B'DAY: ਡਿਸਕੋ 'ਚ ਇਕ ਅੰਦਾਜ਼ ਨੇ ਬਦਲ ਦਿੱਤੀ ਸੀ ਅਰਜੁਨ ਰਾਮਪਾਲ ਦੀ ਦੁਨੀਆ
11/26/2018 11:42:18 AM
ਮੁੰਬਈ(ਬਿਊਰੋ)— ਇੰਡਸਟਰੀ ਦੇ ਸੁਪਰਮਾਡਲ, ਪ੍ਰੋਡਿਊਸਰ, ਟੀ.ਵੀ. ਹੋਸਟ ਅਤੇ ਐਕਟਰ ਅਰਜੁਨ ਰਾਮਪਾਲ ਅੱਜ ਆਪਣਾ 46 ਵਾਂ ਜਨਮਦਿਨ ਮਨਾ ਰਹੇ ਹਨ। ਇਕ ਤੋਂ ਵਧ ਇਕ ਫਿਲਮਾਂ 'ਚ ਕੰਮ ਕਰਨ ਦੇ ਨਾਲ-ਨਾਲ ਅਰਜੁਨ ਨੂੰ ਰਾਕ ਆਨ ਫਿਲਮ ਲਈ ਫਿਲਮਫੇਅਰ ਐਵਾਰਡ ਅਤੇ ਬੈਸਟ ਸਪੋਰਟਿੰਗ ਐਕਟਰ ਦਾ ਨੈਸ਼ਨਲ ਐਵਾਰਡ ਵੀ ਮਿਲ ਚੁੱਕਿਆ ਹੈ।
ਅਰਜੁਨ ਦੇ ਪਿਤਾ ਪੰਜਾਬੀ ਅਤੇ ਮਾਂ ਇਕ ਡਚ ਮਹਿਲਾ ਸੀ। ਬਚਪਨ ਵਿਚ ਹੀ ਮਾਤਾ ਪਿਤਾ ਦੇ ਖਰਾਬ ਰਿਸ਼ਤੇ ਕਾਰਨ ਅਰਜੁਨ ਆਪਣੀ ਮਾਂ ਨਾਲ ਰਹਿੰਦੇ ਸਨ ਅਤੇ ਉਸੇ ਸਕੂਲ 'ਚ ਪੜ੍ਹਾਈ ਕਰਦੇ ਸਨ ਜਿੱਥੇ ਉਨ੍ਹਾਂ ਦੀ ਮਾਂ ਟੀਚਰ ਸੀ।
ਅਰਜੁਨ ਨੇ 1998 'ਚ ਮੇਹਰ ਜੇਸਿਆ ਨਾਲ ਵਿਆਹ ਕੀਤਾ ਸੀ ਪਰ 20 ਸਾਲ ਬਾਅਦ ਮਈ 2018 'ਚ ਦੋਵਾਂ ਦਾ ਤਲਾਕ ਹੋ ਗਿਆ। ਉਨ੍ਹਾਂ ਦੀਆਂ ਦੋ ਬੇਟੀਆਂ ਮਾਇਰਾ ਅਤੇ ਮਾਹਿਕਾ ਹਨ।
ਅਰਜੁਨ ਦਾ ਅਫੇਅਰ ਰਿਤਿਕ ਰੋਸ਼ਨ ਦੀ ਸਾਬਕਾ ਪਤਨੀ ਸੁਜ਼ੈਨ ਨਾਲ ਹੋਣ ਦੀ ਅਫਵਾਹ ਵੀ ਉੱਡੀ ਪਰ ਦੋਵਾਂ ਨੇ ਇਸ ਨੂੰ ਨਕਾਰ ਦਿੱਤਾ। ਅਰਜੁਨ ਦੀ ਖੋਜ ਮਸ਼ਹੂਰ ਫ਼ੈਸ਼ਨ ਡਿਜ਼ਾਈਨਰ ਰੋਹਿਤ ਬਲ ਨੇ ਕੀਤੀ ਸੀ, ਜਦੋਂ ਅਰਜੁਨ ਇਕ ਡਿਸਕੋ 'ਚ ਬੈਠੇ ਹੋਏ ਸਨ ਅਤੇ ਉਨ੍ਹਾਂ ਦਾ ਅੰਦਾਜ਼ ਨੂੰ ਦੇਖ ਕੇ ਰੋਹਿਤ ਕਾਫ਼ੀ ਪ੍ਰਭਾਵਿਤ ਹੋਏ ਅਤੇ ਉਨ੍ਹਾਂ ਨੇ ਅਰਜੁਨ ਨੂੰ ਫ਼ੈਸ਼ਨ ਇੰਡਸਟਰੀ 'ਚ ਆਉਣ ਦਾ ਸੱਦਾ ਦਿੱਤਾ। ਅਰਜੁਨ ਨੇ ਐਕਟਿੰਗ ਤੋਂ ਪਹਿਲਾਂ ਮਾਡਲਿੰਗ ਦਾ ਕਰੀਅਰ ਚੁਣਿਆ ਸੀ।
ਸਾਲ 2001 'ਚ ਰਾਜੀਵ ਰਾਏ ਦੀ ਫਿਲਮ 'ਪਿਆਰ ਇਸ਼ਕ ਓਰ ਮੁਹੱਬਤ' ਨਾਲ ਅਰਜੁਨ ਨੇ ਐਕਟਿੰਗ ਕਰੀਅਰ ਦੀ ਸ਼ੁਰੁਆਤ ਕੀਤੀ। ਇਸ ਫਿਲਮ ਨਾਲ ਅਰਜੁਨ ਨੇ ਕ੍ਰਿਟਿਕਸ ਦੇ ਨਾਲ-ਨਾਲ ਦਰਸ਼ਕਾਂ ਦਾ ਦਿਲ ਵੀ ਜਿੱਤ ਲਿਆ। ਅਰਜੁਨ ਦੀ ਦੂਜੀ ਫਿਲਮ 'ਦੀਵਾਨਾਪਨ' ਸੀ ਜਿਸ 'ਚ ਉਨ੍ਹਾਂ ਨਾਲ ਅਦਾਕਾਰਾ ਦੀਆ ਮਿਰਜ਼ਾ ਨੇ ਕੰਮ ਕੀਤਾ, ਫਿਲਮ ਤਾਂ ਅਸਫਲ ਰਹੀ ਪਰ ਐਕਟਿੰਗ ਨੂੰ ਸ਼ਾਬਾਸ਼ੀ ਮਿਲੀ।
ਇਨ੍ਹੀਂ ਦਿਨੀਂ ਇਹ ਖਬਰਾਂ ਹਨ ਕਿ ਪਤਨੀ ਤੋਂ ਵੱਖ ਹੋਣ ਤੋਂ ਬਾਅਦ ਅਰਜੁਨ ਰਾਮਪਾਲ ਆਪਣੀ ਵਿਦੇਸ਼ੀ ਗਰਲਫਰੈਂਡ ਗੈਬਰੀਲਾ ਨਾਲ ਰਿਲੇਸ਼ਨਸ਼ਿਪ 'ਚ ਹਨ। ਪਿਛਲੇ ਦਿਨੀਂ ਖਬਰ ਸੀ ਕਿ ਦੋਵੇਂ ਇਕੱਠੇ 'ਚ ਯੂਰਪ ਹਾਲੀਡੇ 'ਤੇ ਗਏ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
