ਬਿੱਗ ਬੌਸ 12 : ਕਪਤਾਨ ਬਣਦੇ ਹੀ ਸੁਰਭੀ ਨੇ ਬਦਲੇ ਤੇਵਰ, ਜੇਲ ''ਚ ਟੁੱਟਿਆ ਜਸਲੀਨ ਦਾ ਸਬਰ
11/24/2018 11:32:02 AM
ਮੁੰਬਈ(ਬਿਊਰੋ)— ਟੀ. ਵੀ. ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' 'ਚ ਇਸ ਹਫਤੇ ਕਾਫੀ ਹੰਗਾਮਾ ਦੇਖਣ ਨੂੰ ਮਿਲਿਆ। ਘਰਵਾਲਿਆਂ 'ਚ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਲੜਾਈ ਛਿੜ ਹੀ ਜਾਂਦੀ ਹੈ। ਬੀਤੇ ਐਪੀਸੋਡ ਦੀ ਗੱਲ ਕਰੀਏ ਤਾਂ ਕੱਲ ਘਰ 'ਚ ਕਾਫੀ ਲੜਾਈ ਹੋਈ। ਦਰਅਸਲ 'ਚ ਹਮੇਸ਼ਾ ਸ਼ਾਂਤ ਰਹਿਣ ਵਾਲੀ ਜਸਲੀਨ ਮਥਾਰੂ ਨੇ ਕੱਲ ਘਰ 'ਚ ਕਾਫੀ ਹੰਗਾਮਾ ਕੀਤਾ। ਕਪਤਾਨ ਬਣਨ ਤੋਂ ਬਾਅਦ ਸੁਰਭੀ ਆਪਣੀ ਅਸਲੀ ਰੰਗ ਘਰਵਾਲਿਆਂ ਨੂੰ ਦਿਖਾ ਰਹੀ ਹੈ ਅਤੇ ਯੂ-ਟਰਨ ਮਾਰਦੇ ਹੋਏ ਦੀਪਿਕਾ ਨੂੰ ਕਾਲ ਕੋਠਰੀ ਦਾ ਰਸਤਾ ਦਿਖਾ ਚੁੱਕੀ ਹੈ।
ਇਸ ਤੋਂ ਬਾਅਦ ਸਾਰੇ ਘਰਵਾਲੇ ਸੁਰਭੀ ਨੂੰ ਆਪਣਾ ਨਿਸ਼ਾਨਾ ਬਣਾ ਰਹੇ ਹਨ। ਹਾਲਾਂਕਿ ਘਰਵਾਲਿਆਂ ਤੋਂ ਹਟਕੇ ਜਸਲੀਨ ਸੁਰਭੀ ਦੇ ਫੈਸਲੇ ਤੋਂ ਇੰਨਾ ਗੁੱਸੇ ਹੋ ਗਈ ਹੈ ਕਿ ਉਸ ਨੇ ਘਰ 'ਚ ਬਵਾਲ ਮਚਾ ਦਿੱਤਾ ਹੈ।
ਸੁਰਭੀ ਦੇ ਫੈਸਲੇ ਨਾਲ ਜਸਲੀਨ ਕਾਫੀ ਦੁੱਖੀ ਹੋ ਗਈ ਹੈ। ਜਸਲੀਨ ਸੁਰਭੀ ਨੂੰ ਆਖਦੀ ਹੈ ਕਿ ਤੂੰ ਆਪਣੀ ਸ਼ਕਤੀ (ਪਾਵਰ) ਦਾ ਗਲਤ ਇਸਤੇਮਾਲ ਕਰ ਰਹੀ ਹੈ। ਮੈਨੂੰ ਤੇਰੇ ਤੋਂ ਇਹ ਉਮੀਦ ਨਹੀਂ ਸੀ।
ਆਪਣੇ ਦੋਸਤ ਦਾ ਨਾਂ ਲੈਂਦੇ ਤੈਨੂੰ ਤਕਲੀਫ ਹੋ ਰਹੀ ਸੀ ਤੇ ਤੂੰ ਮੇਰਾ ਨਾਂ ਲੈ ਲਿਆ। ਦੀਪਕ ਨੂੰ ਵੀ ਜੇਲ ਜਾਣਾ ਚਾਹੀਦਾ ਸੀ। ਜੇਲ ਜਾਣ ਤੋਂ ਬਾਅਦ ਜਸਲੀਨ ਦਾ ਸਬਰ ਟੁੱਟ ਗਿਆ ਤੇ ਉਹ ਫੁੱਟ-ਫੁੱਟ ਕੇ ਰੋਣ ਲੱਗ ਜਾਂਦੀ।
ਜਸਲੀਨ ਦਾ ਇਹ ਹਾਲ ਦੇਖ ਕੇ ਦੀਪਿਕਾ ਉਸ ਨੂੰ ਸਮਝਾਉਂਦੀ ਹੈ ਪਰ ਜਸਲੀਨ ਨੇ ਕਿਸੇ ਦੀ ਕੋਈ ਗੱਲ ਨਾ ਸੁਣੀ। ਉਹ ਰੋ-ਰੋ ਕੇ ਸੁਰਭੀ 'ਤੇ ਗੁੱਸਾ ਕੱਢਦੀ ਹੋਈ ਆਖਦੀ ਹੈ ਕਿ ਸੁਰਭੀ ਨੇ ਗਲਤ ਕੀਤਾ।
ਮੈਨੂੰ ਜੇਲ ਨਹੀਂ ਜਾਣਾ ਚਾਹੀਦਾ ਸੀ ਸਗੋਂ ਦੀਪਕ ਜੇਲ ਦੀ ਸਜ਼ਾ ਦਾ ਹਕਦਾਰ ਸੀ। ਜਸਲੀਨ ਦੇ ਨਾਲ-ਨਾਲ ਦੀਪਿਕਾ ਨੇ ਵੀ ਸੁਰਭੀ 'ਤੇ ਆਪਣਾ ਗੁੱਸਾ ਕੱਢਦੇ ਹੋਏ ਕਿਹਾ, ''ਤੁਸੀਂ ਹਮੇਸ਼ਾ ਸਹੀਂ ਨੂੰ ਸਹੀਂ ਤੇ ਗਲਤ ਨੂੰ ਗਲਤ ਆਖਦੀ ਹੈ ਤਾਂ ਹੁਣ ਤੈਨੂੰ ਨਹੀਂ ਲੱਗ ਰਿਹਾ ਕਿ ਦੀਪਕ ਨੂੰ ਵੀ ਜੇਲ ਦੀ ਸਜ਼ਾ ਮਿਲਣੀ ਚਾਹੀਦੀ ਸੀ।
ਦੱਸ ਦੇਈਏ ਕਿ ਇਸ ਹਫਤੇ ਘਰ ਤੋਂ ਬੇਘਰ ਹੋਏ 7 ਮੁਕਾਬਲੇਬਾਜ਼ ਨਾਮੀਨੇਟ ਹੋਏ ਹਨ, ਜਿਨ੍ਹਾਂ 'ਚ ਦੀਪਕ, ਮੇਘਾ, ਕਰਨਵੀਰ ਬੋਹਰ, ਦੀਪਿਕਾ, ਰੋਹਿਤ, ਸ੍ਰਿਸ਼ਟੀ ਤੇ ਜਸਲੀਨ ਸ਼ਾਮਲ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ