ਬਿੱਗ ਬੌਸ 12 : ਸੋਮੀ ਨੇ ਜਸਲੀਨ ਦੇ ਚਰਿੱਤਰ ''ਤੇ ਚੁੱਕੀ ਉਂਗਲੀ, ਗੁੱਸੇ ''ਚ ਮੇਘਾ ਨੇ ਦੀਪਕ ਦੇ ਮਾਰੀ ''ਜੁੱਤੀ''

ਮੁੰਬਈ(ਬਿਊਰੋ)— ਟੀ. ਵੀ. ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਦੇ ਘਰ ਲਗਾਤਾਰ ਹੰਗਾਮਾ ਦੇਖਣ ਨੂੰ ਮਿਲ ਰਿਹਾ ਹੈ। ਘਰਵਾਲਿਆਂ 'ਚ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਲੜਾਈ ਛਿੜੀ ਹੀ ਰਹਿੰਦੀ ਹੈ। ਲਗਜ਼ਰੀ ਬਜਟ ਟਾਸਕ ਦੌਰਾਨ 'ਬਿੱਗ ਬੌਸ' ਨੇ ਘਰਵਾਲਿਆਂ ਨੂੰ ਟੀਮ ਬਲਿਊ ਤੇ ਟੀਮ ਰੈੱਡ 'ਚ ਵੰਡ ਦਿੱਤਾ ਸੀ। ਇਕ ਪਾਸੇ ਜਿਥੇ ਹੈਪੀ ਕਲੱਬ ਰੋਮਿਲ, ਦੀਪਕ, ਸੁਰਭੀ, ਸੋਮੀ ਤੇ ਕਰਨਵੀਰ ਬੋਹਰਾ ਟੀਮ ਰੈੱਡ ਲਈ ਖੇਡ ਰਹੇ ਸਨ, ਉਥੇ ਹੀ ਦੂਜੇ ਪਾਸੇ ਸ਼੍ਰੀਸੰਤ, ਰੋਹਿਤ, ਜਸਲੀਨ, ਮੇਘਾ ਤੇ ਦੀਪਿਕਾ ਟੀਮ ਬਲਿਊ ਦਾ ਹਿੱਸੇ ਬਣੇ ਸਨ।

ਲਗਜ਼ਰੀ ਬਜਟ ਟਾਸਕ ਦੌਰਾਨ ਰੋਹਿਤ ਨੇ ਆਪਣੀ ਟੀਮ ਨੂੰ ਧੋਖਾ ਦਿੰਦੇ ਹੋਏ ਟੀਮ ਰੈੱਡ 'ਚ ਚਲੇ ਗਏ ਸਨ। ਰੋਹਿਤ ਦੇ ਇਸ ਹਰਕਤ 'ਤੇ ਮੇਘਾ ਨੂੰ ਕਾਫੀ ਗੁੱਸਾ ਆਇਆ ਸੀ ਪਰ ਰੋਹਿਤ ਦਾ ਬਚਾਅ ਕਰਨ ਲਈ ਦੀਪਕ ਅੱਗੇ ਆਏ ਤੇ ਉਨ੍ਹਾਂ ਨੇ ਮੇਘਾ ਨਾਲ ਲੜਾਈ ਕਰ ਲਈ।

ਟਾਸਕ ਖਤਮ ਹੋ ਚੁੱਕਾ ਹੈ ਤਾਂ ਮੇਘਾ, ਦੀਪਕ ਤੋਂ ਲਗਜ਼ਰੀ ਬਜਟ ਟਾਸਕ ਦਾ ਬਦਲਾ ਲੈਣਾ ਚਾਹੁੰਦੀ ਹੈ। ਬਦਲਾ ਲੈਣ ਲਈ ਮੇਘਾ ਨੇ ਸਾਰੀਆਂ ਹੱਦਾਂ ਪਾਰ ਕਰਦੇ ਹੋਏ ਦੀਪਕ 'ਤੇ ਛਿੱਤਰ (ਜੁੱਤੀ) ਨਾਲ ਹਮਲਾ ਕੀਤਾ। ਅਜਿਹੇ 'ਚ ਘਰਵਾਲਿਆਂ ਨੇ ਦੋਵਾਂ ਦੀ ਲੜਾਈ ਰੁਕਵਾਈ ਤੇ ਦੀਪਕ ਵੀ ਗੁੱਸੇ ਮਾਈਕ ਸੁੱਟਦੇ ਦਿਸੇ।

ਦੱਸ ਦੇਈਏ ਕਿ ਇਸ ਟਾਸਕ 'ਚ ਸੁਰਭੀ ਨੇ ਬਾਜੀ ਮਾਰ ਕੇ ਘਰ ਦੀ ਨਵੀਂ ਕਪਤਾਨ ਬਣ ਗਈ ਹੈ। ਉਥੇ ਹੀ ਇਸ ਟਾਸਕ 'ਚ ਜਸਲੀਨ ਤੇ ਸੋਮੀ 'ਚ ਕੈਟ ਫਾਈਟ ਦੇਖਣ ਨੂੰ ਮਿਲੀ। ਸ਼ੋਅ 'ਚ ਜਸਲੀਨ ਤੇ ਸੋਮੀ ਬੁਰੀ ਤਰ੍ਹਾਂ ਲੜਦੀਆਂ ਨਜ਼ਰ ਆ ਰਹੀਆਂ ਹਨ। ਸੋਮੀ ਘਰਵਾਲਿਆਂ ਸਾਹਮਣੇ ਜਸਲੀਨ ਦੇ ਚਰਿੱਤਰ 'ਤੇ ਉਂਗਲੀ ਚੁੱਕਦੀ ਹੈ। ਅਜਿਹੇ 'ਚ ਜਸਲੀਨ ਨੇ ਸੋਮੀ 'ਤੇ ਪਲਟ ਕੇ ਵਾਰ ਕਰਦੇ ਹੋਏ ਕਿਹਾ ਉਸ ਦਾ ਕੋਈ ਵਜੂਦ ਨਹੀਂ ਹੈ ਤੇ ਹੈਪੀ ਕਲੱਬ ਦੀ ਬਦੌਲਤ ਹੀ ਉਹ ਸ਼ੋਅ 'ਚ ਟਿਕੀ ਹੋਈ ਹੈ।

ਉਥੇ ਦੀਪਿਕਾ ਕੱਕੜ ਨੇ ਇਸ ਲੜਾਈ ਨੂੰ ਰੋਕਣ ਲਈ ਕਾਫੀ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਸ਼੍ਰੀਸੰਤ ਨੇ ਵੀ ਰਿਪੋਰਟਰ ਤੇ ਕੈਪਟੇਂਸੀ ਦੀ ਦਾਅਵੇਦਾਰ ਸੁਰਭੀ ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਨਾਲ ਜੁੜਿਆ ਇਕ ਕਿੱਸਾ ਵੀ ਸ਼ੇਅਰ ਕੀਤਾ। ਦਰਅਸਲ ਸਾਲ 2008 'ਚ ਆਈ. ਪੀ. ਐੱਲ. ਦੇ ਪਹਿਲੇ ਸੀਜ਼ਨ 'ਚ ਸ਼੍ਰੀਸੰਤ ਤੇ ਕ੍ਰਿਕਟਰ ਹਰਭਜਨ ਸਿੰਘ 'ਚ ਕਾਫੀ ਲੜਾਈ ਹੋਈ ਸੀ। 

ਦਰਅਸਲ ਮੁੰਬਈ ਇੰਡੀਅਨਜ਼ ਵਲੋਂ ਖੇਡਦੇ ਹੋਏ ਹਰਭਜਨ ਸਿੰਘ ਨੇ ਕਿੰਗਜ਼ ਇਲੈਵਨ ਪੰਜਾਬ ਵੱਲੋਂ ਖੇਡ ਰਹੇ ਸ਼੍ਰੀਸੰਤ ਨੂੰ ਥੱਪੜ ਮਾਰ ਦਿੱਤਾ ਸੀ, ਜਿਸ ਤੋਂ ਬਾਅਦ ਸ਼੍ਰੀਸੰਤ 'ਤੇ ਰੌਣ ਲੱਗੇ ਸਨ। ਇਸ ਥੱਪੜ 'ਤੇ ਕਾਫੀ ਵਿਵਾਦ ਵੀ ਹੋਇਆ ਸੀ ਅਤੇ ਹਰਭਜਨ ਨੂੰ ਕੁਝ ਮੈਚਾਂ ਲਈ ਪ੍ਰਤੀਬੰਧ ਵੀ ਝੱਲਣਾ ਪਿਆ ਸੀ।

ਹਾਲਾਂਕਿ ਭੱਜੀ ਨੇ ਉਸ ਸਮੇਂ ਆਪਣੇ ਇਸ ਵਿਵਹਾਰ ਲਈ ਮੁਆਫੀ ਵੀ ਮੰਗੀ ਲਈ ਸੀ। ਇੰਨਾਂ ਹੀ ਨਹੀਂ ਇਸ ਨੂੰ ਭੱਜੀ ਆਪਣੀ ਕਰੀਅਰ ਦੀ ਵੱਡੀ ਗਲਤੀ ਮੰਨਦੇ ਹਨ। ਮੈਚ ਤੋਂ ਬਾਅਦ ਜਦੋਂ ਉਹ ਭੱਜੀ ਨਾਲ ਹੱਥ ਮਿਲਾਉਣ ਲਈ ਅੱਗੇ ਵਧੇ ਤਾਂ ਭੱਜੀ ਨੇ ਹੱਥ ਨਾ ਮਿਲਾ ਕੇ ਉਲਟੇ ਹੱਥ ਨਾਲ ਉਨ੍ਹਾਂ ਦੀ ਗੱਲ 'ਤੇ ਮਾਰਿਆ, ਉਨ੍ਹਾਂ ਨੇ ਕਿਹਾ ਕਿ ਥੱਪੜ ਸਿੱਧੇ ਹੱਥ ਨਾਲ ਮਾਰਿਆ ਜਾਂਦਾ ਹੈ, ਨਾ ਕੀ ਉਲਟੇ ਹੱਥ ਨਾਲ ਅਤੇ ਇਸਨੂੰ ਥੱਪੜ ਨਹੀਂ ਕਿਹਾ ਜਾ ਸਕਦਾ।