ਸੰਨੀ ਦਿਓਲ ਅਜੇ ਤਕ ਨਹੀਂ ਬਣੇ 'ਚੌਕੀਦਾਰ'
4/25/2019 3:49:14 PM
ਜਲੰਧਰ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਭਾਰਤੀ ਜਨਤਾ ਪਾਰਟੀ 'ਚ ਸ਼ਾਮਲ ਹੋ ਗਏ ਹਨ ਤੇ ਉਨ੍ਹਾਂ ਨੂੰ ਪਾਰਟੀ ਨੇ ਗੁਰਦਾਸਪੁਰ ਤੋਂ ਚੋਣ ਲੜਨ ਲਈ ਟਿਕਟ ਵੀ ਦੇ ਦਿੱਤੀ ਹੈ। ਸੰਨੀ ਦਿਓਲ ਨੂੰ ਉਮੀਦਵਾਰ ਐਲਾਨਿਆਂ ਅੱਜ 3 ਦਿਨ ਬੀਤ ਚੁੱਕੇ ਹਨ ਪਰ ਸੰਨੀ ਦਿਓਲ ਹੁਣ ਤਕ 'ਚੌਕੀਦਾਰ' ਨਹੀਂ ਬਣੇ।
ਗੱਲ ਹੋ ਰਹੀ ਹੈ ਸੋਸ਼ਲ ਮੀਡੀਆ 'ਤੇ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰਾਂ ਵਲੋਂ ਸੋਸ਼ਲ ਮੀਡੀਆ 'ਤੇ ਆਪਣੇ ਨਾਂ ਅੱਗੇ 'ਚੌਕੀਦਾਰ' ਸ਼ਬਦ ਲਗਾਉਣ ਦੀ।ਨਰਿੰਦਰ ਮੋਦੀ ਵਲੋਂ ਆਪਣੇ ਨਾਂ ਅੱਗੇ 'ਚੌਕੀਦਾਰ' ਲਿਖਣ ਤੋਂ ਬਾਅਦ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰਾਂ ਨੇ ਆਪਣੇ ਨਾਂ ਅੱਗੇ ਸੋਸ਼ਲ ਮੀਡੀਆ 'ਤੇ 'ਚੌਕੀਦਾਰ' ਲਗਾਇਆ ਹੋਇਆ ਹੈ।
ਸਿਰਫ ਸੰਨੀ ਦਿਓਲ ਹੀ ਨਹੀਂ, ਸਗੋਂ ਹੇਮਾ ਮਾਲਿਨੀ ਨੇ ਵੀ ਆਪਣੇ ਨਾਂ ਅੱਗੇ 'ਚੌਕੀਦਾਰ' ਸ਼ਬਦ ਨਹੀਂ ਲਗਾਇਆ ਹੈ, ਜੋ ਮਥੁਰਾ ਤੋਂ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਵਜੋਂ ਲੋਕ ਸਭਾ ਚੋਣਾਂ 'ਚ ਖੜ੍ਹੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
