਰ ਤੁਹਾਡੇ ਜਿਨ੍ਹਾਂ ਖੂਬਸੂਰਤ ਨਹੀਂ, ਹਮੇਸ਼ਾ ਖੁਸ਼ ਰਹੋ ਅੰਕਿਤਾ।'' ਉਥੇ ਹੀ ਅੰਕਿਤਾ ਨੇ ਆਪਣੇ ਇੰਸਟਾ 'ਤੇ ਵੀ ਇਹ ਅਨਸੀਨ ਵੀਡੀਓ ਸ਼ੇਅਰ ਕੀਤਾ ਹੈ, ਉਨ੍ਹਾਂ ਨੇ ਕੈਪਸ਼ਨ 'ਚ ਲਿਖਿਆ,''ਪਿਛਲਾ ਇਕ ਸਾਲ ਖੁਸ਼ੀਆਂ ਨਾਲ ਭਰਿਆ ਹੋਇਆ ਬੀਤਿਆ, ਇਕ ਅਜਿਹਾ ਸਾਥ ਜਿਸ ਦਾ ਮੈਂ ਹਮੇਸ਼ਾ ਸੁਪਨਾ ਦੇਖਿਆ ਸੀ, ਤੁਹਾਡਾ ਹੋਣਾ ਮੇਰੇ ਸੰਸਾਰ ਨੂੰ ਅਤੇ ਖੂਬਸੂਰਤ ਬਣਾਉਂਦਾ ਹੈ। ਹਰ ਦਿਨ ਤੂੰ ਮੈਨੂੰ ਬਿਹਤਰ ਬਣਾਉਂਦੇ ਹੋ।''
ਸ਼ੇਅਰ ਕੀਤੇ ਗਏ ਵੀਡੀਓ 'ਚ ਮਿਲਿੰਦ ਅਤੇ ਅੰਕਿਤਾ ਵਿਆਹ ਦੀਆਂ ਰਸਮਾਂ ਨੂੰ ਨਿਭਾ ਰਹੇ ਹਨ, ਦੋਵਾਂ ਦੀ ਰੋਮਾਂਟਿਕ ਕੈਮਿਸਟਰੀ ਵੀ ਦੇਖਣ ਨੂੰ ਮਿਲ ਰਹੀ ਹੈ। ਦੋਵੇਂ ਲਾੜਾ-ਲਾੜੀ ਦੇ ਜੋੜੇ 'ਚ ਬੇਹੱਦ ਖੂਬਸੂਰਤ ਨਜ਼ਰ ਆ ਰਹੇ ਹਨ। ਵਿਆਹ, ਸੰਗੀਤ ਅਤੇ ਮਹਿੰਦੀ ਦੀਆਂ ਰਸਮਾਂ ਕੈਪਚਰ ਕੀਤੀਆਂ ਗਈਆਂ ਹਨ, ਮਿਲਿੰਦ ਅਤੇ ਅੰਕਿਤਾ ਡਾਂਸ ਕਰਦੇ ਹੋਏ ਵੀ ਨਜ਼ਰ ਆਏ, ਸੋਸ਼ਲ ਮੀਡਿਆ 'ਤੇ ਫੈਨਜ਼ ਵੀ ਕਪਲ ਨੂੰ ਐਨੀਵਰਸਰੀ ਦੀਆਂ ਵਧਾਈਆਂ ਦੇ ਰਹੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ