ਮਾਸੂਮ ਦਿਸਣ ਵਾਲੇ ਰੋਸ਼ਨ ਪ੍ਰਿੰਸ ਜਦੋਂ ਆਪਣੇ ਦੇਸ਼ ਲਈ ਬਣੇ ਸਨ ਯੋਧਾ ਤੇ ਬਾਕੀਆਂ ਲਈ ਪ੍ਰੇਰਣਾ ਦਾ ਸਰੋਤ
9/12/2018 11:23:28 AM
ਜਲੰਧਰ(ਬਿਊਰੋ)— ਪੰਜਾਬੀ ਗਾਇਕ ਰੋਸ਼ਨ ਪ੍ਰਿੰਸ ਪੰਜਾਬੀ ਇੰਡਸਟਰੀ ਦੇ ਇਕ ਅਜਿਹੇ ਕਲਾਕਾਰ ਹਨ, ਜਿਨ੍ਹਾਂ ਦੀ ਗਾਇਕੀ ਤਾਂ ਬੇਮਿਸਾਲ ਹੈ ਪਰ ਉਨ੍ਹਾਂ ਦੀ ਅਦਾਕਾਰੀ ਵੀ ਸਾਰਿਆਂ ਦਾ ਦਿਲ ਜਿੱਤਣ 'ਚ ਵੀ ਸਫਲ ਰਹੀ। ਅੱਜ ਰੋਸ਼ਨ ਪ੍ਰਿੰਸ ਅੱਜ ਆਪਣਾ 37ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ।
ਉਨ੍ਹਾਂ ਦਾ ਜਨਮ 12 ਸਤੰਬਰ 1981 ਨੂੰ ਲਖਨਊ 'ਚ ਹੋਇਆ। ਰੋਸ਼ਨ ਪ੍ਰਿੰਸ ਇਕ ਪੰਜਾਬੀ ਗਾਇਕ, ਨਿਰਮਾਤਾ, ਸੰਗੀਤਕਾਰ ਅਤੇ ਗੀਤਕਾਰ ਵਜੋਂ ਉਭਰ ਕੇ ਇੰਡਸਟਰੀ 'ਚ ਆਏ।
ਉਨ੍ਹਾਂ ਦਾ ਜਨਮ ਬ੍ਰਾਹਮਣ ਪਰਿਵਾਰ 'ਚ 'ਚ ਹੋਇਆ। ਉਨ੍ਹਾਂ ਨੇ ਆਪਣੀ ਗ੍ਰੇਜੁਏਸ਼ਨ ਏ. ਐੱਸ. ਐੱਸ. ਐੱਮ. ਕਾਲਜ ਮੁਕੰਦਪੁਰ ਤੋਂ ਕੀਤੀ।
ਰੋਸ਼ਨ ਪ੍ਰਿੰਸ ਪੰਜਾਬੀ ਰਿਐਲਟੀ ਸ਼ੋਅ 'ਆਵਾਜ਼ ਪੰਜਾਬ ਦੀ' ਦੇ ਪਹਿਲੇ ਸੀਜ਼ਨ 'ਚ ਵਿਜੇਤਾ ਰਹੇ। ਉਨ੍ਹਾਂ ਨੇ ਪੰਜਾਬੀ ਫਿਲਮਾਂ 'ਚ ਵੀ ਕੰਮ ਕੀਤਾ। ਉਨ੍ਹਾਂ ਦੀ ਪਹਿਲੀ ਫਿਲਮ 'ਲੱਗਦਾ ਇਸ਼ਕ ਹੋ ਗਿਆ' ਸੀ।
ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਸਿਰ ਫਿਰੇ' 'ਚ ਕੰਮ ਕੀਤਾ। 'ਫਿਰ ਮਾਮਲਾ ਗੜਬੜ ਗੜਬੜ', 'ਲਾਵਾਂ ਫੇਰੇ' ਅਤੇ 'ਨੋਟੀ ਜਟਸ' ਵਰਗੀਆਂ ਫਿਲਮਾਂ 'ਚ ਕੰਮ ਕੀਤਾ, ਜੋ ਕਾਫੀ ਪ੍ਰਸਿੱਧ ਹਾਸਲ ਕੀਤੀ।
ਇਸੇ ਸਾਲ ਰਿਲੀਜ਼ ਹੋਈ 'ਸੂਬੇਦਾਰ ਜੋਗਿੰਦਰ ਸਿੰਘ' ਫਿਲਮ 'ਚ ਰੋਸ਼ਨ ਪ੍ਰਿੰਸ ਦੀ ਲਾਜਵਾਬ ਅਦਾਕਾਰੀ ਦੇਖਣ ਨੂੰ ਮਿਲੀ ਸੀ।
ਇਸ ਫਿਲਮ 'ਚ ਰੋਸ਼ਨ ਪ੍ਰਿੰਸ 'ਸਵਰਨ ਸਿੰਘ' ਨਾਂ ਦੇ ਸਿਪਾਹੀ ਦਾ ਕਿਰਦਾਰ ਨਿਭਾਇਆ ਸੀ, ਜੋ ਬਹੁਤ ਨਰਮ ਦਿਲ ਦਾ ਵਿਅਕਤੀ ਸੀ।
ਇਸ ਤੋਂ ਬਾਅਦ 'ਚ ਇਕ ਅਜਿਹਾ ਸਮੇਂ ਆਉਂਦਾ ਹੈ ਜਦੋਂ ਸਵਰਨ ਸਿੰਘ ਇਕ ਮਾਸੂਮ ਜਿਹਾ ਸਿਪਾਹੀ ਆਪਣੇ ਦੇਸ਼ ਲਈ ਇਕ ਯੋਧਾ ਅਤੇ ਸਾਰਿਆਂ ਲਈ ਪ੍ਰੇਰਣਾਸਰੋਤ ਬਣ ਜਾਂਦਾ ਹੈ।
ਰੋਸ਼ਨ ਪ੍ਰਿੰਸ ਨੇ ਸਵਰਨ ਸਿੰਘ ਦੇ ਕਿਰਦਾਰ ਨਾਲ ਪੰਜਾਬੀ ਇੰਡਸਟਰੀ 'ਚ ਅਦਾਕਾਰੀ ਦਾ ਉੱਚਾ ਪੱਧਰ ਕਾਇਮ ਕੀਤਾ।
ਦੱਸਣਯੋਗ ਹੈ ਕਿ ਇਸ ਤੋਂ ਇਲਾਵਾ ਰੋਸ਼ਨ ਪ੍ਰਿੰਸ ਦਾ ਸਾਲ 2015 'ਚ ਸਿੰਗਲ ਟਰੈਕ 'ਗੁਜ਼ਾਰਿਸ਼ਾਂ' ਰਿਲੀਜ਼ ਹੋਇਆ ਸੀ, ਜਿਸ ਲੋਕਾਂ ਵਲੋਂ ਕਾਫੀ ਪਸੰਦ ਕੀਤਾ ਗਿਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
