ਬੀ ਪਰਾਕ ਦੀ ਹੋਈ ਰਿੰਗ ਸੈਰਾਮਨੀ, ਤਸਵੀਰਾਂ ਤੇ ਵੀਡੀਓਜ਼ ਆਈਆਂ ਸਾਹਮਣੇ
4/4/2019 4:56:19 PM
ਜਲੰਧਰ (ਬਿਊਰੋ)— ਪੰਜਾਬੀ ਮਿਊਜ਼ਿਕ ਡਾਇਰੈਕਟਰ ਤੇ ਗਾਇਕ ਬੀ ਪਰਾਕ ਦੀ ਬੁੱਧਵਾਰ ਯਾਨੀ ਕਿ 3 ਅਪ੍ਰੈਲ ਨੂੰ ਰਿੰਗ ਸੈਰਾਮਨੀ ਹੋਈ। ਬੀ ਪਰਾਕ ਅੱਜ ਯਾਨੀ ਕਿ 4 ਅਪ੍ਰੈਲ ਨੂੰ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੇ ਹਨ।
ਬੀ ਪਰਾਕ ਦੇ ਵਿਆਹ ਦੀ ਖਬਰ ਉਦੋਂ ਸਾਹਮਣੇ ਆਈ ਸੀ, ਜਦੋਂ ਉਹ ਮਨਕੀਰਤ ਔਲਖ ਦੇ ਘਰ ਵਿਆਹ ਦਾ ਕਾਰਡ ਦੇਣ ਗਏ ਸਨ।
ਰਿੰਗ ਸੈਰਾਮਨੀ ਤੋਂ ਬਾਅਦ ਪੰਜਾਬੀ ਸੰਗੀਤ ਤੇ ਫਿਲਮ ਜਗਤ ਦੇ ਸਿਤਾਰਿਆਂ ਲਈ ਬੀ ਪਰਾਕ ਨੇ ਗਰੈਂਡ ਪਾਰਟੀ ਦਾ ਆਯੋਜਨ ਕੀਤਾ। ਇਸ ਪਾਰਟੀ ਦੀਆਂ ਵੀਡੀਓਜ਼ ਬੀ ਪਰਾਕ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟਸ 'ਤੇ ਸ਼ੇਅਰ ਕੀਤੀਆਂ ਹਨ।
ਬੀ ਪਰਾਕ ਦੀ ਇਸ ਪਾਰਟੀ 'ਚ ਮਨਕੀਰਤ ਔਲਖ, ਸੁੱਖੀ, ਐਮੀ ਵਿਰਕ, ਮਨਿੰਦਰ ਬੁੱਟਰ, ਹਾਰਡੀ ਸੰਧੂ, ਫਿਰੋਜ਼ ਖਾਨ, ਸਰਦੂਲ ਸਿਕੰਦਰ, ਬੱਬਲ ਰਾਏ ਸਮੇਤ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
ਦੱਸਣਯੋਗ ਹੈ ਕਿ ਬੀ ਪਰਾਕ ਦਾ ਮਿਊਜ਼ਿਕ ਇੰਡਸਟਰੀ 'ਚ ਸਟ੍ਰਗਲ ਕਾਫੀ ਲੰਮਾ ਹੈ। ਬੀ ਪਰਾਕ ਨੂੰ ਹਾਰਡੀ ਸੰਧੂ ਵਲੋਂ ਗਾਏ ਗੀਤ 'ਸੋਚ' ਰਾਹੀਂ ਮਿਊਜ਼ਿਕ ਡਾਇਰੈਕਟਰ ਵਜੋਂ ਪਛਾਣ ਮਿਲੀ। ਇਸ ਤੋਂ ਬਾਅਦ ਬੀ ਪਰਾਕ ਨੇ ਕਈ ਹਿੱਟ ਪੰਜਾਬੀ ਗੀਤਾਂ ਨੂੰ ਸੰਗੀਤ ਦਿੱਤਾ।
ਮਿਊਜ਼ਿਕ ਦੇਣ ਤੋਂ ਬਾਅਦ ਬੀ ਪਰਾਕ ਨੇ 2017 'ਚ ਆਏ ਗੀਤ 'ਮਨ ਭਰਿਆ' ਨਾਲ ਆਪਣੇ ਗਾਇਕੀ ਸਫਰ ਦੀ ਸ਼ੁਰੂਆਤ ਕੀਤੀ। ਹਾਲਾਂਕਿ ਇਸ ਤੋਂ ਪਹਿਲਾਂ ਬੀ ਪਰਾਕ ਗੀਤਾਂ 'ਚ ਰੈਪ ਵੀ ਕਰਦੇ ਸਨ।
ਬੀ ਪਰਾਕ ਪਹਿਲੇ ਪੰਜਾਬੀ ਮਿਊਜ਼ਿਕ ਡਾਇਰੈਕਟਰ ਹਨ, ਜਿਨ੍ਹਾਂ ਵਲੋਂ ਸੰਗੀਤ ਦਿੱਤੇ ਗੀਤਾਂ ਦੇ ਯੂਟਿਊਬ 'ਤੇ 1500 ਮਿਲੀਅਨ ਤੋਂ ਵੱਧ ਵਿਊਜ਼ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ