ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਨੇ ਗੁਪਤ ਤਰੀਕੇ ਨਾਲ ਕਰਵਾਇਆ ਵਿਆਹ, ਤਸਵੀਰਾਂ ਵਾਇਰਲ
4/12/2019 2:36:34 PM
ਮੁੰਬਈ (ਬਿਊਰੋ) — 'ਕਲੀਆਂ ਕਾ ਚਮਨ' ਗੀਤ ਨਾਲ ਮਸ਼ਹੂਰ ਹੋਣ ਵਾਲੀ ਅਦਾਕਾਰਾ ਮੇਘਨਾ ਨਾਇਡੂ 2 ਸਾਲਾਂ ਤੋਂ ਲਾਈਮਲਾਈਟ ਤੋਂ ਦੂਰ ਸੀ। ਹੁਣ ਅਚਾਨਕ ਉਹ ਚਰਚਾ 'ਚ ਆ ਗਈ ਹੈ। ਖਬਰ ਹੈ ਕਿ ਮੇਘਨਾ ਨੇ ਪੁਰਤਗਾਲੀ ਟੈਨਿਸ ਪਲੇਅਰ ' Luis Miguel Reis' ਨਾਲ ਗੁਪਤ ਤਰੀਕੇ ਨਾਲ ਵਿਆਹ ਕਰਵਾਇਆ ਹੈ। ਮੇਘਨਾ ਤੇ ਉਸ ਦੇ ਪਤੀ ਦੀਆਂ ਨਵੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਮੇਘਨਾ ਨੇ 2 ਸਾਲ ਤੱਕ ਆਪਣੇ ਵਿਆਹ ਨੂੰ ਗੁਪਤ ਰੱਖਿਆ। ਇਹ ਗੱਲ ਸਿਰਫ ਕਰੀਬੀਆਂ ਨੂੰ ਹੀ ਪਤਾ ਸੀ। ਮੇਘਨਾ ਦੇ ਵਿਆਹ ਦੀ ਖਬਰ ਵਾਇਰਲ ਹੋਈ ਤਾਂ ਉਸ ਨੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਤਸਵੀਰਾਂ ਸ਼ੇਅਰ ਕਰਕੇ ਆਪਣੇ ਵਿਆਹ ਦੀ ਪੁਸ਼ਟੀ ਕੀਤੀ ਹੈ। ਵਿਆਹ ਤੋਂ ਬਾਅਦ ਮੇਘਨਾ ਦਾ ਪੂਰਾ ਫੋਕਸ ਪਰਸਨਲ ਜ਼ਿੰਦਗੀ 'ਤੇ ਹੈ।
ਮੇਘਨਾ ਨੇ 25 ਦਸੰਬਰ 2016 ਨੂੰ ਮੁੰਬਈ 'ਚ ਵਿਆਹ ਕਰਵਾਇਆ ਸੀ। ਵਿਆਹ ਤੋਂ ਪਹਿਲਾ ਮੇਘਨਾ ਤੇ ਲੁਈਸ 6 ਸਾਲ ਤੱਕ ਰਿਲੇਸ਼ਨਸ਼ਿਪ 'ਚ ਰਹੇ ਸਨ। ਵਿਆਹ ਨੂੰ ਸੀਕ੍ਰੇਟ ਰੱਖਣ ਨੂੰ ਲੈ ਕੇ ਮੇਘਨਾ ਦਾ ਬਿਆਨ ਆ ਗਿਆ ਹੈ। ਉਸ ਨੇ ਕਿਹਾ, ''ਲੁਈਸ ਤੇ ਮੈਂ ਵਿਆਹ ਤੋਂ ਬਾਅਦ ਨੋ-ਅਟੇਂਸ਼ਨ ਫੇਜ ਨੂੰ ਇੰਜੁਆਏ ਕਰ ਰਹੇ ਹਨ। ਸਾਨੂੰ ਕੁਝ ਵੀ ਮਿਸਿੰਗ ਨਹੀਂ ਲੱਗਾ। ਸਾਡੇ ਦੋਸਤਾਂ ਤੇ ਪਰਿਵਾਰ ਨੂੰ ਵਿਆਹ ਬਾਰੇ ਪਤਾ ਸੀ। ''
ਉਹ ਅੱਗੇ ਦੱਸਦੀ ਹੈ, ''ਮੈਂ ਆਲੀਸ਼ਾਨ ਵਿਆਹ ਦੇ ਪੱਖ 'ਚ ਕਦੇ ਨਹੀਂ ਰਹੀ ਹਾਂ। ਮੈਨੂੰ ਅਜਿਹਾ ਲੱਗਦਾ ਹੈ ਕਿ ਅਜਿਹੇ ਈਵੈਂਟਸ 'ਚ ਦੁਲਾ-ਦੁਲਹਨ ਗੁੰਮ ਜਿਹੇ ਹੋ ਜਾਂਦੇ ਹਨ। ਮੈਨੂੰ ਲੱਗਦਾ ਹੈ ਕਿ ਸਪੈਸ਼ਲ ਈਵੈਂਟ ਨੂੰ ਖਾਸ ਲੋਕਾਂ ਨਾਲ ਸੈਲੀਬ੍ਰੇਟ ਕੀਤਾ ਜਾਣਾ ਚਾਹੀਦਾ ਹੈ। ਮੇਰਾ ਵਿਆਹ ਉਂਝ ਹੀ ਹੋਇਆ, ਜਿਵੇਂ ਮੈਂ ਸੋਚਿਆ ਸੀ।'' ਇਸ ਤੋਂ ਇਲਾਵਾ ਮੇਘਨਾ ਨੇ ਕਿਹਾ, ''ਹਾਲ ਹੀ 'ਚ ਲੁਈਸ ਨੇ ਮੈਨੂੰ ਕਿਹਾ ਕਿ ਹੁਣ ਅਸੀਂ ਵਿਆਹ ਨੂੰ ਆਫੀਸ਼ੀਅਲ ਕਰ ਦੇਣਾ ਚਾਹੀਦਾ।''
ਮੇਘਨਾ ਪਤੀ ਲੁਈਸ ਨਾਲ 21 ਸਾਲ ਪਹਿਲਾਂ ਟੈਨਿਸ ਕੋਰਟ 'ਚ ਮਿਲੀ ਸੀ। ਇਸ ਤੋਂ ਬਾਅਦ ਦੋਵਾਂ ਦੀ ਦੋਸਤੀ ਹੋਈ ਅਤੇ ਅਫੇਅਰ ਸ਼ੁਰੂ ਹੋਇਆ ਪਰ ਫਿਰ ਉਹ ਵੱਖ ਹੋ ਗਏ ਸਨ। 8 ਸਾਲ ਪਹਿਲਾ ਉਹ ਮੁੜ ਸੰਪਰਕ 'ਚ ਆਏ ਅਤੇ ਉਦੋਂ ਤੋਂ ਉਹ ਇਕੱਠੇ ਹਨ। ਮੇਘਨਾ ਨੇ ਦੱਸਿਆ ਰਿ ਲੁਈਸ ਉਸ ਤੋਂ 10 ਸਾਲ ਵੱਡੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
