ਸ਼ਹਿਨਾਜ਼ ਤੇ ਆਰਤੀ ਨੂੰ ਸਿਧਾਰਥ ਨੇ ਦਿੱਤਾ ਧੋਖਾ, ਨੌਮੀਨੇਸ਼ਨ ਤੋਂ ਬਚੇ ਪਾਰਸ ਦੇ ਨਿਕਲੇ ਹੰਝੂ (ਵੀਡੀਓ)
2/7/2020 1:59:20 PM
ਜਲੰਧਰ (ਬਿਊਰੋ) : ਕੱਲ੍ਹ ਰਾਤ ਦੇ ਐਪੀਸੋਡ 'ਚ 'ਬਿੱਗ ਬੌਸ 13' 'ਚ ਨੌਮੀਨੇਸ਼ਨ ਤੋਂ ਬਚ ਕੇ ਆਸਿਮ ਰਿਆਜ਼, ਸਿਧਾਰਥ ਸ਼ੁਕਲਾ ਤੇ ਰਸ਼ਮੀ ਦੇਸਾਈ ਸੁਰੱਖਿਅਤ ਕੰਟੈਸਟੈਂਟ ਬਣ ਗਏ ਹਨ ਕਿਉਂਕਿ ਉਨ੍ਹਾਂ ਨੇ ਇਮਿਊਨਟੀ ਟਾਸਕ ਜਿੱਤ ਲਿਆ ਹੈ। ਉੱਥੇ ਹੀ ਪਾਰਸ ਛਾਬੜਾ, ਮਾਹਿਰਾ ਸ਼ਰਮਾ, ਸ਼ਹਿਨਾਜ਼ ਗਿੱਲ ਤੇ ਆਰਤੀ ਸਿੰਘ ਨੌਮੀਨੇਟ ਹੋ ਗਏ ਹਨ। ਅੱਜ ਦੇ ਐਪੀਸੋਡ ਦੇ ਟੀਜ਼ਰ 'ਚ ਨਜ਼ਰ ਆ ਰਿਹਾ ਹੈ ਕਿ ਬਿੱਗ ਬੌਸ ਕਹਿੰਦੇ ਹਨ ਕਿ ਨੌਮੀਨੇਟ ਹੋਏ ਕੰਟੈਸਟੈਂਟਸ ਨੂੰ ਸੁਰੱਖਿਅਤ ਹੋਣ ਲਈ ਦੂਜਾ ਮੌਕਾ ਮਿਲੇਗਾ। ਇਸ ਦੇ ਲਈ ਸੁਰੱਖਿਅਤ ਹੋ ਚੁੱਕੇ ਤਿੰਨੇ ਕੰਟੈਸਟੈਂਟਸ ਆਸਿਮ ਰਿਆਜ਼, ਸਿਧਾਰਥ ਸ਼ੁਕਲਾ ਤੇ ਰਸ਼ਮੀ ਦੇਸਾਈ ਨੂੰ ਇਕ ਨੌਮੀਨੇਟਿਡ ਕੰਟੈਸਟੈਂਟ ਨੂੰ ਚੁਣਨਾ ਹੈ, ਜਿਸ ਨੂੰ ਉਹ ਸੁਰੱਖਿਅਤ ਕਰਨਾ ਚਾਹੁੰਦੇ ਹਨ।
ਸਿਧਾਰਥ ਸ਼ੁਕਲਾ ਜਿੱਤ ਜਾਂਦੇ ਹਨ ਟਾਸਕ
ਇਸ ਟਾਸਕ ਦੌਰਾਨ ਸਿਧਾਰਥ ਸ਼ੁਕਲਾ ਕਹਿੰਦੇ ਹਨ ਕਿ ਉਹ ਪਾਰਸ ਛਾਬੜਾ ਨੂੰ ਚੁਣਨਾ ਚਾਹੁੰਦਾ ਹੈ। ਉਹ ਅਜਿਹਾ ਇਸ ਲਈ ਕਰਦੇ ਹਨ ਕਿਉਂਕਿ ਪਾਰਸ ਨੇ ਵੀ ਉਨ੍ਹਾਂ ਨੂੰ ਇਕ ਵਾਰ ਬਚਾਇਆ ਸੀ। ਆਸਿਮ ਰਿਆਜ਼, ਆਰਤੀ ਸਿੰਘ ਦਾ ਨਾਂ ਲੈਂਦੇ ਹਨ ਕਿਉਂਕਿ ਬਿੱਗ ਬੌਸ ਦੇ ਇਸ ਸੀਜ਼ਨ ਦੀ ਸ਼ੁਰੂਆਤ ਤੋਂ ਉਹ ਉਨ੍ਹਾਂ ਦੀ ਚੰਗੀ ਦੋਸਤ ਹੈ। ਉੱਥੇ ਹੀ ਰਸ਼ਮੀ ਦੇਸਾਈ ਸ਼ਹਿਨਾਜ਼ ਗਿੱਲ ਨੂੰ ਬਚਾਉਣ ਲਈ ਚੁਣਦੀ ਹੈ। ਇਸ ਟਾਸਕ ਦੌਰਾਨ ਸਿਧਾਰਥ ਸ਼ੁਕਲਾ ਆਸਿਮ ਨੂੰ ਹਰਾ ਦਿੰਦੇ ਹਨ ਤੇ ਪਾਰਸ ਛਾਬੜਾ ਨੂੰ ਬਚਾ ਲੈਂਦੇ ਹਨ। ਇਸ ਗੱਲ ਤੋਂ ਆਸਿਮ ਰਿਆਜ਼ ਚਿੜ੍ਹ ਜਾਂਦਾ ਹੈ।
ਸ਼ੁਰੂ ਹੁੰਦਾ ਹੈ ਇਮੋਸ਼ਨਲ ਹੋਣ ਦਾ ਸਿਲਸਿਲਾ
ਸਿਧਾਰਥ ਸ਼ੁਕਲਾ ਤੇ ਆਸਿਮ ਰਿਆਜ਼ 'ਚ ਜ਼ੁਬਾਨੀ ਲੜਾਈ ਹੋਣ ਲੱਗਦੀ ਹੈ। ਆਸਿਮ, ਸਿਧਾਰਥ ਸ਼ੁਕਲਾ 'ਤੇ ਚੀਕਦੇ ਹਨ ਤੇ ਉਹ ਸਿਧਾਰਥ ਨੂੰ ਧੋਖੇਬਾਜ਼ ਕਹਿੰਦਾ ਹੈ ਕਿਉਂਕਿ ਸਿਧਾਰਥ, ਆਰਤੀ ਤੇ ਸ਼ਹਿਨਾਜ਼ ਨੂੰ ਨਹੀਂ ਬਚਾਉਂਦਾ। ਆਸਿਮ ਕਹਿੰਦਾ ਹੈ ਕਿ ਇਸ ਲਈ ਸਿਧਾਰਥ ਸ਼ੁਕਲਾ ਦਾ ਘਰ ਅੰਦਰ ਕੋਈ ਦੋਸਤ ਨਹੀਂ ਹੈ।
ਫਿਰ ਸ਼ਹਿਨਾਜ਼ ਗਿੱਲ ਆਸਿਮ ਨੂੰ ਕਹਿੰਦਾ ਹੈ ਕਿ ਉਹ ਦਖਲ ਨਾ ਦੇਵੇ। ਮੈਨੂੰ ਪੂਰਾ ਭਰੋਸਾ ਹੈ ਕਿ ਦਰਸ਼ਕ ਮੈਨੂੰ ਬਚਾ ਲੈਣਗੇ। ਉੱਥੇ ਹੀ ਸਿਧਾਰਥ ਵੱਲੋਂ ਬਚਾਏ ਜਾਣ 'ਤੇ ਪਾਰਸ ਭਾਵੁਕ ਹੋ ਜਾਂਦਾ ਹੈ ਤੇ ਰੋਣ ਲੱਗ ਜਾਂਦਾ ਹੈ। ਆਰਤੀ ਸਿੰਘ ਵੀ ਇਮੋਸ਼ਨਲ ਹੋ ਜਾਂਦੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
