ਸਲਮਾਨ ਦੀ ਆਨਸਕ੍ਰੀਨ ਭੈਣ ਨਾਲ ਰਿਹਾ ਧਰਮਿੰਦਰ ਦੇ ਲਾਡਲੇ ਬੇਟੇ ਦਾ ਅਫੇਅਰ

ਮੁੰਬਈ(ਬਿਊਰੋ)— ਧਰਮਿੰਦਰ ਦੇ ਬੇਟੇ ਤੇ ਐਕਟਰ ਬੌਬੀ ਦਿਓਲ ਜਲਦ ਹੀ ਸਲਮਾਨ ਖਾਨ ਨਾਲ 'ਰੇਸ 3' 'ਚ ਨਜ਼ਰ ਆਉਣ ਵਾਲੇ ਹਨ। ਫਿਲਹਾਲ ਉਹ ਇਸ ਫਿਲਮ ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ। ਗੱਲ ਜੇਕਰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਦੀ ਕਰੀਏ ਤਾਂ ਉਨ੍ਹਾਂ ਨੇ ਨੌਨ ਫਿਲਮੀ ਬੈਕਗ੍ਰਾਊਂਡ ਨਾਲ ਸੰਬੰਧ ਰੱਖਣ ਵਾਲੀ ਤਾਨਿਆ ਦਿਓਲ ਨਾਲ ਵਿਆਹ ਕਰਵਾਇਆ ਹੈ।

ਹਾਲਾਂਕਿ ਘੱਟ ਲੋਕ ਹੀ ਜਾਣਦੇ ਹਨ ਕਿ ਕਦੇ ਬੌਬੀ ਦਿਓਲ ਦਾ ਅਫੇਅਰ ਸਲਮਾਨ ਖਾਨ ਦੀ ਆਨਸਕ੍ਰੀਨ ਭੈਣ (ਹਮ ਸਾਥ ਸਾਥ ਹੈ) ਤੇ 80-90 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਨੀਲਮ ਕੋਠਾਰੀ ਨਾਲ ਰਿਹਾ ਹੈ। ਸੂਤਰਾਂ ਮੁਤਾਬਕ ਬੌਬੀ ਦਿਓਲ ਤੇ ਨੀਲਮ ਕਰੀਬ 5 ਸਾਲ ਸੀਰੀਅਸ ਰਿਲੇਸ਼ਨਸ਼ਿਪ 'ਚ ਰਹੇ, ਹਾਲਾਂਕਿ ਇਸ ਦਾ ਰਿਸ਼ਤਾ ਵਿਆਹ ਤੱਕ ਨਾ ਪਹੁੰਚ ਸਕਿਆ।

ਇਸ ਵਜ੍ਹਾ ਨਾਲ ਨਾ ਹੋ ਸਕਿਆ ਬੌਬੀ-ਨੀਲਮ ਦਾ ਵਿਆਹ
ਇਕ ਸਮਾਂ ਸੀ ਜਦੋਂ ਬੌਬੀ ਤੇ ਨੀਲਮ ਇਕ-ਦੂਜੇ ਲਈ ਸੀਰੀਅਸ ਸਨ। ਦੋਵੇਂ ਦੇ ਕਰੀਬੀ ਦੋਸਤ ਅੱਜ ਵੀ ਇਸ ਗੱਲ ਨੂੰ ਜਾਣਦੇ ਹਨ। ਦੋਵਾਂ ਦਾ ਅਫੇਅਰ ਵਿਆਹ ਤੱਕ ਨਾ ਪਹੁੰਚ ਦੀ ਵਜ੍ਹਾ ਬੌਬੀ ਦੇ ਪਿਤਾ ਧਰਮਿੰਦਰ ਮੰਨੇ ਜਾਂਦੇ ਹਨ।

ਅਸਲ 'ਚ ਧਰਮਿੰਦਰ ਇਸ ਰਿਲੇਸ਼ਨਸ਼ਿਪ ਦੇ ਸਖਤ ਖਿਲਾਫ ਸਨ। ਉਹ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਦਾ ਇਕ ਬੇਟਾ ਬਾਲੀਵੁੱਡ ਦੀ ਕਿਸੇ ਵੀ ਅਦਾਕਾਰਾ ਨਾਲ ਵਿਆਹ ਕਰੇ। ਇਸੇ ਵਜ੍ਹਾ ਕਾਰਨ ਦੋਵਾਂ ਦਾ ਬ੍ਰੇਕਅੱਪ ਹੋਵੇ।

ਇੰਟਰਵਿਊ 'ਚ ਨੀਲਮ ਨੇ ਤੋੜੀ ਸੀ ਚੁੱਪੀ
ਨੀਲਮ ਨੇ ਸਟਾਰਡਸਟ ਮੈਗਜ਼ੀਨ ਨੂੰ ਦਿੱਤੇ ਇੰਟਰਵਿਊ 'ਚ ਆਪਣੇ ਬ੍ਰੇਕਅੱਪ ਤੇ ਬੌਬੀ ਨਾਲ ਰਹੇ ਅਫੇਅਰ 'ਤੇ ਖੁੱਲ੍ਹ ਕੇ ਗੱਲ ਕੀਤੀ। ਉਸ ਨੇ ਦੱਸਿਆ ਕਿ ਦੋਵਾਂ ਦੇ ਵੱਖ ਹੋਣ ਦੀ ਵਜ੍ਹਾ ਸਾਡੇ 'ਚ ਕਿਸੇ ਤੀਜੇ ਦਾ ਆਉਣਾ ਸੀ। ਨੀਲਮ ਨੇ ਕਿਹਾ, ''ਹਾਂ ਇਹ ਸੱਚ ਹੈ ਕਿ ਬੌਬੀ ਤੇ ਮੈਂ ਵੱਖ ਹੋ ਗਏ ਹਾਂ।

ਮੈਨੂੰ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਗੱਲ ਕਰਨਾ ਪਸੰਦ ਨਹੀਂ ਹੈ ਪਰ ਸਾਨੂੰ ਲੈ ਕੇ ਕਾਫੀ ਕਹਾਣੀਆਂ ਦੱਸੀਆਂ ਜਾ ਰਹੀਆਂ ਹਨ। ਇਸ ਲਈ ਮੈਂ ਇਸ ਵਿਸ਼ੇ 'ਤੇ ਗੱਲ ਕਰ ਰਹੀ ਹਾਂ।

ਮੈਂ ਨਹੀਂ ਚਾਹੁੰਦੀ ਕਿ ਲੋਕ ਇਨ੍ਹਾਂ ਗੱਲਾਂ 'ਤੇ ਯਕੀਨ ਕਰਨ, ਜੋ ਬੇਬੁਨਿਆਦ ਹਨ। ਇਹ ਅਫਵਾਹ ਆਈ ਕਿ ਬ੍ਰੇਕਅੱਪ ਦੀ ਵਜ੍ਹਾ ਬੌਬੀ ਦਾ ਪੂਜਾ ਭੱਟ ਨਾਲ ਨਜ਼ਦੀਕੀਆ ਆਉਣਾ ਹੈ, ਤਾਂ ਮੈਂ ਦੱਸ ਦਿਆ ਕਿ ਇਹ ਸਭ ਝੂਠ ਹੈ।''