ਭਾਰਤੀ ਬਾਕਸ ਆਫਿਸ ''ਤੇ ਸਫਲ ਰਹੀ ਹਾਰਰ ਫਿਲਮ ''ਦਿ ਨਨ'', ਜਾਣੋ ਕਲੈਕਸ਼ਨ
9/14/2018 5:00:31 PM
ਮੁੰਬਈ (ਬਿਊਰੋ)— ਹਾਲੀਵੁੱਡ ਹਾਰਰ ਫਿਲਮ 'ਦਿ ਨਨ' ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ ਤਾਬੜਤੋੜ ਕਮਾਈ ਕਰ ਰਹੀ ਹੈ। 'ਦਿ ਨਨ' ਕੌਜਰਿੰਗ ਫਰੈਂਚਾਇਜੀ ਦੀ 5ਵੀਂ ਫਿਲਮ ਹੈ। ਹਾਰਰ ਫਿਲਮਾਂ ਪਸੰਦ ਕਰਨ ਵਾਲੇ ਪ੍ਰਸ਼ੰਸਕਾਂ ਨੂੰ ਕਹਾਣੀ ਕਾਫੀ ਪਸੰਦ ਆ ਰਹੀ ਹੈ। ਫਿਲਮ ਨੂੰ ਭਾਰਤੀ ਬਾਕਸ ਆਫਿਸ 'ਤੇ ਪ੍ਰਸ਼ੰਸਕਾਂ ਵਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਫਿਲਮ ਨੇ ਪਹਿਲੇ ਦਿਨ ਸ਼ੁੱਕਰਵਾਰ 8 ਕਰੋੜ, ਦੂਜੇ ਦਿਨ ਸ਼ਨੀਵਾਰ 10.20 ਕਰੋੜ, ਤੀਜੇ ਦਿਨ ਐਤਵਾਰ 10 ਕਰੋੜ, ਚੋਥੇ ਦਿਨ ਸੋਮਵਾਰ 3.45 ਕਰੋੜ, 5ਵੇਂ ਦਿਨ ਮੰਗਲਵਾਰ 2.80 ਕਰੋੜ, 6ਵੇਂ ਦਿਨ ਬੁੱਧਵਾਰ 2.45 ਕਰੋੜ ਅਤੇ 7ਵੇਂ ਦਿਨ ਵੀਰਵਾਰ 2.50 ਕਰੋੜ ਦੀ ਕਮਾਈ ਕੀਤੀ ਹੈ। ਇਸ ਫਿਲਮ ਨੇ ਭਾਰਤ 'ਚ ਪਹਿਲੇ ਹਫਤੇ 39.70 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਫਿਲਮ ਦੀ ਕਮਾਈ ਦੇ ਅੰਕੜੇ ਟਰੇਡ ਐਨਾਲਿਸਟ ਤਰਣ ਆਦਰਸ਼ ਨੇ ਟਵੀਟ ਰਾਹੀਂ ਸ਼ੇਅਰ ਕੀਤੇ ਹਨ। ਇਸ ਫਿਲਮ ਨੂੰ ਭਾਰਤ 'ਚ 1,603 ਸਕ੍ਰੀਨਜ਼ 'ਤੇ ਰਿਲੀਜ਼ ਕੀਤਾ ਗਿਆ ਸੀ।
#TheNun emerges the franchise’s highest Week 1... WOM is extremely mixed, hence the pace is likely to slow down in Week 2... Thu previews 30 lakhs, Fri 8 cr, Sat 10.20 cr, Sun 10 cr, Mon 3.45 cr, Tue 2.80 cr, Wed 2.45 cr, Thu 2.50 cr. Total: ₹ 39.70 cr NettBOC. All versions.
— taran adarsh (@taran_adarsh) September 14, 2018
ਦੱਸਣਯੋਗ ਹੈ ਕਿ 'ਦਿ ਨਨ' ਹਾਰਰ ਨਾਲ ਭਰਪੂਰ ਹੈ। ਫਿਲਮ ਦਾ ਨਿਰਦੇਸ਼ਨ ਕੋਰੀਨ ਹਾਰਡੀ ਵਲੋਂ ਕੀਤਾ ਗਿਆ, ਜਦਕਿ ਜੇਮਸ ਵਾਨ ਅਤੇ ਪੀਟਰ ਸੈਫਰਨ ਮਿਲ ਕੇ ਫਿਲਮ ਦਾ ਨਿਰਮਾਣ ਕੀਤਾ ਹੈ। ਇਸ ਤੋਂ ਇਲਾਵਾ ਇਹ ਉਮੀਦ ਕਰਦੇ ਹਾਂ ਕਿ ਫਿਲਮ ਆਉਣ ਵਾਲੇ ਦਿਨਾਂ 'ਚ ਬਾਕਸ ਆਫਿਸ 'ਤੇ ਚੰਗਾ ਕਾਰੋਬਾਰ ਕਰਨ 'ਚ ਸਫਲ ਰਹੇਗੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ