''ਸ਼ੋਅਲੇ'' ਦੇ ਜੈ-ਵੀਰੂ ਤੋਂ ਜ਼ਿਆਦਾ ਮਸ਼ਹੂਰ ਹੈ ਇਹ ਐਕਟਰ, ਮਾੜੇ ਹਾਲਾਤਾਂ ''ਚ ਹੋਈ ਸੀ ਮੌਤ

ਨਵੀਂ ਦਿੱਲੀ(ਬਿਊਰੋ)— ਲਗਭਗ ਚਾਰ ਦਹਾਕਿਆਂ ਤੱਕ ਆਪਣੇ ਸ਼ਾਨਦਾਰ ਅਭਿਨੈ ਨਾਲ ਬਾਲੀਵੁੱਡ 'ਤੇ ਰਾਜ਼ ਕਰਨ ਵਾਲੇ ਅਭਿਨੇਤਾ ਤੇ ਰੰਗਮੰਚ ਦੇ ਕਲਾਕਾਰ ਏ ਕੇ ਹੰਗਲ ਦਾ ਜਨਮ 1 ਫਰਵਰੀ 1914 ਨੂੰ ਸਿਆਲਕੋਟ 'ਚ ਹੋਇਆ ਸੀ। ਸਾਲ 1967 'ਚ ਬਾਲੀਵੁੱਡ 'ਚ ਐਂਟਰੀ ਕਰਨ ਵਾਲੇ ਹੰਗਲ ਨੇ ਲਗਭਗ 225 ਫਿਲਮਾਂ 'ਚ ਕੰਮ ਕੀਤਾ ਹੈ।

ਫਿਲਮ 'ਸ਼ੋਅਲੇ''ਚ ਨਿਭਾਏ ਉਨ੍ਹਾਂ ਦੇ ਕਿਰਦਾਰ ਨੂੰ ਲੋਕਾਂ ਨੇ ਜੈ-ਵੀਰੂ (ਅਮਿਤਾਭ ਬੱਚਨ ਤੇ ਧਰਮਿੰਦਰ) ਤੋਂ ਜ਼ਿਆਦਾ ਪਸੰਦ ਕੀਤਾ ਹੈ। ਉਸ ਨੇ ਫਿਲਮ 'ਪਰਿਚੈ' ਤੇ 'ਸ਼ੋਅਲੇ' 'ਚ ਆਪਣੀਆਂ ਭੂਮਿਕਾਵਾਂ ਲਈ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੀਆਂ ਕੁਝ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ 'ਚ 'ਸ਼ੌਕੀਨ', 'ਨਮਕ ਹਰਾਮ', 'ਆਈਨਾ', 'ਅਵਤਾਰ', 'ਆਂਧੀ', 'ਕੋਰਾ ਕਾਗਜ', 'ਬਾਵਰਚੀ', 'ਚਿਤਚੋਰ', 'ਗੁੱਡੀ', 'ਅਭਿਮਾਨ' ਵਰਗੀਆਂ ਸਦਾਬਹਾਰ ਫਿਲਮਾਂ ਸ਼ਾਮਲ ਹਨ।

ਹੰਗਲ ਨੇ ਸਾਲ 2011 'ਚ ਉਸ ਸਮੇਂ ਸੁਰਖੀਆਂ 'ਚ ਆਏ, ਜਦੋਂ ਇਹ ਗੱਲ ਸਾਹਮਣੇ ਆਈ ਸੀ ਕਿ ਉਹ ਆਪਣੀ ਆਮਦਨ ਦੇ ਸਾਧਨ ਖਤਮ ਹੋਣ ਤੋਂ ਬਾਅਦ ਆਜੀਵਿਕਾ ਲਈ ਸੰਘਰਸ਼ ਕਰ ਰਹੇ ਹਨ ਤੇ ਉਨ੍ਹਾਂ ਕੋਲ ਭੋਜਨ ਤੇ ਦਵਾਈਆਂ ਤੱਕ ਲਈ ਪੈਸੇ ਨਹੀਂ ਬਚੇ ਸਨ।

ਇਸ ਤੋਂ ਬਾਅਦ ਅਭਿਨੇਤਾ ਅਮਤਾਭ ਬੱਚਨ ਤੇ ਆਮਿਰ ਖਾਨ ਵਰਗੇ ਫਿਲਮ ਉਦਯੋਗ ਦੇ ਬਹੁਤ ਸਾਰੇ ਲੋਕਾਂ ਵੇ ਉਨ੍ਹਾਂ ਦਾ ਆਰਥਿਕ ਕੀਤੀ ਸੀ। 'ਸ਼ੋਅਲੇ' ਫਿਲਮ ਦੇ ਇਕ ਡਾਈਲਾਗ 'ਇਤਨਾ ਸਨੰਟਾ ਕਿਉਂ ਹੈ ਭਾਈ' ਨਾਲ ਹੰਗਲ ਨੂੰ ਨਵੀਂ ਪੀੜੀ ਵੀ ਬਖੂਬੀ ਪਛਾਣਦੀ ਹੈ।

ਹਾਲਾਂਕਿ ਉਨ੍ਹਾਂ ਨੇ ਨਵੀਆਂ ਪੁਰਾਣੀਆਂ ਦਰਜ਼ਨਾਂ ਫਿਲਮਾਂ 'ਚ ਕਈ ਛੋਟੇ ਵੱਡੇ ਕਿਰਦਾਰ ਨਿਭਾਏ। ਰਾਜੇਸ਼ ਖੰਨਾ ਦੀਆਂ ਸਫਲ ਫਿਲਮਾਂ ਦੀ ਕਤਾਰ 'ਚ ਵੀ ਹੰਗਲ ਨੇ ਆਪਣੇ ਸਸ਼ਕਤ ਅਭਿਨੈ ਦੀ ਛਾਪ ਛੱਡੀ। ਸਾਲ 2012 'ਚ ਹੰਗਲ ਇਸ ਦੁਨੀਆ ਨੂੰ ਅਲਵਿਦਾ ਆਖ ਗਏ ਸਨ।