''ਗੱਬਰ'' ਦੀ ਧੀ ਕਿਸੇ ਅਭਿਨੇਤਰੀ ਤੋਂ ਨਹੀਂ ਘੱਟ, ਜਲਦ ਕਰੇਗੀ ਫਿਲਮਾਂ ''ਚ ਡੈਬਿਊ
4/20/2018 4:38:15 PM
ਮੁੰਬਈ(ਬਿਊਰੋ)— ਹਿੰਦੀ ਸਿਨੇਮਾ ਦੀ ਇਤਿਹਾਸਕ ਫਿਲਮ 'ਸ਼ੋਅਲੇ' ਦੇ ਬਾਰੇ 'ਚ ਤਾਂ ਹਰ ਕੋਈ ਜਾਣਦਾ ਹੈ ਅਤੇ ਇਸ ਫਿਲਮ ਦੇ ਇਕ-ਇਕ ਕਿਰਦਾਰ ਦੀ ਹਰ ਸ਼ਖਸ ਨੂੰ ਖਬਰ ਹੈ।
ਫਿਲਮ 'ਚ ਖਲਨਾਇਕ 'ਗੱਬਰ' ਤੋਂ ਲੈ ਕੇ ਠਾਕੁਰ, ਜੈਯ, ਵੀਰੂ ਇੱਥੋਂ ਤੱਕ ਕਿ ਫਿਲਮ 'ਚ ਨੌਕਰ ਰਾਮਲਾਲ ਦੇ ਕਿਰਦਾਰ ਅੱਜ ਵੀ ਕਾਫੀ ਮਸ਼ਹੂਰ ਹਨ ਪਰ ਇੱਥੇ ਅਸੀਂ ਗੱਲ ਕਰਾਂਗੇ ਫਿਲਮ 'ਚ ਜ਼ਬਰਦਸਤ ਖਲਨਾਇਕ ਦਾ ਕਿਰਦਾਰ ਨਿਭਾਉਣ ਵਾਲੇ ਐਕਟਰ ਅਮਜ਼ਦ ਖਾਨ ਦੇ ਬਾਰੇ 'ਚ।
ਬਾਲੀਵੁੱਡ 'ਚ ਚਰਚਾ ਹੈ ਕਿ ਅਮਜ਼ਦ ਖਾਨ ਦੀ ਬੇਟੀ ਅਹਿਲਮ ਵੀ ਹੁਣ ਫਿਲਮ ਇੰਡਸਟਰੀ 'ਚ ਕਦਮ ਰੱਖਣ ਵਾਲੀ ਹੈ। ਖਬਰ ਹੈ ਕਿ ਅਹਿਲਮ ਅਦਾਕਾਰਾ ਦੇ ਰੂਪ 'ਚ ਡੈਬਿਊ ਕਰਨਾ ਚਾਹੁੰਦੀ ਹੈ।
ਇੰਨਾ ਹੀ ਨਹੀਂ ਅਹਿਲਮ, ਦੇਸ਼ਪਾਂਡੇ ਦੇ ਨਾਟਕ 'ਮਿਸ ਬਿਊਟੀਫੁੱਲ' 'ਤੇ ਆਧਾਰਿਤ ਫਿਲਮ 'ਮਿਸ ਸੁੰਦਰੀ' 'ਚ ਲੀਡ ਰੋਲ 'ਚ ਦਿਖੇਗੀ।
ਜ਼ਿਕਰਯੋਗ ਹੈ ਕਿ ਅਹਿਲਮ ਕਾਫੀ ਸਮੇਂ ਤੋਂ ਥੀਏਟਰ ਨਾਲ ਵੀ ਜੁੜੀ ਰਹੀ ਹੈ। ਅਹਿਲਮ ਵਿਆਹੁਤਾ ਹੈ ਅਤੇ ਉਨ੍ਹਾਂ ਨੇ 2011 'ਚ ਜ਼ਫਰ ਕਰਾਚੀਵਾਲਾ ਨਾਲ ਵਿਆਹ ਕੀਤਾ ਸੀ।
ਅਮਜ਼ਦ ਖਾਨ ਦੇ 2 ਬੇਟੇ ਵੀ ਹਨ। ਇਨ੍ਹਾਂ 'ਚੋਂ ਇਕ ਸ਼ਾਦਾਬ ਖਾਨ ਬਾਲੀਵੁੱਡ ਦੇ ਫਲਾਪ ਐਕਟਰ ਸਿੱਧ ਹੋਏ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
