ਇੰਝ ਸ਼ੂਟ ਹੋਇਆ ਸੀ ਸ਼ਾਹਰੁਖ ਦੀ ਮੌਤ ਵਾਲਾ ਸੀਨ, ਦੇਖੋ ਸ਼ੂਟਿੰਗ ਦੌਰਾਨ ਦੀਆਂ ਪੁਰਾਣੀਆਂ ਤਸਵੀਰਾਂ
11/9/2017 3:20:51 PM
ਮੁੰਬਈ (ਬਿਊਰੋ)— ਸ਼ਾਹਰੁਖ ਖਾਨ ਤੇ ਦੀਪਿਕਾ ਪਾਦੁਕੋਣ ਸਟਾਰਰ ਫਿਲਮ 'ਓਮ ਸ਼ਾਂਤੀ ਓਮ' ਨੂੰ ਰਿਲੀਜ਼ ਹੋਇਆਂ 10 ਸਾਲ ਪੂਰੇ ਹੋ ਗਏ ਹਨ। ਫਰਾਹ ਖਾਨ ਦੇ ਨਿਰਦੇਸ਼ਨ 'ਚ ਬਣੀ ਇਸ ਫਿਲਮ ਨੇ 2007 'ਚ ਬਾਕਸ ਆਫਿਸ 'ਤੇ ਜ਼ਬਰਦਸਤ ਕਮਾਈ ਕੀਤੀ ਸੀ। ਕਹਾਣੀ ਦੇ ਨਾਲ-ਨਾਲ ਬਾਲੀਵੁੱਡ ਦੇ ਕਈ ਵੱਡੇ ਸਿਤਾਰਿਆਂ ਨੂੰ ਲੈ ਕੇ ਫਿਲਮਾਇਆ ਗਿਆ ਗੀਤ 'ਦੀਵਾਨਗੀ' ਦੀ ਖੂਬ ਚਰਚਾ ਰਹੀ ਸੀ। ਫਿਲਮ ਦੀ ਸਿਨੇਮਾਟੋਗ੍ਰਾਫੀ ਪ੍ਰਸਿੱਧ ਸਿਨੇਮਾਟੋਗ੍ਰਾਫਰ ਵੀ. ਮਣੀਕੰਦਨ ਨੇ ਕੀਤੀ ਸੀ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਮਣੀਕੰਦਨ ਨੇ ਫਿਲਮ 'ਚ ਛੋਟਾ ਜਿਹਾ ਰੋਲ ਵੀ ਕੀਤਾ ਸੀ।
ਇਕ ਅੰਗਰੇਜ਼ੀ ਵੈੱਬਸਾਈਟ ਨਾਲ ਗੱਲਬਾਤ ਕਰਦਿਆਂ ਮਣੀਕੰਦਨ ਨੇ ਦੱਸਿਆ ਸੀ ਕਿ ਉਸ ਦਾ ਐਕਟਿੰਗ ਕਰਨ ਦਾ ਕੋਈ ਇਰਾਦਾ ਨਹੀਂ ਸੀ ਪਰ ਜਦੋਂ ਫਰਾਹ ਨੇ ਇੱਛਾ ਜ਼ਾਹਿਰ ਕੀਤੀ ਕਿ ਉਸ ਦੇ ਕਰਿਊ ਮੈਂਬਰ ਵੀ ਫਿਲਮ 'ਚ ਐਕਟ ਕਰਨਗੇ ਤਾਂ ਉਹ ਤਿਆਰ ਹੋ ਗਏ।
ਦੱਸਣਯੋਗ ਹੈ ਕਿ ਮਣੀਕੰਦਨ ਫਿਲਮ 'ਚ ਸਾਊਥ ਇੰਡੀਅਨ ਫਿਲਮ 'ਮਾਈਂਡ ਇਟ' ਦੀ ਸ਼ੂਟਿੰਗ ਕਰਦੇ ਦਿਖਾਈ ਦਿੱਤੇ ਸਨ। ਫਿਲਮ ਦੇ ਗੀਤ 'ਦੀਵਾਨਗੀ' 'ਚ ਧਰਮਿੰਦਰ, ਰੇਖਾ, ਸਲਮਾਨ ਖਾਨ, ਸੰਜੇ ਦੱਤ, ਸੈਫ ਅਲੀ ਖਾਨ, ਰਾਣੀ ਮੁਖਰਜੀ, ਤਬੂ, ਗੋਵਿੰਦਾ, ਕਰਿਸ਼ਮਾ ਕਪੂਰ, ਸ਼ਿਲਪਾ ਸ਼ੈੱਟੀ ਤੇ ਉਰਮਿਲਾ ਮਾਤੋਂਡਕਰ ਸਮੇਤ 31 ਸਿਤਾਰੇ ਨਜ਼ਰ ਆਏ ਸਨ।
ਖਾਸ ਗੱਲ ਇਹ ਹੈ ਕਿ ਇਕ ਹੀ ਫਿਲਮ ਲਈ ਇੰਨੇ ਸਿਤਾਰਿਆਂ ਦਾ ਇਕੱਠਿਆਂ ਆਉਣ ਦਾ ਇਹ ਪਹਿਲਾ ਮੌਕਾ ਸੀ। ਸਾਰੇ ਸਿਤਾਰਿਆਂ ਨੂੰ ਘੜੀ, ਮੋਬਾਇਲ ਫੋਨ ਤੇ ਸੋਨੇ ਦੇ ਸਿੱਕੇ, ਜਿਨ੍ਹਾਂ 'ਤੇ ਓਮ ਲਿਖਿਆ ਹੋਇਆ ਸੀ, ਵਰਗੇ ਗਿਫਟ ਵੀ ਦਿੱਤੇ ਗਏ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
