ਐਨ ਮੌਕੇ ਬਦਲੀਆਂ ਆਉਣ ਵਾਲੀਆਂ ਪੰਜਾਬੀ ਫਿਲਮਾਂ ਦੀਆਂ ਇਹ ਹੀਰੋਇਨਾਂ

ਜਲੰਧਰ (ਬਿਊਰੋ) — ਬਾਲੀਵੁੱਡ ਤੇ ਪਾਲੀਵੁੱਡ 'ਚ ਅਕਸਰ ਫੇਰ ਬਦਲ ਚਲਦਾ ਰਹਿੰਦਾ ਹੈ ਅਤੇ ਕਈ ਵਾਰ ਐਨ ਮੌਕੇ 'ਤੇ ਕਲਾਕਾਰਾਂ ਦੀ ਤਬਦੀਲੀ ਕਰ ਦਿੱਤੀ ਜਾਂਦੀ ਹੈ। ਗੱਲ ਕਰਾਂਗੇ ਆਉਣ ਵਾਲੀਆਂ ਉਨ੍ਹਾਂ ਪੰਜਾਬੀ ਫਿਲਮਾਂ ਦੀ, ਜਿਨ੍ਹਾਂ ਦੀਆਂ ਹੀਰੋਇਨਾਂ ਐਨ ਮੌਕੇ 'ਤੇ ਬਦਲ ਦਿੱਤੀਆ ਗਈਆਂ।

ਪੰਜਾਬੀ ਫਿਲਮ 'ਲੱਡੂ ਬਰਫੀ' — ਰੋਨਿਕਾ ਸਿੰਘ ਤੋਂ ਈਸ਼ਾ ਰਿੱਖੀ

ਪੰਜਾਬੀ ਫਿਲਮ ਇੰਡਸਟਰੀ ਦੇ ਉੱਘੇ ਅਦਾਕਾਰ ਰੋਸ਼ਨ ਪ੍ਰਿੰਸ ਸਟਾਰਰ ਫਿਲਮ 'ਲੱਡੂ ਬਰਫੀ' ਲਈ ਪਹਿਲਾ ਰੋਨਿਕਾ ਸਿੰਘ ਨੂੰ ਫਾਈਨਲ ਕੀਤਾ ਗਿਆ ਸੀ। ਸ਼ੂਟਿੰਗ ਦੌਰਾਨ ਹੀ ਰੋਨਿਕਾ ਸਿੰਘ ਥਾਂ ਈਸ਼ਾ ਰਿੱਖੀ ਨੂੰ ਤਬਦੀਲ ਕਰ ਦਿੱਤਾ ਗਿਆ। ਹਾਲਾਂਕਿ ਇਸ ਗੱਲ ਦਾ ਪਤਾ ਨਹੀਂ ਲੱਗ ਸਕਿਆ ਕੀ ਰੋਨਿਕਾ ਸਿੰਘ ਨੂੰ ਇਸ ਫਿਲਮ 'ਚੋਂ ਕਿਉਂ ਕੱਢਿਆ ਗਿਆ ਪਰ ਇਸ ਸਾਲ ਦੀ ਰੋਨਿਕਾ ਸਿੰਘ ਦੇ ਹੱਥੋਂ ਇਹ ਵੱਡੀ ਫਿਲਮ ਖਿਸਕ ਗਈ।

ਪੰਜਾਬੀ ਮੂਵੀ 'ਪੀ. ਆਰ' — ਮੈਂਡੀ ਤੱਖਰ ਤੋਂ ਦਿਲਬਰ ਆਰੀਆ

ਠੀਕ ਇਸੇ ਤਰ੍ਹਾਂ ਪੰਜਾਬੀ ਅਦਾਕਾਰ ਤੇ ਗਾਇਕ ਹਰਭਜਨ ਮਾਨ ਦੀ ਆਉਣ ਵਾਲੀ ਫਿਲਮ 'ਚ ਹੋਇਆ। ਇਸ ਫਿਲਮ ਦੀ ਅਨਾਊਂਸਮੈਂਟ ਸਮੇਂ ਮੈਂਡੀ ਤੱਖਰ ਦਾ ਨਾਂ ਸਾਹਮਣੇ ਆਇਆ ਸੀ ਪਰ ਸ਼ੂਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾ ਹੀ ਮੈਂਡੀ ਤੱਖਰ ਦੀ ਥਾਂ ਬਾਲੀਵੁੱਡ ਦੀ ਦਿਲਬਰ ਆਰੀਆ ਨੂੰ ਇਹ ਫਿਲਮ ਮਿਲ ਗਈ। ਅਫਸੋਸ ਮੈਂਡੀ ਹੱਥੋਂ ਇਹ ਫਿਲਮ ਜਾਂਦੀ ਰਹੀ।

ਫਿਲਮ 'ਨੌਕਰ ਵੱਹੁਟੀ ਦਾ' — ਕਵਿਤਾ ਕੌਸ਼ਿਕ ਤੋਂ ਕੁਲਰਾਜ ਰੰਧਾਵਾ

ਅਦਾਕਾਰ ਬੀਨੂੰ ਢਿੱਲੋਂ ਦੀ ਫਿਲਮ 'ਨੌਕਰ ਵਹੁਟੀ ਦਾ' ਦੀ ਹੀਰੋਇਨ ਪਹਿਲਾ ਕਵਿਤਾ ਕੌਸ਼ਿਕ ਫਾਈਨਲ ਕੀਤੀ ਗਈ ਸੀ ਪਰ ਫਿਲਮ ਦੀ ਸ਼ੂਟਿੰਗ ਤੋਂ ਕੁਝ ਦਿਨ ਪਹਿਲਾ ਹੀ ਕਵਿਤਾ ਕੌਸ਼ਿਕ ਨੂੰ ਬਦਲ ਕੇ ਕੁਲਰਾਜ ਰੰਧਾਵਾ ਨੂੰ ਇਸ ਫਿਲਮ ਲਈ ਚੁਣ ਲਿਆ ਗਿਆ।

ਪੰਜਾਬੀ ਫਿਲਮ 'ਸੁਰਖੀ ਬਿੰਦੀ' — ਸਿੰਮੀ ਚਾਹਲ ਤੋਂ ਸਰਗੁਣ ਮਹਿਤਾ

ਪਿਛੇ ਜਿਹੇ ਅਨਾਊਂਸ ਹੋਈ ਗੁਰਨਾਮ ਭੁੱਲਰ ਦੀ ਫਿਲਮ 'ਸੁਰਖੀ ਬਿੰਦੀ' ਦੀ ਵੀ ਹੀਰੋਇਨ ਪਹਿਲਾ ਸਿਮੀ ਚਾਹਲ ਦੱਸੀ ਗਈ ਸੀ ਪਰ ਹਾਲੇ ਸ਼ੂਟਿੰਗ ਵੀ ਸ਼ੁਰੂ ਨਹੀਂ ਹੋਈ ਸੀ ਕਿ ਫਿਲਮ ਦੀ ਹੀਰੋਇਨ ਬਦਲ ਕੇ ਸਰਗੁਣ ਮਹਿਤਾ ਨੂੰ ਫਾਈਨਲ ਕਰ ਲਿਆ ਗਿਆ। ਇਹ ਵੱਡੀ ਫਿਲਮ ਸਿਮੀ ਚਾਹਲ ਨੂੰ ਨਸੀਬ ਨਾ ਹੋ ਸਕੀ।