ਸ਼ਿਲਪਾ ਸ਼ਿੰਦੇ ਸਿਰ ਸਜਿਆ 'ਬਿੱਗ ਬੌਸ 11' ਦਾ ਤਾਜ
1/15/2018 1:29:09 AM
ਮੁੰਬਈ (ਬਿਊਰੋ)— 'ਬਿੱਗ ਬੌਸ 11' ਦੇ ਗਰੈਂਡ ਫਿਨਾਲੇ 'ਚ ਸ਼ਿਲਪਾ ਸ਼ਿੰਦੇ ਨੇ ਹਿਨਾ ਖਾਨ ਨੂੰ ਹਰਾ ਕੇ ਖਿਤਾਬ ਆਪਣੇ ਨਾਂ ਕਰ ਲਿਆ ਹੈ। ਟੀ. ਵੀ. ਅਦਾਕਾਰਾ ਸ਼ਿਲਪਾ ਸ਼ਿੰਦੇ ਨੇ ਵਿਕਾਸ ਗੁਪਤਾ ਦੇ ਨਾਲ ਬਿੱਗ ਬੌਸ ਹਾਊਸ 'ਚ ਐਂਟਰੀ ਕੀਤੀ ਸੀ। ਰਿਐਲਿਟੀ ਸ਼ੋਅ 'ਭਾਬੀ ਜੀ ਘਰ ਪਰ ਹੈਂ' ਨਾਲ ਪੂਰੇ ਦੇਸ਼ 'ਚ ਪਾਪੂਲਰ ਹੋਈ ਸ਼ਿਲਪਾ ਨੇ ਬਿੱਗ ਬੌਸ ਹਾਊਸ 'ਚ ਅਤੇ ਘਰ ਤੋਂ ਬਾਹਰ ਲੱਖਾਂ ਦਰਸ਼ਕਾਂ ਦੇ ਦਿਲ ਜਿੱਤ ਲਏ ਹਨ। ਸ਼ਿਲਪਾ ਨੂੰ 44 ਲੱਖ ਰੁਪਏ ਇਨਾਮ ਤੌਰ 'ਤੇ ਮਿਲੇ ਹਨ। ਸੀਜ਼ਨ ਦੀ ਸ਼ੁਰੂਆਤ ਤੋਂ ਹੀ ਸ਼ਿਲਪਾ ਮਜ਼ਬੂਤ ਕੰਟੇਸਟੇਂਟ ਰਹੀ ਹੈ। ਉਨ੍ਹਾਂ ਦੀ ਫੈਨਜ਼ ਫਾਲੋਇੰਗ ਵੀ ਜ਼ਬਰਦਸਤ ਰਹੀ ਹੈ।
ਸਭ ਤੋਂ ਪਹਿਲਾਂ ਘੱਟ ਵੋਟਾਂ ਕਾਰਨ ਪੁਨੀਸ਼ ਘਰੋਂ ਬਾਹਰ ਹੋਏ ਤੇ ਉਨ੍ਹਾਂ ਤੋਂ ਬਾਅਦ ਵਿਕਾਸ ਗੁਪਤਾ ਨੂੰ ਵੀ ਬਾਹਰ ਦਾ ਰਸਤਾ ਦੇਖਣਾ ਪਿਆ। ਸ਼ੁਰੂ ਤੋਂ ਹੀ ਮੁਕਾਬਲਾ ਘਰ 'ਚ ਸ਼ਿਲਪਾ ਸ਼ਿੰਦੇ ਤੇ ਹਿਨਾ ਖਾਨ ਵਿਚਾਲੇ ਰਿਹਾ ਹੈ। ਹਿਨਾ ਖਾਨ ਨੇ ਇਸ ਪੂਰੇ ਸਫਰ ਦੌਰਾਨ ਸ਼ਿਲਪਾ ਸ਼ਿੰਦੇ ਨੂੰ ਸਖਤ ਟੱਕਰ ਦਿੱਤੀ ਹੈ ਪਰ ਅਖੀਰ 'ਚ ਜੇਤੂ ਤਾਂ ਕਿਸੇ ਇਕ ਨੇ ਹੀ ਬਣਨਾ ਸੀ। ਦੱਸਣਯੋਗ ਹੈ ਕਿ ਵੋਟਿੰਗ 'ਚ ਸ਼ੁਰੂਆਤ ਤੋਂ ਹੀ ਸ਼ਿਲਪਾ ਸ਼ਿੰਦੇ ਅੱਜ ਅੱਗੇ ਚੱਲ ਰਹੀ ਸੀ।
Shilpa Shinde walks away with the title of Bigg Boss season 11. #BB11Finale pic.twitter.com/FA86NCj5zM
— COLORS (@ColorsTV) January 14, 2018
ਜ਼ਿਕਰਯੋਗ ਹੈ ਕਿ ਐਂਡ ਟੀ. ਵੀ. 'ਤੇ ਪ੍ਰਸਾਰਿਤ ਹੋਣ ਵਾਲੇ ਸ਼ੋਅ 'ਚੋਂ ਸ਼ਿਲਪਾ ਸ਼ਿੰਦੇ ਨੂੰ ਬਾਹਰ ਕਰ ਦਿੱਤਾ ਗਿਆ ਸੀ ਅਤੇ ਇਹ ਗੱਲ ਸ਼ਿਲਪਾ ਨੂੰ ਚੰਗੀ ਨਹੀਂ ਲੱਗੀ ਸੀ। ਸ਼ਿਲਪਾ ਅਤੇ ਵਿਕਾਸ ਦੇ ਝਗੜਿਆਂ ਨੂੰ 'ਬਿੱਗ ਬੌਸ-11' 'ਚ ਦਰਸ਼ਕਾਂ ਨੇ ਖੂਬ ਇੰਜੁਆਏ ਕੀਤਾ ਅਤੇ ਇਸ ਤੋਂ ਬਾਅਦ ਹੌਲੀ-ਹੌਲੀ ਦੋਵਾਂ ਦੀ ਦੁਸ਼ਮਣੀ ਦੋਸਤੀ 'ਚ ਬਦਲ ਗਈ। ਦੋਵਾਂ ਨੇ ਇਕ-ਦੂਜੇ ਨੂੰ ਸਮਝਿਆ ਅਤੇ ਆਪਣੀ-ਆਪਣੀ ਗਲਤੀ ਮੰਨਦੇ ਹੋਏ ਪੁਰਾਣੀਆਂ ਗੱਲਾਂ ਨੂੰ ਭੁਲਾ ਦਿੱਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
