ਦਿਲਾਂ ਨੂੰ ਛੂਹ ਰਿਹੈ 'ਮੁਕਲਾਵਾ' ਦਾ ਗੀਤ 'ਵੰਗ ਦਾ ਨਾਪ' (ਵੀਡੀਓ)

Thursday, May 16, 2019 3:51 PM
ਦਿਲਾਂ ਨੂੰ ਛੂਹ ਰਿਹੈ 'ਮੁਕਲਾਵਾ' ਦਾ ਗੀਤ 'ਵੰਗ ਦਾ ਨਾਪ' (ਵੀਡੀਓ)

ਜਲੰਧਰ (ਬਿਊਰੋ)- ਫਿਲਮ ਦਾ ਮਿਊਜ਼ਿਕ ਫਿਲਮ ਲਈ ਬਹੁਤ ਮਾਅਨੇ ਰੱਖਦਾ ਹੈ। ਦਰਸ਼ਕਾਂ ਨੂੰ ਚੰਗੇ ਮਿਊਜ਼ਿਕ ਦੇ ਚੰਗੀ ਫਿਲਮ ਦੇਣ ਦਾ ਉਪਰਾਲਾ ਕਰ ਰਹੇ ਹਨ ਫਿਲਮ 'ਮੁਕਲਾਵਾ' ਦੇ ਪ੍ਰੋਡਿਊਸਰ ਤੇ ਡਾਇਰੈਕਟਰ।੨੪ ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਪੰਜਾਬੀ ਫਿਲਮ 'ਮੁਕਲਾਵਾ' ਦਾ ਮਿਊਜ਼ਿਕ ਹਰ ਪਾਸੇ ਚਰਚਾ 'ਚ ਹੈ । ਹੁਣ ਤੱਕ ਰਿਲੀਜ਼ ਹੋਏ ਗੀਤਾਂ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ ਤੇ ਅੱਜ ਫਿਲਮ ਦਾ ਪੰਜਵਾਂ ਗੀਤ 'ਵੰਗ ਦਾ ਨਾਪ' ਅੱਜ ਰਿਲੀਜ਼ ਹੋ ਗਿਆ ਹੈ। ਦਿਲਾਂ ਨੂੰ ਛੂ ਲੈਣ ਵਾਲਾ ਇਹ ਗੀਤ ਐਮੀ ਵਿਰਕ ਨੇ ਗਾਇਆ ਹੈ ।ਹਰਮਨਜੀਤ ਨੇ ਇਸ ਗੀਤ ਨੂੰ ਕਲਮਬੱਧ ਕੀਤਾ ਹੈ ਤੇ ਮਿਊਜ਼ਿਕ ਗੁਰਮੀਤ ਸਿੰਘ ਨੇ ਤਿਆਰ ਕੀਤਾ ਹੈ।

ਦਰਸ਼ਕ ਇਸ ਗੀਤ ਨੂੰ ਵੀ ਖੂਬ ਪਸੰਦ ਕਰ ਰਹੇ ਹਨ।'ਮੁਕਲਾਵਾ' ਫਿਲਮ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ਦੀ ਸਟੋਰੀ ਤੇ ਸਕ੍ਰੀਨਪਲੇਅ ਉਪਿੰਦਰ ਵੜੈਚ ਤੇ ਜਗਜੀਤ ਸੈਣੀ ਦੇ ਹਨ ਤੇ ਡਾਇਲਾਗਸ ਰਾਜੂ ਵਰਮਾ ਨੇ ਲਿਖੇ ਹਨ।ਸਿਮਰਜੀਤ ਸਿੰਘ ਨੇ ਇਸ ਫਿਲਮ ਨੂੰ ਡਾਇਰੈਕਟ ਕੀਤਾ ਹੈ।'ਵਾਈਟ ਹਿੱਲ ਸਟੂਡੀਓ' ਤੇ 'ਗਰੇਸਲੇਟ ਪਿਕਚਰਸ' ਦੀ ਇਸ ਸਾਂਝੀ ਪੇਸਕਸ਼ ਨੂੰ ਗੁਨਬੀਰ ਸਿੰਘ ਸਿੱਧੂ ਤੇ ਮਨਮੌੜ ਸਿੱਧੂ ਨੇ ਪ੍ਰੋਡਿਊਸ ਕੀਤਾ ਹੈ।ਐਮੀ ਵਿਰਕ ਤੇ ਸੋਨਮ ਬਾਜਵਾ ਸਟਾਰਰ ਇਸ ਫਿਲਮ ਵਿਚ ਗੁਰਪ੍ਰੀਤ ਘੁੱਗੀ, ਕਰਮਜੀਤ ਅਨਮੋਲ, ਬੀ. ਐਨ. ਸ਼ਰਮਾ, ਸਰਬਜੀਤ ਚੀਮਾ, ਨਿਰਮਲ ਰਿਸ਼ੀ ਤੇ ਦ੍ਰਿਸ਼ਟੀ ਗਰੇਵਾਲ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣਗੇ ।


Edited By

Lakhan

Lakhan is news editor at Jagbani

Read More