ਮਿਥੁਨ ਤੋਂ ਪਹਿਲੀ ਪਤਨੀ ਨੂੰ ਮਿਲਿਆ ਸੀ ਧੋਖਾ, ਗੁਜਾਰੇ ਲਈ ਹੁਣ ਕਰਦੀ ਹੈ ਇਹ ਕੰਮ

ਮੁੰਬਈ(ਬਿਊਰੋ)— ਮਿਥੁਨ ਚਕਰਵਰਤੀ ਦੀ ਗਿਣਤੀ ਬਾਲੀਵੁੱਡ ਦੀਆਂ ਮਸ਼ਹੂਰ ਹਸਤੀਆਂ 'ਚ ਕੀਤੀ ਜਾਂਦੀ ਹੈ। ਮਿਥੁਨ ਆਪਣੀ ਪ੍ਰੋਫੈਸ਼ਨਲ ਲਾਈਫ ਤੋਂ ਇਲਾਵਾ ਆਪਣੀ ਨਿੱਜੀ ਲਾਈਫ ਨੂੰ ਲੈ ਕੇ ਵੀ ਸੁਰਖੀਆਂ 'ਚ ਰਹੇ। ਉਹ ਸ਼ਾਇਦ ਬਾਲੀਵੁੱਡ ਦੇ ਪਹਿਲੇ ਅਜਿਹੇ ਅਭਿਨੇਤਾ ਸਨ, ਜਿਨ੍ਹਾਂ ਦੀਆਂ ਫਿਲਮਾਂ ਬੇਹੱਦ ਘੱਟ ਬਜਟ ਦੀਆਂ ਹੋਣ ਦੇ ਬਾਵਜੂਦ ਕਰੋੜਾਂ ਦਾ ਬਿਜ਼ਨੈੱਸ ਕਰਦੀਆਂ ਸਨ। ਮਿਥੁਨ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 'ਚ 1976 'ਚ 'ਮ੍ਰਿਗਯਾ' ਨਾਲ ਕੀਤੀ ਸੀ। ਉਨ੍ਹਾਂ ਨੂੰ ਅੱਜ ਵੀ ਕਈ ਵੱਡੀਆਂ ਫਿਲਮਾਂ 'ਚ ਦੇਖਿਆ ਜਾਂਦਾ ਹੈ ਤੇ ਕਿਹਾ ਜਾ ਸਕਦਾ ਹੈ ਕਿ ਸਮੇਂ ਦੇ ਨਾਲ ਮਿਥੁਨ ਚਕਰਵਰਤੀ ਦੀ ਐਕਟਿੰਗ 'ਚ ਦਿਨੋਂ ਦਿਨ ਨਿਖਾਰ ਆਉਂਦਾ ਰਿਹਾ ਹੈ।

ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਤੇ ਡਾਂਸਰ 'ਚ ਸ਼ਾਮਲ ਮਿਥੁਨ ਦਾ ਜੀਵਨ ਕਦੇ ਸੌਖਾ ਨਹੀਂ ਰਿਹਾ। ਬਾਲੀਵੁੱਡ 'ਚ ਡਿਸਕੋ ਡਾਂਸਰ ਨਾਲ ਮਸ਼ਹੂਰ ਹੋਣ ਤੋਂ ਬਾਅਦ ਮਿਥੁਨ ਦਾ ਵਿਅਕਤੀਗਤ ਜੀਵਨ ਹਮੇਸ਼ਾ ਚਰਚਾ 'ਚ ਰਿਹਾ। ਜੇਕਰ ਅਸੀਂ ਗੱਲ ਉਨ੍ਹਾਂ ਦੇ ਵਿਅਕਤੀਗਤ ਜੀਵਨ ਦੀ ਕਰੀਏ ਤਾਂ ਸਭ ਤੋਂ ਪਹਿਲੀ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਦੋ ਵਿਆਹ ਕੀਤੇ ਸਨ। ਉਨ੍ਹਾਂ ਦੀ ਪਹਿਲੀ ਪਤਨੀ ਹੇਲੇਨਾ ਲਿਊਕ ਹੈ, ਜੋ 70 ਦੇ ਦਹਾਕੇ 'ਚ ਫੈਸ਼ਨ ਦੀ ਦੁਨੀਆ 'ਚ ਕਾਫੀ ਮਸ਼ਹੂਰ ਸੀ।

ਖਬਰਾਂ ਦੀ ਮੰਨੀਏ ਤਾਂ ਹੇਲੇਨਾ ਇੰਨੀ ਖੂਬਸੂਰਤ ਸੀ ਕਿ ਮਿਥੁਨ ਨੂੰ ਉਨ੍ਹਾਂ ਨੂੰ ਦੇਖਦੇ ਹੀ ਪਿਆਰ ਹੋ ਗਿਆ ਸੀ ਪਰ ਜਿਵੇਂ ਕਿ ਬਾਲੀਵੁੱਡ ਦੀ ਦੁਨੀਆ ਦਾ ਦਸਤੂਰ ਹੈ, ਕੋਈ ਇੱਥੇ ਹਮੇਸ਼ਾ ਲਈ ਨਹੀਂ ਰਹਿੰਦਾ, ਉਵੇਂ ਹੀ ਹੈਲੇਨਾ ਵੀ ਇਕ ਦਿਨ ਗਾਇਬ ਹੋ ਗਈ। ਅੱਜ ਅਸੀਂ ਤੁਹਾਨੂੰ ਬਾਲੀਵੁੱਡ ਦੀ ਅਦਾਕਾਰਾ ਹੈਲੇਨਾ ਦੇ ਬਾਰੇ 'ਚ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਨੇ ਬਾਲੀਵੁੱਡ 'ਚ ਚਾਰ ਫਿਲਮਾਂ ਕਰਨ ਤੋਂ ਬਾਅਦ ਬਾਲੀਵੁੱਡ ਦੀ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ।

ਹੈਲੇਨਾ ਲਿਊਕ ਨੇ ਸਾਲ 1980 'ਚ ਬਾਲੀਵੁੱਡ ਫਿਲਮ 'ਜੁਦਾਈ' ਨਾਲ ਡੈਬਿਊ ਕੀਤਾ। ਇਸ ਤੋਂ ਬਾਅਦ ਉਹ 'ਸਾਥ-ਸਾਥ' ਤੇ 'ਏਕ ਨਯਾਂ ਰਿਸ਼ਤਾ' 'ਚ ਵੀ ਨਜ਼ਰ ਆਈ। ਜ਼ਿਕਰਯੋਗ ਹੈ ਕਿ ਹੇਲੇਨਾ ਤੇ ਮਿਥੁਨ ਨੇ ਵਿਆਹ ਕੀਤਾ ਸੀ ਪਰ ਮਿਥੁਨ ਚਕਰਵਰਤੀ ਦਾ ਹੈਲੇਨਾ ਨਾਲ ਵਿਆਹ ਤੋਂ ਪਹਿਲਾਂ ਅਦਾਕਾਰਾ ਸਾਰੀਕਾ ਨਾਲ ਅਫੇਅਰ ਵੀ ਸੀ। ਸਾਰੀਕਾ ਨਾਲ ਬ੍ਰੇਕਅੱਪ ਤੋਂ ਬਾਅਦ ਮਿਥੁਨ ਨੇ ਹੈਲੇਨਾ ਨਾਲ ਵਿਆਹ ਕੀਤਾ ਸੀ।

ਮਿਥੁਨ ਚਕਰਵਰਤੀ ਨਾਲ ਮਿਲਣ ਤੋਂ ਪਹਿਲਾਂ ਹੈਲੇਨਾ ਦਾ ਜਾਵੇਦ ਖਾਨ ਨਾਲ ਬ੍ਰੇਕਅੱਪ ਹੋਇਆ ਸੀ। ਭਾਵ ਦੋਹਾਂ ਨੂੰ ਇਕ ਦੂਜੇ ਦੀ ਜ਼ਰੂਰਤ ਸੀ ਤੇ ਦੋਹਾਂ ਨੇ ਵਿਆਹ ਕਰ ਲਿਆ। ਪਰ ਦੋਹਾਂ ਦਾ ਵਿਆਹ ਸਿਰਫ 4 ਮਹੀਨੇ ਹੀ ਟਿਕ ਸਕਿਆ। ਇਸ ਦੀ ਵਜ੍ਹਾ ਮਿਥੁਨ ਦੀ ਯੋਗੀਤਾ ਬਾਲੀ ਨਾਲ ਅਫੇਅਰ ਸੀ। ਮਿਥੁਨ ਨਾਲ ਤਲਾਕ ਲੈਣ ਤੋਂ ਬਾਅਦ ਹੈਲੇਨਾ ਹੁਣ ਨਿਊਯਾਰਕ 'ਚ ਰਹਿੰਦੀ ਹੈ ਤੇ ਇਕ ਏਅਰਲਾਈਂਸ 'ਚ ਫਲਾਈਟ ਅਟੈਂਡੇਂਟ ਦਾ ਕੰਮ ਕਰਦੀ ਹੈ।