ਹਨੀ ਸਿੰਘ-ਬਾਦਸ਼ਾਹ ਸਮੇਤ ਦੇਖੋ ਇਨ੍ਹਾਂ ਪੰਜਾਬੀ ਰੈਪਰਜ਼ ਦੀਆਂ ਖੂਬਸੂਰਤ ਪਤਨੀਆਂ

ਜਲੰਧਰ (ਬਿਊਰੋ)— ਪੰਜਾਬੀ ਗੀਤਾਂ 'ਚ ਇਕ ਛੋਟਾ ਜਿਹਾ ਰੈਪ ਗਾਉਣ ਵਾਲੇ ਇਹ ਚਾਰ ਰੈਪਰਜ਼ ਅੱਜ ਬਾਲੀਵੁੱਡ 'ਤੇ ਰਾਜ ਕਰ ਰਹੇ ਹਨ। ਇਕ ਸਮਾਂ ਸੀ, ਜਦੋਂ ਕਈ ਰੈਪ ਬੋਲਮ ਤੋਂ ਬਾਅਦ ਵੀ ਇਨ੍ਹਾਂ ਨੂੰ ਕੋਈ ਖਾਸ ਪਛਾਣ ਨਹੀਂ ਸੀ ਮਿਲੀ ਪਰ ਜਿਵੇਂ ਹੀ ਹਨੀ ਸਿੰਘ ਦੀਆਂ ਰੈਪਜ਼ ਨੇ ਰਫਤਾਰ ਫੜਨੀ ਸ਼ੁਰੂ ਕੀਤੀ ਤਾਂ ਇਕ ਤੋਂ ਬਾਅਦ ਇਕ ਰੈਪਰ ਬਾਲੀਵੁੱਡ 'ਚ ਆਪਣਾ ਹੱਥ ਅਜ਼ਮਾਉਣ ਲੱਗੇ। ਹਨੀ ਸਿੰਘ ਅਤੇ ਬਾਦਸ਼ਾਹ ਵਰਗੇ ਰੈਪਰਜ਼ ਨੇ ਬਾਲੀਵੁੱਡ 'ਚ ਕਾਫੀ ਧਮਾਲ ਮਚਾਇਆ ਪਰ ਕੋਈ ਇਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਬਾਰੇ ਜ਼ਿਆਦਾ ਨਹੀਂ ਜਾਣਦਾ। ਇੱਥੋਂ ਤੱਕ ਕਿ ਲੋਕਾਂ ਨੂੰ ਇਹ ਵੀ ਨਹੀਂ ਪਤਾ ਕਿ ਇਹ ਕੁਆਰੇ ਹਨ ਜਾਂ ਵਿਆਹੁਤਾ। ਹਨੀ ਸਿੰਘ, ਰਫਤਾਰ, ਬਾਦਸ਼ਾਹ, ਬੋਹੇਮੀਆ ਵਰਗੇ ਰੈਪਰਜ਼ ਦੀਆਂ ਪਤਨੀਆਂ ਦੀ ਖੂਬਸੂਰਤੀ ਬਾਲੀਵੁੱਡ ਹਸੀਨਾਵਾਂ ਨੂੰ ਜ਼ਬਰਦਸਤ ਟੱਕਰ ਦਿੰਦੀ ਹੈ।  

ਰਫਤਾਰ
ਇਸ ਲਿਸਟ 'ਚ ਸਭ ਤੋਂ ਪਹਿਲਾਂ ਗੱਲ ਕਰਾਂਗੇ ਸੁਪਰਹਿੱਟ ਰੈਪਰ ਰਫਤਾਰ ਦੀ। ਜਾਣਕਾਰੀ ਮੁਤਾਬਕ ਰਫਤਾਰ ਦਾ ਅਸਲੀ ਨਾਂ ਦਿਲੀਨ ਨਾਇਰ ਹੈ। ਉਨ੍ਹਾਂ ਨੇ ਕੋਮਲ ਨਾਂ ਦੀ ਲੜਕੀ ਨਾਲ ਸਾਲ 2016 'ਚ ਵਿਆਹ ਕੀਤਾ, ਜੋ ਕਿ ਦਿੱਲੀ ਦੀ ਰਹਿਣ ਵਾਲੀ ਹੈ।

ਯੋ ਯੋ ਹਨੀ ਸਿੰਘ
ਯੋ ਯੋ ਹਨੀ ਸਿੰਘ ਤੋਂ ਤਾਂ ਬੱਚਾ-ਬੱਚਾ ਵਾਕਿਫ ਹੈ। ਹਨੀ ਸਿੰਘ ਨੇ ਸਾਲ 2011 'ਚ ਆਪਣੀ ਸਕੂਲਮੇਟ ਸ਼ਾਲਿਨੀ ਸਿੰਘ ਨਾਲ ਵਿਆਹ ਕੀਤਾ। ਦੋਵੇਂ ਇਕੱਠੇ ਦਿੱਲੀ ਦੇ ਗੁਰੂ ਨਾਨਕ ਪਬਲਿਕ ਸਕੂਲ 'ਚ ਪੜ੍ਹਦੇ ਸਨ।

ਬਾਦਸ਼ਾਹ
ਬਾਦਸ਼ਾਹ ਦਾ ਅਸਲੀ ਨਾਂ ਆਦਿਤਿਆ ਪ੍ਰਤੀਕ ਸਿੰਘ ਸਿਸੋਦੀਆ ਹੈ। ਉਨ੍ਹਾਂ ਨੇ ਜੈਸਮੀਨ ਨਾਲ ਵਿਆਹ ਕੀਤਾ ਸੀ। ਜੇਕਰ ਬਾਦਸ਼ਾਹ ਸਫਲ ਰੈਪਰ ਨਾ ਬਣਦੇ ਤਾਂ ਉਹ ਆਈ. ਐੱਸ. ਅਫਸਰ ਬਣਨ ਦੀ ਤਿਆਰੀ ਕਰਦੇ।

ਬੋਹੇਮੀਆ
ਪਾਕਿ-ਅਮਰੀਕੀ ਰੈਪਰ ਬੋਹੇਮੀਆ ਨੂੰ ਤਾਂ ਸਾਰੇ ਹੀ ਜਾਣਦੇ ਹਨ। ਉਹ ਸਿੰਗਰ ਸੁੱਖੀ ਨਾਲ ਮਸ਼ਹੂਰ ਗੀਤ 'ਜੈਗੂਆਰ' 'ਚ ਦਿਖੇ ਸਨ। ਇਨ੍ਹਾਂ ਦਾ ਅਸਲੀ ਨਾਂ ਰੋਜਰ ਡੇਵਿਡ ਹੈ। ਉਨ੍ਹਾਂ ਦੀ ਪਤਨੀ ਦਾ ਨਾਂ ਸੰਨੀ ਡੇਵਿਡ ਹੈ। ਰੈਪਰ ਬੋਹੇਮੀਆ ਨੇ ਸੰਨੀ ਡੇਵਿਡ ਨਾਲ ਮਸੀਹੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾਇਆ ਸੀ।