ਰੇਖਾ ਨੂੰ ਦੇਖ ਗੁੱਸੇ 'ਚ ਪਾਗਲ ਹੋਈ ਸੀ ਐਕਟਰ ਦੀ ਮਾਂ, ਚੱਪਲਾਂ ਮਾਰ ਕੇ ਕੱਢਿਆ ਸੀ ਘਰੋਂ ਬਾਹਰ
2/13/2018 1:08:20 PM
ਨਵੀਂ ਦਿੱਲੀ(ਬਿਊਰੋ)— ਮਸ਼ਹੂਰ ਐਕਟਰ ਵਿਨੋਦ ਮਹਿਰਾ ਦਾ ਅੱਜ ਜਨਮਦਿਨ ਹੈ। ਉਨ੍ਹਾਂ ਦਾ ਜਨਮ 13 ਫਰਵਰੀ 1945 ਨੂੰ ਹੋਇਆ ਸੀ। ਇਕ ਸਮੇਂ 'ਚ ਉਹ ਹਿੰਦੀ ਸਿਨੇਮਾ ਦਾ ਮਸ਼ਹੂਰ ਚਿਹਰਾ ਸੀ। ਸੂਤਰਾਂ ਮੁਤਾਬਕ ਉਨ੍ਹਾਂ ਨੇ ਬਾਲੀਵੁੱਡ ਮਸ਼ਹੂਰ ਅਦਾਕਾਰਾ ਰੇਖਾ ਨਾਲ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾ ਲਿਆ ਸੀ। ਹਾਲਾਂਕਿ ਇਸ ਦੀ ਪੁਸ਼ਟੀ ਨਹੀਂ ਹੋਈ।
ਵਿਨੋਦ ਮਹਿਰਾ ਤੇ ਰੇਖਾ ਦੇ ਅਫੇਅਰ ਦੇ ਚਰਚੇ ਕਾਫੀ ਸੁਰਖੀਆਂ 'ਚ ਰਹੇ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਰੇਖਾ ਜਦੋਂ ਵਿਨੋਦ ਦੇ ਘਰ ਪੁੱਜੀ ਤਾਂ ਵਿਨੋਦ ਦੀ ਮਾਂ ਨੇ ਉਨ੍ਹਾਂ ਨੂੰ ਚੱਪਲਾਂ ਨਾਲ ਕੁੱਟ ਦਿੱਤਾ ਸੀ।
ਫਿਲਮ 'ਘਰ' ਦੀ ਸ਼ੂਟਿੰਗ ਦੌਰਾਨ ਦੋਵਾਂ ਦਾ ਪਿਆਰ ਪ੍ਰਵਾਨ ਚੜ੍ਹਿਆ ਸੀ। ਦੋਵਾਂ ਨੇ ਵਿਆਹ ਕਰਵਾਉਣ ਦਾ ਮਨ ਬਣਾ ਲਿਆ ਸੀ।
ਅਸਲ 'ਚ ਵਿਨੋਦ ਦੇ ਪਹਿਲਾਂ ਹੀ ਦੋ ਵਿਆਹ ਹੋ ਚੁੱਕੇ ਸਨ ਪਰ ਉਹ ਦੋਵੇਂ ਹੀ ਵਿਆਹ ਅਸਫਲ ਸਾਬਿਤ ਹੋਏ। ਵਿਨੋਦ ਦੀ ਪਹਿਲੀ ਪਤਨੀ ਮੋਨਿਕਾ ਉਨ੍ਹਾਂ ਨੂੰ ਛੱਡ ਚੁੱਕੀ ਸੀ ਤੇ ਦੂਜੀ ਪਤਨੀ ਬਿੰਦਿਆ ਗੋਸਵਾਮੀ ਉਨ੍ਹਾਂ ਨੂੰ ਛੱਡ ਕੇ ਮਾਇਕੇ ਰਹਿ ਰਹੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਕੋਲਕਾਤਾ ਦੇ ਇਕ ਮੰਦਰ 'ਚ ਰੇਖਾ ਤੇ ਵਿਨੋਦ ਨੇ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾਇਆ ਸੀ।
ਵਿਆਹ ਤੋਂ ਬਾਅਦ ਜਦੋਂ ਰੇਖਾ ਲਾੜੀ ਬਣ ਕੇ ਪੁੱਜੀ ਤਾਂ ਉਨ੍ਹਾਂ ਦੀ ਸੱਸ ਉਨ੍ਹਾਂ ਨੂੰ ਲਾੜੀ ਦੇ ਜੋੜੇ 'ਚ ਦੇਖ ਗੁੱਸੇ 'ਚ ਪਾਗਲ ਹੋ ਗਈ। ਉਨ੍ਹਾਂ ਨੇ ਬਿਨਾਂ ਕੋਈ ਸਵਾਲ ਕੀਤੇ ਰੇਖਾ ਨੂੰ ਚੱਪਲਾਂ ਨਾਲ ਕੁੱਟ ਦਿੱਤਾ।
ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਆਪਣੀ ਨੂੰ ਰੋਕਣ ਲਈ ਵਿਨੋਦ ਮਹਿਰਾ ਅੱਗੇ ਆਏ ਤਾਂ ਮਾਂ ਨੇ ਇਹ ਆਖ ਦਿੱਤਾ ਕਿ ਇਸ ਘਰ 'ਚ ਰੇਖਾ ਤੇ ਮੇਰੇ 'ਚੋਂ ਕੋਈ ਇਕ ਹੀ ਰਹਿ ਸਕਦਾ ਹੈ। ਆਖਿਰਕਾਰ, ਇਹ ਵਿਆਹ ਟੁੱਟ ਹੀ ਗਿਆ।
ਵਿਨੋਦ ਮਹਿਰਾ ਆਪਣੀ ਮਾਂ ਦੇ ਫੈਸਲੇ ਖਿਲਾਫ ਨਾ ਜਾ ਸਕੇ। ਦੂਜੇ ਪਾਸੇ ਰੇਖਾ ਵਿਨੋਦ ਮਹਿਰਾ ਨੂੰ ਆਪਣਾ ਚੰਗਾ ਦੋਸਤ ਦੱਸਦੀ ਰਹੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
