ਸੁੱਖੀ ਦੇ ''Sukh-E'' ਬਣਨ ਦੀ ਇਹ ਹੈ ਪੂਰੀ ਕਹਾਣੀ, ਗੀਤਾਂ ਨਾਲ ਨੌਜਵਾਨ ਪੀੜ੍ਹੀ ''ਚ ਹੈ ਲੋਕਪ੍ਰਿਯ
9/13/2018 11:17:05 AM
ਜਲੰਧਰ(ਬਿਊਰੋ)— ਪੰਜਾਬੀ ਗਾਇਕੀ ਦੇ ਹੁਨਰ ਨਾਲ ਦੇਸਾਂ-ਵਿਦੇਸ਼ਾਂ 'ਚ ਪ੍ਰਸਿੱਧੀ ਖੱਟਣ ਵਾਲੇ ਸੁੱਖੀ ਅੱਜ ਆਪਣਾ 27ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ 13 ਸਤੰਬਰ 1990 ਨੂੰ ਪੰਜਾਬ 'ਚ ਹੋਇਆ। ਸੁੱਖੀ ਸਿਰਫ ਗਾਇਕੀ ਦੇ ਖੇਤਰ 'ਚ ਹੀ ਨਹੀਂ ਸਗੋਂ ਸੰਗੀਤਕਾਰ, ਗੀਤਕਾਰ ਵਜੋਂ ਵੀ ਜਾਣੇ ਜਾਂਦਾ ਹੈ। ਇਨ੍ਹੀਂ ਦਿਨੀਂ ਸੁੱਖੀ ਆਪਣੇ ਲੇਟੈਸਟ ਗੀਤ 'ਬੰਬ' ਨਾਲ ਸੁਰਖੀਆਂ 'ਚ ਛਾਇਆ ਹੋਇਆ ਹੈ।
ਪੰਜਾਬੀ ਗਾਇਕ ਸੁਖ-ਈ ਆਪਣੇ ਗੀਤਾਂ ਦੇ ਨਾਲ-ਨਾਲ ਆਪਣੇ ਡਿਫਰੈਂਟ ਨਾਂ ਨੂੰ ਲੈ ਕੇ ਵੀ ਚਰਚਾ 'ਚ ਰਹਿੰਦੇ ਹਨ। ਹਾਲ ਹੀ 'ਚ ਸੁੱਖੀ ਨੇ 'ਸੁਖ-ਈ' ਨਾਂ ਦੇ ਪਿੱਛੇ ਦੀ ਕਹਾਣੀ ਦੱਸੀ ਹੈ।
ਉਨ੍ਹਾਂ ਦੇ ਇਸ ਨਿੱਕ ਨਾਂ ਦਾ ਪਹਿਲਾ ਕ੍ਰੈਡਿਟ ਉਨ੍ਹਾਂ ਦੇ ਘਰਵਾਲਿਆਂ ਅਤੇ ਦੋਸਤਾਂ ਨੂੰ ਜਾਂਦਾ ਹੈ। ਅਜਿਹਾ ਇਸ ਲਈ ਕਿਉਂਕਿ ਸੁਖਦੀਪ ਨਾਂ ਹੋਣ ਦੀ ਵਜ੍ਹਾ ਕਰਕੇ ਸਾਰੇ ਉਨ੍ਹਾਂ ਨੂੰ ਸੁੱਖੀ ਬੁਲਾਉਂਦੇ ਸਨ।
ਸੁੱਖੀ ਦੇ ਨਾਂ 'ਚ ਦੂਜਾ ਟਵਿੱਸਟ ਆਇਆ ਮਸ਼ਹੂਰ ਗਾਇਕ ਜੈਜ਼ੀ ਬੀ ਕਾਰਨ। ਜੀ ਹਾਂ ਸੁੱਖੀ ਨਾਂ ਦੇ ਮਾਮਲੇ 'ਚ ਜੈਜ਼ੀ ਬੀ ਤੋਂ ਪ੍ਰੇਰਿਤ ਹਨ, ਜਿਸ ਤਰ੍ਹਾਂ ਜੈਜ਼ੀ ਬੀ ਨੇ ਆਪਣੇ ਸਰਨੇਮ ਦਾ ਇਨੀਸ਼ਿਅਲ ਰੱਖਿਆ ਹੈ।
ਉਸੇ ਤਰ੍ਹਾਂ ਸੁੱਖੀ ਨੇ Sukhi ਦੇ I ਨੂੰ E ਬਣਾ ਦਿੱਤਾ ਅਤੇ ਆਪਣੇ ਨਾਂ ਨੂੰ ਇਕ ਮਾਡਰਨ ਤੜਕਾ ਲਾ ਲਿਆ।
ਉਝ ਅੱਜਕਲ ਦੇ ਦੌਰ 'ਚ ਸੁੱਖੀ ਦਾ ਇਸ ਤਰ੍ਹਾਂ ਨਾਂ ਬਦਲਣਾ ਕੋਈ ਨਵੀਂ ਗੱਲ ਨਹੀਂ ਹੈ। ਉਨ੍ਹਾਂ ਦੀ ਤਰ੍ਹਾਂ ਰਫਤਾਰ, ਬਾਦਸ਼ਾਹ, ਯੋ ਯੋ ਹਨੀ ਸਿੰਘ ਵਰਗੇ ਕਲਾਕਾਰਾਂ ਨੇ ਆਪਣੇ ਨਾਂ ਬਦਲੇ ਹੋਏ ਹਨ।
ਕਈ ਖੱਟੀਆਂ-ਮਿੱਠੀਆਂ ਪੁਰਾਣੀਆਂ ਯਾਦਾਂ ਨਾਲ ਜਿੱਥੇ ਪੰਜਾਬੀ ਸੰਗੀਤ ਇੰਡਸਟਰੀ ਨੂੰ ਸੁੱਖੀ ਨੇ ਕਈ ਸੁਪਰਹਿੱਟ ਗੀਤ ਦਿੱਤੇ ਹਨ, ਜਿਨ੍ਹਾਂ 'ਚੋਂ ਕੁਝ ਗੀਤਾਂ ਨੇ ਲੋਕਾਂ ਦੇ ਦਿਲਾਂ 'ਚ ਖਾਸ ਪਛਾਣ ਬਣਾਈ ਹੈ।
ਦੱਸ ਦੇਈਏ ਕਿ ਸੁੱਖੀ ਨੇ ਗਾਇਕੀ ਦਾ ਸਫਰ 'ਸਨਾਈਪਰ' ਗੀਤ ਨਾਲ ਸ਼ੁਰੂ ਕੀਤਾ ਸੀ। ਇਸ ਗੀਤ ਨੂੰ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ ਗਿਆ।
ਇਸ ਤੋਂ ਬਾਅਦ ਸੁੱਖੀ ਨੇ ਲਗਾਤਾਰ ਦਰਸ਼ਕਾਂ ਦੀ ਝੋਲੀ 'ਚ ਹਿੱਟ ਗੀਤ ਪਾਏ, ਜੋ ਦਰਸ਼ਕਾਂ ਦੀ ਪਸੰਦ 'ਤੇ ਖਰੇ ਉਤਰੇ।
ਸੁੱਖੀ ਦੇ ਹਿੱਟ ਗੀਤਾਂ ਦੀ ਲਿਸਟ 'ਚ 'ਸਨਾਈਪਰ' ਤੋਂ ਇਲਾਵਾ, 'ਸੁਸਾਈਡ', 'ਜਾਗੁਅਰ', 'ਕੁੜੀਏ ਸਨੇਪਚੈਟ ਵਾਲੀਏ' ਸਮੇਤ ਕਈ ਗੀਤ ਸ਼ਾਮਲ ਹਨ।
ਸੁੱਖੀ ਦੇ ਗੀਤ ਹਮੇਸ਼ਾਂ ਵਿਆਹਾਂ ਤੇ ਪਾਰਟੀਆਂ ਦੀ ਰੌਣਕ ਬਣਦੇ ਹਨ। ਸੁੱਖੀ ਦਾ ਨਾਂ ਨਾਮੀ ਸਿੰਗਰਾਂ 'ਚ ਸ਼ਾਮਲ ਹੈ।
ਉਨ੍ਹਾਂ ਨੇ ਆਪਣੀ ਸੁਰੀਲੀ ਆਵਾਜ਼ ਨਾਲ ਲੋਕਾਂ ਨੂੰ ਖੂਬ ਮੋਹਿਆ ਹੈ। ਸੁੱਖੀ ਹਮੇਸ਼ਾ ਹੀ ਅਜਿਹੇ ਗੀਤ ਗਾਉਂਦਾ ਹੈ, ਜੋ ਨੌਜਵਾਨਾਂ ਦੀ ਪਸੰਦ 'ਤੇ ਹਮੇਸ਼ਾ ਖਰੇ ਉਤਰਦੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
