ਪਹਿਲਾਂ ਹੀ ਵੱਖ ਹੋ ਚੁੱਕੇ ਸਨ ਅਰਜੁਨ-ਮਿਹਰ, ਦੋਹਾਂ ਬੇਟੀਆਂ ਨੂੰ ਲੈ ਕੇ ਸਾਹਮਣੇ ਆਇਆ ਹੈਰਾਨੀਜਨਕ ਸੱਚ
5/30/2018 5:13:35 PM
ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਅਰਜੁਨ ਰਾਮਪਾਲ ਅਤੇ ਮਿਹਰ ਜੇਸੀਆ ਦੇ ਵੱਖ ਹੋਣ ਨਾਲ ਬਾਲੀਵੁੱਡ 'ਚ ਲੋਕਾਂ ਨੂੰ ਵਧੇਰੇ ਹੈਰਾਨੀ ਨਹੀਂ ਹੋਈ। ਕਈਆਂ ਦਾ ਮੰਨਣਾ ਹੈ ਕਿ ਇਹ ਹੋਣਾ ਹੀ ਸੀ। ਚਾਰੇ ਪਾਸੇ ਇਸ ਖਬਰ ਦੀ ਚਰਚਾ ਕਾਫੀ ਜ਼ੋਰਾਂ 'ਤੇ ਹੈ ਕਿ ਵੱਖ ਹੋਣ ਦਾ ਐਲਾਨ ਭਾਵੇਂ ਹੁਣ ਹੋਇਆ ਹੋਵੇ ਪਰ ਇਹ ਦੋਵੇਂ ਪਿਛਲੇ ਤਿੰਨ ਮਹੀਨਿਆਂ ਤੋਂ ਪੂਰੀ ਤਰ੍ਹਾਂ ਵੱਖ ਰਹਿ ਰਹੇ ਹਨ।
ਦੋਹਾਂ ਦਾ ਫਲੈਟ ਬਾਂਦਰਾ 'ਚ ਹੈ ਪਰ ਤਿੰਨ ਮਹੀਨੇ ਪਹਿਲਾਂ ਹੀ ਅਰਜੁਨ, ਮਿਹਰ ਤੋਂ ਵੱਖ ਹੋ ਚੁੱਕੇ ਸਨ। ਇਸ ਦਾ ਇਹ ਅਰਥ ਲਗਾਇਆ ਜਾ ਰਿਹਾ ਹੈ ਕਿ ਦੋਹਾਂ ਨੇ ਵੱਖ ਹੋਣ ਦਾ ਫੈਸਲਾ ਪਹਿਲਾਂ ਹੀ ਕਰ ਲਿਆ ਸੀ ਪਰ ਐਲਾਨ ਹੁਣ ਕੀਤਾ। ਉੱਥੇ ਦੂਜੇ ਪਾਸੇ ਇਕ ਹੋਰ ਗੱਲ ਸਾਹਮਣੇ ਆ ਰਹੀ ਹੈ ਕਿ ਅਰਜੁਨ ਨੂੰ ਮਿਹਰ ਤੋਂ ਵੱਖ ਹੋਣ 'ਚ ਇੰਨਾ ਸਮਾਂ ਇਸ ਲਈ ਲੱਗਾ, ਕਿਉਂਕਿ ਉਹ ਆਪਣੀਆਂ ਬੇਟੀਆਂ ਦੇ ਮਚਿਓਰ ਹੋਣ ਦੀ ਉਡੀਕ ਕਰ ਰਹੇ ਸਨ।
ਅਰਜੁਨ ਅਤੇ ਮਿਹਰ ਦੀਆਂ 2 ਬੇਟੀਆਂ ਹਨ, ਜਿਨ੍ਹਾਂ ਦਾ ਨਾਂ ਮਾਇਰਾ ਅਤੇ ਮਾਹਿਕਾ ਹੈ। 2014 'ਚ ਸੁਜ਼ੈਨ ਖਾਨ ਨਾਲ ਅਰਜੁਨ ਰਾਮਪਾਲ ਦਾ ਨਾਂ ਜੁੜਣ ਤੋਂ ਬਾਅਦ ਉਨ੍ਹਾਂ ਦੇ ਆਪਣੀ ਪਤਨੀ ਨਾਲ ਰਿਸ਼ਤੇ ਵਿਗੜਦੇ ਗਏ, ਜੋ ਮੁੜ ਸਹਿਜ ਨਹੀਂ ਹੋਏ। ਇਸ ਵਿਚਕਾਰ ਅਰਜੁਨ ਦਾ ਫਿਲਮੀ ਕਰੀਅਰ ਡਗਮਗਾ ਗਿਆ ਅਤੇ ਨਿਰਮਾਤਾ ਦੇ ਰੂਪ 'ਚ ਉਨ੍ਹਾਂ ਦੀ ਪਹਿਲੀ ਫਿਲਮ 'ਡੈਡੀ' ਵੀ ਪਿਛਲੇ ਸਾਲ ਫਲਾਪ ਹੋ ਗਈ।
ਇਸ ਨਾਲ ਉਨ੍ਹਾਂ 'ਤੇ ਕਰਜ਼ਾ ਚੜ੍ਹਣ ਦੀਆਂ ਖਬਰਾਂ ਵੀ ਆਉਂਦੀਆਂ ਰਹੀਆਂ। ਅਰਜੁਨ ਨੇ ਪਿਛਲੇ ਦਿਨੀਂ ਝਾਰਖੰਡ ਦੇ ਇਕ ਨਿਰਮਾਤਾ-ਨਿਰਦੇਸ਼ਕ ਦੀ ਫਿਲਮ ਸਾਈਨ ਕੀਤੀ ਪਰ ਉਹ ਵੀ ਫਿਲਹਾਲ ਅਧੂਰੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ