ਨਵੀਆਂ ਤਸਵੀਰਾਂ 'ਚ ਦੇਖੋ ਬੱਬਲ ਰਾਏ ਦੀ ਘੈਂਟ ਲੁੱਕ
5/6/2019 5:04:26 PM
ਜਲੰਧਰ (ਬਿਊਰੋ)- ਪੰਜਾਬੀ ਗਾਇਕ ਤੇ ਅਦਾਕਾਰ ਬੱਬਲ ਰਾਏ ਤਾਂ ਆਪਣੀ ਲੁੱਕ ਤੇ ਸਟਾਇਲ ਕਰਕੇ ਹਮੇਸ਼ਾ ਚਰਚਾ 'ਚ ਰਹਿੰਦੇ ਹਨ। ਇਹੀ ਕਾਰਨ ਹਨ ਕਿ ਲੋਕ ਉਨ੍ਹਾਂ ਦੇ ਵੱਡੇ ਫੈਨ ਹਨ। ਬੱਬਲ ਰਾਏ ਆਪਣੇ ਹਿੱਟ ਗੀਤਾਂ ਰਾਹੀਂ ਹਮੇਸ਼ਾ ਚਰਚਾ 'ਚ ਰਹਿੰਦੇ ਹਨ ।
ਪਰ ਇਸ ਵਾਰ ਚਰਚਾ ਉਨ੍ਹਾਂ ਦੇ ਗੀਤਾਂ ਨੂੰ ਲੈ ਕੇ ਨਹੀਂ ਹੈ ਸਗੋਂ ਉਨ੍ਹਾਂ ਦੇ ਨਵੇਂ ਫੋਟੋਸ਼ੂਟ ਬਾਰੇ ਹੈ। ਫੋਟੋਸ਼ੂਟ ਦੌਰਾਨ ਬੱਬਲ ਕਾਫੀ ਹੈਂਡਸਮ ਨਜ਼ਰ ਆ ਰਹੇ ਹਨ। ਆਪਣੇ ਇਸ ਫੋਟੋਸ਼ੂਟ ਦੀਆਂ ਤਸਵੀਰਾਂ ਬੱਬਲ ਹਰ ਦੋ-ਤਿੰਨ ਦਿਨਾਂ ਬਾਅਦ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕਰ ਰਹੇ ਹਨ।
ਜਿਸ 'ਤੇ ਉਨ੍ਹਾਂ ਦੇ ਫੈਨਜ਼ ਵਧੀਆ-ਵਧੀਆ ਕੁਮੈਂਟ ਕਰ ਰਹੇ ਹਨ।ਪੰਜਾਬੀ ਗਾਇਕੀ 'ਚ ਹਮੇਸ਼ਾ ਸਰਗਰਮ ਰਹਿਣ ਵਾਲੇ ਬੱਬਲ ਰਾਏ ਦਾ ਕੁਝ ਸਮਾਂ ਪਹਿਲਾਂ ਹੀ ਗੀਤ 'ਮੈਂ ਤੇਰਾ ਅਕਸ਼ੈ' ਰਿਲੀਜ਼ ਹੋਇਆ ਸੀ। ਜਿਸ ਨੂੰ ਸਰੋਤਿਆ ਵੱਲੋਂ ਖੂਬ ਪਸੰਦ ਕੀਤਾ ਗਿਆ। ਇਸ ਤੋਂ ਇਲਾਵਾ ਬੱਬਲ ਦੇ ਕਈ ਹਿੱਟ ਗੀਤ ਜਿਵੇਂ 'ਤੇਰੇ ਲਈ','ਸੋਨੀ','ਡਰੀਮ ਬੁਆਏ' ਕਾਫੀ ਹਿੱਟ ਰਹੇ ਹਨ।
ਗਾਇਕੀ ਦੇ ਨਾਲ-ਨਾਲ ਬੱਬਲ ਪੰਜਾਬੀ ਫਿਲਮ ਇੰਡਸਟਰੀ 'ਚ ਸਰਗਰਮ ਰਹੇ ਹਨ।'ਮਿਸਟਰ ਐਂਡ ਮਿਸਿਜ਼ 420, 'ਸਰਘੀ' 'ਓ ਮਾਈ ਪਿਉ' ਤੇ 'ਦਿਲਦਾਰੀਆਂ' ਬੱਬਲ ਦੀਆਂ ਹੁਣ ਤੱਕ ਦੀਆਂ ਰਿਲੀਜ਼ ਹੋਈਆ ਪੰਜਾਬੀ ਫਿਲਮਾਂ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
