ਖੁਦ ਤੋਂ 10 ਸਾਲ ਛੋਟੇ ਗੋਰੇ ਨਾਲ ਆਦਾਕਾਰਾ ਨੇ ਕੀਤਾ ਸੀ ਵਿਆਹ, ਰਹਿ ਚੁੱਕੇ ਨੇ ਕਈ ਅਫੇਅਰਜ਼
1/31/2018 5:30:45 PM
ਮੁੰਬਈ(ਬਿਊਰੋ)— ਮਸ਼ਹੂਰ ਬਾਲੀਵੁੱਡ ਅਦਾਕਾਰਾ ਪ੍ਰਿਟੀ ਜ਼ਿੰਟਾ ਅੱਜ (31 ਜਨਵਰੀ 1975) ਆਪਣਾ 43ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਮੌਕੇ ਅਸੀਂ ਦਿਖਾ ਰਹੇ ਹਾਂ ਉਨ੍ਹਾਂ ਦੇ ਵਿਆਹ ਦੀਆਂ ਕੁਝ ਖਾਸ ਤਸਵੀਰਾਂ। ਤੁਹਾਨੂੰ ਦੱਸ ਦੇਈਏ ਕਿ ਪ੍ਰਿਟੀ ਨੇ ਸਾਲ 2016 'ਚ ਖੁਦ ਤੋਂ 10 ਸਾਲ ਛੋਟੇ ਅਮਰੀਕਨ ਵਾਸੀ ਜੀਨ ਗੁਡਇਨੱਫ ਨਾਲ 29 ਫਰਵਰੀ ਨੂੰ ਲਾਸ ਏਂਜਲਸ 'ਚ ਇਕ ਨਿੱਜੀ ਸੈਰੇਮਨੀ ਦੌਰਾਨ ਵਿਆਹ ਕੀਤਾ ਸੀ।
ਦੋਹਾਂ ਦਾ ਵਿਆਹ ਗੁੱਪ-ਚੁੱਪ ਤਰੀਕੇ ਨਾਲ ਹੋਇਆ ਸੀ। ਵੈਡਿੰਗ ਤਸਵੀਰਾਂ ਵਿਆਹ ਦੇ ਕਰੀਬ 6 ਮਹੀਨਿਆਂ ਬਾਅਦ ਮੀਡੀਆ 'ਚ ਆਈਆਂ ਸਨ। ਰਿਪੋਰਟਸ ਮੁਤਾਬਕ, ਪ੍ਰਿਟੀ ਤੇ ਜੀਨ ਦੀ ਪਹਿਲੀ ਮੁਲਾਕਾਤ ਕੁਝ ਸਾਲਾਂ ਪਹਿਲਾਂ ਅਮਰੀਕਾ ਦੇ ਇਕ ਟ੍ਰਿਪ ਦੌਰਾਨ ਹੋਈ ਸੀ। ਜੀਨ ਹਮੇਸ਼ਾ ਪ੍ਰਿਟੀ ਨੂੰ ਸੁਪੋਰਟ ਕਰਦੇ ਹਨ।
2015 'ਚ ਆਈ. ਪੀ. ਐੱਲ. ਫਾਈਨਲ ਦੌਰਾਨ ਵੀ ਉਹ ਪ੍ਰਿਟੀ ਨਾਲ ਸਨ। ਬਾਅਦ 'ਚ ਦੋਵੇਂ ਅਮਰੀਕਾ ਲਈ ਰਵਾਨਾ ਹੋ ਗਏ ਸਨ। ਜੀਨ ਗੁਡਇਨੱਫ ਨਾਲ ਵਿਆਹ ਤੋਂ ਪਹਿਲਾਂ ਪ੍ਰਿਟੀ ਜ਼ਿੰਟਾ ਦਾ ਨਾਂ ਬਿਜ਼ਨੈੱਸਮੈਨ ਨੇੱਸ ਵਾਡੀਆ ਨਾਲ ਜੁੜ ਚੁੱਕਾ ਹੈ। ਦੋਹਾਂ ਨੇ ਲੰਬੇ ਸਮੇਂ ਤੱਕ ਇਕ-ਦੂਜੇ ਨੂੰ ਡੇਟ ਕੀਤਾ ਸੀ।
ਹਾਲਾਂਕਿ, 2014 'ਚ ਇਕ ਆਈ. ਪੀ. ਐੱਲ. ਮੈਚ ਦੌਰਾਨ ਉਨ੍ਹਾਂ ਵਿਚਕਾਰ ਵਿਵਾਦ ਹੋਇਆ ਤੇ ਉਹ ਵੱਖ ਹੋ ਗਏ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਨਾਂ ਮਾਡਲ ਮਾਰਕ ਰਾਬਿਨਸਨ, ਕ੍ਰਿਕਟਰ ਯੁਵਰਾਜ ਸਿੰਘ, ਡੈਨਮਾਰਕ ਦੇ ਇੰਜੀਨੀਅਰ ਲਾਰਸ ਤੇ ਫਿਲਮਕਾਰ ਸ਼ੇਖਰ ਕਪੂਰ ਨਾਲ ਜੁੜ ਚੁੱਕਾ ਹੈ।
ਅਜਿਹੀਆਂ ਖਬਰਾਂ ਵੀ ਆਈਆਂ ਸਨ ਕਿ ਪ੍ਰਿਟੀ ਜ਼ਿੰਟਾ ਆਪਣੇ ਵਿਆਹ ਦੀਆਂ ਤਸਵੀਰਾਂ ਨੀਲਾਮ ਕਰੇਗੀ। ਇਸ ਨੀਲਾਮੀ ਤੋਂ, ਜੋ ਪੈਸਾ ਆਵੇਗਾ, ਉਹ ਉਸ ਨੂੰ ਅਨਾਥ ਆਸ਼ਰਮ ਤੇ ਗਰੀਬ ਬੱਚਿਆਂ ਦੀ ਪੜ੍ਹਾਈ 'ਚ ਲਗਾਵੇਗੀ।
ਜ਼ਿਕਰਯੋਗ ਹੈ ਕਿ ਵਿਆਹ ਦੀਆਂ ਤਸਵੀਰਾਂ ਨੀਲਾਮ ਕਰਨ ਦਾ ਇਹ ਟਰੈਂਡ ਹਾਲੀਵੁੱਡ ਅਦਾਕਾਰਾ ਐਂਜਲੀਨਾ ਜੋਲੀ ਤੇ ਉਨ੍ਹਾਂ ਪਤੀ ਬ੍ਰੇਡ ਪਿੱਟ ਨੇ ਸ਼ੁਰੂ ਕੀਤਾ ਸੀ। ਇਸ ਤੋਂ ਬਾਅਦ ਜਾਰਜ ਕਲੂਨੀ ਤੇ ਅਮਾਲ ਅਲਾਮੂਦੀਨ ਨੇ ਵੀ ਕੁਝ ਅਜਿਹਾ ਹੀ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ