ਪਹਿਲੇ ਦਿਨ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਤਿੰਨੇ ਪੰਜਾਬੀ ਫਿਲਮਾਂ ਸੋਨਮ ਬਾਜਵਾ ਦੀਆਂ

ਜਲੰਧਰ (ਬਿਊਰੋ)— ਸੋਨਮ ਬਾਜਵਾ ਆਪਣੇ ਅਭਿਨੈ ਦੇ ਦਮ 'ਤੇ ਪੰਜਾਬੀ ਫਿਲਮ ਜਗਤ 'ਚ ਖਾਸ ਪਛਾਣ ਬਣਾ ਚੁੱਕੀ ਹੈ। ਸ਼ਾਇਦ ਹੀ ਕੋਈ ਵੱਡੀ ਫਿਲਮ ਅਜਿਹੀ ਹੋਵੇਗੀ, ਜਿਸ 'ਚ ਸੋਨਮ ਬਾਜਵਾ ਨਜ਼ਰ ਨਾ ਆਈ ਹੋਵੇ। ਉਸ ਦੇ ਨੱਖਰੇ, ਮੁਸਕਰਾਹਟ, ਜਜ਼ਬਾਤ ਪਰਦੇ 'ਤੇ ਦੇਖ ਕੇ ਰੂਹ ਖੁਸ਼ ਹੋ ਜਾਂਦੀ ਹੈ। ਇਸ ਸਾਲ ਸੋਨਮ ਬਾਜਵਾ ਦੀਆਂ ਤਿੰਨ ਫਿਲਮਾਂ ਰਿਲੀਜ਼ ਹੋਈਆਂ ਹਨ ਤੇ ਇਹ ਤਿੰਨੇ ਫਿਲਮਾਂ ਪਹਿਲੇ ਦਿਨ ਦੀ ਕਮਾਈ ਦੇ ਮਾਮਲੇ 'ਚ ਟੌਪ 'ਤੇ ਹਨ।

ਪਹਿਲੀ ਫਿਲਮ ਸੋਨਮ ਬਾਜਵਾ ਦੀ ਇਸ ਸਾਲ ਗਿੱਪੀ ਗਰੇਵਾਲ ਨਾਲ ਰਿਲੀਜ਼ ਹੋਈ, ਜਿਸ ਦਾ ਨਾਂ ਹੈ 'ਮੰਜੇ ਬਿਸਤਰੇ'। ਇਸ ਫਿਲਮ ਨੇ ਪਹਿਲੇ ਦਿਨ 2.11 ਕਰੋੜ ਰੁਪਏ ਦੀ ਕਮਾਈ ਕੀਤੀ, ਜਿਸ ਨਾਲ ਇਹ ਫਿਲਮ ਨੰਬਰ ਇਕ 'ਤੇ ਹੈ।

ਦੂਜੀ ਫਿਲਮ ਸੋਨਮ ਬਾਜਵਾ ਦੀ ਦਿਲਜੀਤ ਦੁਸਾਂਝ ਨਾਲ ਰਿਲੀਜ਼ ਹੋਈ 'ਸੁਪਰ ਸਿੰਘ' ਹੈ, ਜਿਸ ਨੇ ਪਹਿਲੇ ਦਿਨ 1.27 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਇਹ ਫਿਲਮ ਪਹਿਲੇ ਦਿਨ ਦੀ ਕਮਾਈ ਦੇ ਮਾਮਲੇ 'ਚ ਦੂਜੇ ਨੰਬਰ 'ਤੇ ਹੈ।

ਤੀਜੀ ਫਿਲਮ ਕੱਲ ਹੀ ਰਿਲੀਜ਼ ਹੋਈ 'ਨਿੱਕਾ ਜ਼ੈਲਦਾਰ 2' ਹੈ, ਜਿਸ 'ਚ ਐਮੀ ਵਿਰਕ ਨਾਲ ਸੋਨਮ ਬਾਜਵਾ ਮੁੱਖ ਭੂਮਿਕਾ 'ਚ ਨਜ਼ਰ ਆ ਰਹੀ ਹੈ। ਫਿਲਮ ਨੇ ਪਹਿਲੇ ਦਿਨ 1.30 ਕਰੋੜ ਦੀ ਕਮਾਈ ਕੀਤੀ ਹੈ।