ਚਿੱਟੀ ਦਾੜ੍ਹੀ- ਲੰਬੇ ਵਾਲਾਂ ''ਚ ਚਿਰੰਜੀਵੀ ਨਾਲ ਦਿਖੇ ਅਮਿਤਾਭ, ਪਛਾਣਨਾ ਹੋਇਆ ਔਖਾ
3/30/2018 12:45:22 PM
ਨਵੀਂ ਦਿੱਲੀ(ਬਿਊਰੋ)— ਦੱਖਣੀ ਫਿਲਮ ਇੰਡਸਟਰੀ ਦੇ ਸੁਪਰਸਟਾਰ ਚਿਰੰਜੀਵੀ ਦੀ ਅਗਲੀ ਤੇਲੁਗੁ ਫਿਲਮ 'ਸਈ ਰਾ ਨਰਸਿਮਹਾ ਰੈੱਡੀ' 'ਚ ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਵੀ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਅਮਿਤਾਭ ਨਵੇਂ ਅੰਦਾਜ਼ 'ਚ ਨਜ਼ਰ ਆਉਣਗੇ। ਉਨ੍ਹਾਂ ਨੇ ਇਸ ਫਿਲਮ ਲਈ ਆਪਣਾ ਲੁੱਕ ਇਸ ਕਦਰ ਬਦਲ ਲਿਆ ਹੈ, ਜਿਸ ਦੇਖ ਕੇ ਪਛਾਣਨਾ ਥੋੜਾ ਮੁਸ਼ਕਿਲ ਹੋ ਰਿਹਾ ਹੈ।
ਚਿੱਟੀ ਦਾੜ੍ਹੀ ਤੇ ਲੰਬੇ ਚਿੱਟੇ ਵਾਲਾਂ 'ਚ ਉਹ ਕਾਫੀ ਬੁੱਢੇ ਨਜ਼ਰ ਆ ਰਹੇ ਹਨ। ਅਮਿਤਾਭ ਬੱਚਨ ਨੇ ਇਸ ਲੁੱਕ ਦੀਆਂ ਕਈ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਤੁਸੀਂ ਵੀ ਉਨ੍ਹਾਂ ਦੇ ਨਵੇਂ ਲੁੱਕ ਨੂੰ ਦੇਖ ਸਕਦੇ ਹੋ। ਇੰਨਾਂ ਹੀ ਨਹੀਂ ਫਿਲਮ ਦੀ ਸ਼ੂਟਿੰਗ ਦੌਰਾਨ ਦੀ ਵੀ ਇਕ ਤਸਵੀਰ ਉਨ੍ਹਾਂ ਨੇ ਸ਼ੇਅਰ ਕੀਤੀ ਹੈ, ਜਿਸ 'ਚ ਐਕਟਰ ਚਿਰੰਜੀਵੀ ਤੇ ਅਦਾਕਾਰਾ ਨਾਲ ਯੱਗ/ਹਵਨ ਲਈ ਬੈਠੇ ਹੋਏ ਹਨ।
ਇਸ ਤਸਵੀਰ 'ਚ ਥੋੜ੍ਹਾ ਪਿੱਛੇ ਇਕ ਪਾਸੇ ਅਮਿਤਾਭ ਬੱਚਨ ਵੀ ਨਜ਼ਰ ਆ ਰਹੇ ਹਨ। ਸੀਨ ਦੇਖ ਕੇ ਇਹ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਮਿਥਿਹਾਸ ਕਥਾਵਾਂ 'ਤੇ ਆਧਾਰਿਤ ਇਸ ਫਿਲਮ ਨੂੰ ਲੋਕ ਕਾਫੀ ਪਸੰਦ ਕਰਨਗੇ। ਬਿੱਗ ਬੀ ਨੇ ਇਸ ਟਵੀਟ ਨਾਲ ਲਿਖਿਆ ਹੈ, ''ਮੇਗਾਸਟਾਰ ਚਿਰੰਜੀਵੀ ਨਾਲ ਕੰਮ ਕਰਨਾ ਮੇਰੇ ਲਈ ਸਨਮਾਨ ਦੀ ਗੱਲ ਹੈ।''
ਦੱਸਣਯੋਗ ਹੈ ਕਿ 2 ਦਿਨ ਪਹਿਲਾਂ ਹੀ ਇਸ ਫਿਲਮ ਦੀ ਸ਼ੂਟਿੰਗ ਲਈ ਹੈਦਰਾਬਾਦ ਨਿਕਲਣ ਤੋਂ ਪਹਿਲਾਂ ਅਮਿਤਾਭ ਬੱਚਨ ਨੇ ਇਸ ਬਾਰੇ ਆਪਣੇ ਬਲਾਗ 'ਚ ਜਾਣਕਾਰੀ ਦਿੱਤੀ ਸੀ। ਇਹ ਫਿਲਮ ਰਾਇਲਸੀਮਾ ਦੀ ਸਵਤੰਤਰਤਾ ਸੇਨਾਨੀ ਯੂ ਨਰਸਿਮਹਾ ਰੈੱਡੀ ਦੇ ਜੀਵਨ 'ਤੇ ਆਧਾਰਿਤ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
