ਇੰਝ ਚਮਕੀ ਸੀ ਨਿਰਮਲ ਸਿੱਧੂ ਦੀ ਸੰਗੀਤ ਜਗਤ ''ਚ ਕਿਸਮਤ, ਜਾਣੋ ਦਿਲਚਸਪ ਕਹਾਣੀ
4/10/2019 12:02:32 PM
ਜਲੰਧਰ (ਬਿਊਰੋ) — ਪੰਜਾਬੀ ਸੰਗੀਤ ਜਗਤ ਦੇ ਮਸ਼ਹੂਰ ਗਾਇਕ ਤੇ ਸੰਗੀਤਕਾਰ ਨਿਰਮਲ ਸਿੱਧੂ ਇਕ ਅਜਿਹੇ ਗਾਇਕ ਹਨ, ਜਿਨ੍ਹਾਂ ਦਾ ਸੰਗੀਤ ਨਾਲ ਬਹੁਤ ਗੂੜ੍ਹਾ ਰਿਸ਼ਤਾ ਰਿਹਾ ਹੈ। ਗਾਇਕੀ ਦੇ ਖੇਤਰ 'ਚ ਆਉਣ ਤੋਂ ਪਹਿਲਾਂ ਨਿਰਮਸ ਸਿੱਧੂ ਬਾਬਾ ਫਰੀਦ ਸੰਗੀਤ ਅਕੈਡਮੀ ਚਲਾ ਕੇ ਸੰਗੀਤ ਦੀ ਸਿੱਖਿਆ ਦਿੰਦਾ ਸੀ ਪਰ ਫਰੀਦਕੋਟ ਉਨ੍ਹਾਂ ਨੂੰ ਕੁਝ ਰਾਸ ਨਹੀਂ ਆਇਆ।
ਇਸ ਲਈ ਨਿਰਮਲ ਸਿੱਧੂ ਸਾਲ 1990 'ਚ ਜਲੰਧਰ ਪਹੁੰਚੇ। ਜਲੰਧਰ ਰਹਿੰਦੇ ਹੋਏ ਨਿਰਮਲ ਸਿੱਧੂ ਨੂੰ ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਜਲੰਧਰ 'ਚ ਗਾਉਣ ਤੇ ਸੰਗੀਤ ਦਾ ਕੰਮ ਵੀ ਮਿਲਣ ਲੱਗ ਪਿਆ। ਜਲੰਧਰ ਨਿਰਮਲ ਸਿੱਧੂ ਨੂੰ ਬਹੁਤ ਰਾਸ ਆਇਆ। ਸੰਗੀਤ ਦੀ ਦੁਨੀਆ 'ਚ ਨਿਰਮਲ ਸਿੱਧੂ ਦਾ ਸਿਤਾਰਾ ਚਮਕਣ ਲੱਗਾ। ਇੱਥੇ ਰਹਿੰਦੇ ਹੋਏ ਹੀ ਨਿਰਮਲ ਸਿੱਧੂ ਨੇ ਕੈਸੇਟ 'ਕਦੇ ਕਦੇ ਖੇਡ ਲਿਆ ਕਰੀਂ' ਕੱਢੀ। ਇਸ ਕੈਸੇਟ ਨੇ ਨਿਰਮਲ ਸਿੱਧੂ ਨੂੰ ਵੱਖਰੀ ਪਛਾਣ ਦਿਵਾਈ।
ਦੱਸ ਦਈਏ ਕਿ ਗਾਇਕੀ ਦੇ ਨਾਲ-ਨਾਲ ਨਿਰਮਲ ਸਿੱਧੂ ਨੇ ਸੰਗੀਤ ਬਣਾਉਣਾ ਵੀ ਜਾਰੀ ਰੱਖਿਆ। ਉਨ੍ਹਾਂ ਨੇ ਮਾਸਟਰ ਸਲੀਮ ਦੀ ਅਵਾਜ਼ 'ਚ ਕੈਸੇਟ 'ਚਰਖੇ ਦੀ ਘੂਕ' ਆਪਣੇ ਸੰਗੀਤ 'ਚ ਲਾਂਚ ਕੀਤੀ।
ਇਸ ਤੋਂ ਬਾਅਦ ਨਿਰਮਲ ਸਿੱਧੂ ਨੇ ਹਰਭਜਨ ਮਾਨ, ਸਾਬਰ ਕੋਟੀ, ਹੰਸ ਰਾਜ ਹੰਸ, ਸਰਦੂਲ ਸਿਕੰਦਰ, ਗੁਰਦਾਸ ਮਾਨ, ਜਸਬੀਰ ਜੱਸੀ, ਕੁਲਵਿੰਦਰ ਕੰਵਲ, ਮੰਗੀ ਮਾਹਲ ਅਤੇ ਕਈ ਹੋਰ ਪ੍ਰਸਿੱਧ ਗਾਇਕਾਂ ਦੀ ਅਵਾਜ਼ ਨੂੰ ਆਪਣਾ ਸੰਗੀਤ ਦਿੱਤਾ।
ਨਿਰਮਲ ਸਿੱਧੂ ਨੇ ਆਪਣੀ ਅਵਾਜ਼ 'ਚ ਕਈ ਕੈਸੇਟਾਂ ਵੀ ਕੱਢੀਆਂ। ਉਨ੍ਹਾਂ ਦੇ ਹਿੱਟ ਗੀਤਾਂ ਦੀ ਗੱਲ ਕੀਤੀ ਜਾਵੇ ਤਾਂ 'ਲੇਬਰ ਚੌਕ', 'ਗੱਭਰੂ', 'ਨਾ ਪੀਆ ਕਰ ਡੁੱਬ ਜਾਣਿਆਂ', 'ਦਾਰੂ ਤੇਰੀ ਮਾੜੀ' ਕਾਫੀ ਹਿੱਟ ਗੀਤ ਰਹੇ ਹਨ। ਪੰਜਾਬੀ ਫਿਲਮਾਂ 'ਚ ਵੀ ਨਿਰਮਲ ਸਿੱਧੂ ਦਾ ਕਾਫੀ ਯੋਗਦਾਨ ਰਿਹਾ ਹੈ।
ਉਨ੍ਹਾਂ ਨੇ 'ਟਰੱਕ ਡਰਾਈਵਰ', 'ਸਿਕੰਦਰਾ', 'ਪੁਰਜਾ ਪੁਰਜਾ ਕੱਟ ਮਰੇ', 'ਲੋਹੜੀ ਦੀ ਰਾਤ', 'ਪੰਜਾਬ 1947', 'ਚੜ੍ਹਦਾ ਸੂਰਜ' ਅਤੇ 'ਯਾਰਾਂ ਨਾਲ ਬਹਾਰਾਂ' ਵਰਗੀਆਂ ਫਿਲਮਾਂ ਨੂੰ ਆਪਣਾ ਸੰਗੀਤ ਦਿੱਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ