ਫੈਨਜ਼ ਨੂੰ ਝਟਕਾ, ਇਕ ਹਫਤੇ ’ਚ ਹੀ ਘਰ ’ਚੋਂ ਬੇਘਰ ਹੋਏ ਤਹਿਸੀਨ ਪੂਨਾਵਾਲਾ
11/11/2019 11:57:16 AM
ਮੁੰਬਈ(ਬਿਊਰੋ)- ‘ਬਿੱਗ ਬੌਸ 13’ ਵਿਚ ਵੀਕੇਂਡ ਦਾ ਵਾਰ ਐਪੀਸੋਡ ਵਿਚ ਇਸ ਵਾਰ ਸ਼ਨੀਵਾਰ ਨੂੰ ਅਚਾਨਕ ਐਵੀਕਸ਼ਨ ਹੋ ਗਿਆ। ਇਕ ਹਫਤੇ ਪਹਿਲਾਂ ਹੀ ਸ਼ੋਅ ਵਿਚ ਵਾਈਲਡ ਕਾਰਡ ਨਾਲ ਐਂਟਰੀ ਕਰਨ ਵਾਲੇ ਮੁਕਾਬਲੇਬਾਜ਼ ਤਹਿਸੀਨ ਪੂਨਾਵਾਲਾ ਸ਼ੋਅ ਤੋਂ ਬਾਹਰ ਹੋ ਗਏ ਹਨ। ਤਹਸੀਨ ਦੇ ਸ਼ੋਅ ’ਚੋਂ ਇੰਨੀ ਜਲਦੀ ਬੇਘਰ ਹੋਣ ’ਤੇ ਕਈ ਸਵਾਲ ਖੜੇ ਹੋ ਰਹੇ ਹਨ। ਤਹਿਸੀਨ ਨੇ ਜਦੋਂ ਐਂਟਰੀ ਲਈ ਸੀ ਤਾਂ ਉਨ੍ਹਾਂ ਨੇ ਬਾਕੀ ਮੁਕਾਬਲੇਬਾਜ਼ਾਂ ਨੂੰ ਚੈਲੇਂਜ ਦਿੰਦੇ ਹੋਏ ਕਿਹਾ ਸੀ ਕਿ ਉਹ ਹੀ ਸ਼ੋਅ ਜਿੱਤ ਕੇ ਜਾਣਗੇ। ਜਿਸ ਤੋਂ ਬਾਅਦ ਲੱਗ ਰਿਹਾ ਸੀ ਕਿ ਉਹ ਕੜੀ ਟੱਕਰ ਦੇਣਗੇ ਪਰ ਇਕ ਹਫਤੇ ਵਿਚ ਹੀ ਬਾਹਰ ਹੋ ਜਾਣ ’ਤੇ ਉਨ੍ਹਾਂ ਦੇ ਫੈਨਜ਼ ਵੀ ਹੈਰਾਨ ਹਨ। ਤਹਿਸੀਨ ਪੂਨਾਵਾਲਾ ਦੀ ਪਤਨੀ ਮੋਨਿਕਾ ਵਾਡਰਾ ਨੇ ਸੋਸ਼ਲ ਮੀਡੀਆ ’ਤੇ ਇਕ ਪੋਸਟ ਸ਼ੇਅਰ ਕਰ ਦੱਸਿਆ ਕਿ ਰਾਜਨੀਤਿਕ ਕਾਰਨਾਂ ਕਾਰਨ ਉਨ੍ਹਾਂ ਦਾ ਸਫਰ ਵਿਚਕਾਰ ਹੀ ਖਤਮ ਕੀਤਾ ਗਿਆ।
ਮੋਨਿਕਾ ਨੇ ਆਪਣੀ ਇੰਸਟਾ ਸਟੋਰੀ ’ਤੇ ਲਿਖਿਆ,‘‘ਤੁਹਾਡਾ ਸਾਰਿਆਂ ਦਾ ਧੰਨਵਾਦ, ਇਨ੍ਹੇ ਪਿਆਰ ਅਤੇ ਸਮਰਥਨ ਲਈ। ਅਯੁੱਧਿਆ ’ਤੇ ਫੈਸਲਾ, ਦੇਸ਼ ਦੀ ਮੌਜੂਦਾ ਰਾਜਨੀਤਿਕ ਹਲਾਤਾਂ ਨਾਲ ਜੁੜੇ ਕੁਝ ਮਾਮਲੇ ਅਤੇ ਲੀਗਲ ਕਮਿਟਮੈਂਟਸ ਕਾਰਨ ਤਹਿਸੀਨ ਨੂੰ ਪਾਪੁਲਰਿਟੀ ਦੇ ਬਾਵਜੂਦ ਬਿੱਗ ਬੌਸ ਦੀ ਆਪਣੀ ਯਾਤਰਾ ਛੱਡਣੀ ਪਵੇਗੀ। ਉਨ੍ਹਾਂ ਨੂੰ ਆਪਣੇ ਰਾਜਨੀਤਿਕ ਜੋਨ ਵਿਚ ਵਾਪਸ ਆਉਣਾ ਪਵੇਗਾ।’’
ਉਥੇ ਹੀ ਅਯੁੱਧਿਆ ਮਾਮਲੇ ’ਤੇ ਤਹਿਸੀਨ ਪੂਨਾਵਾਲਾ ਨੇ ਇੰਸਟਾਗ੍ਰਾਮ ’ਤੇ ਲਿਖਿਆ,‘‘ਇਕ ਭਾਰਤੀ ਨਾਗਰਿਕ ਦੇ ਰੂਪ ਵਿਚ ਮੈਂ ਸੁਪਰੀਮ ਕੋਰਟ ਦੇ ਫੈਸਲੇ ਦਾ ਸਤਿਕਾਰ ਕਰਦਾ ਹਾਂ ਅਤੇ ਉਸ ਦਾ ਸਵਾਗਤ ਕਰਦਾ ਹਾਂ। ਮੇਰਾ ਮੰਨਣਾ ਹੈ ਕਿ ਜੇਕਰ ਉਚਿਤ ਅਤੇ ਤਰਕਪੂਰਨ ਅੰਕੜੇ ਹੋਣ ਤਾਂ ਮੰਦਰ ਦਾ ਨਿਰਮਾਣ ਕੀਤਾ ਜਾਣਾ ਚਾਹੀਦਾ ਹੈ। ਵੱਖ-ਵੱਖ ਕਾਨੂੰਨੀ ਮਾਮਲਿਆਂ ਨੂੰ ਸੰਬੋਧਿਤ ਕਰਨਾ ਅਤੇ ਟੀ.ਵੀ. ਪ੍ਰੋਗਰਾਮਾਂ ’ਤੇ ਅੱਜ ਤੋਂ ਆਪਣੀ ਰਾਏ ਰੱਖਣਾ ਸ਼ੁਰੂ ਹੋ ਗਿਆ ਹੈ।’’
ਦੱਸ ਦੇਈਏ ਕਿ ਤਹਿਸੀਨ ਅਕਸਰ ਟੀ.ਵੀ. ਦੇ ਰਾਜਨੀਤਿਕ ਬਹਿਸਬਾਜ਼ੀ ਵਿਚ ਪੈਨਲਿਸਟ ਦੇ ਤੌਰ ’ਤੇ ਨਜ਼ਰ ਆਉਂਦੇ ਹਨ। ਉਹ ਕਈ ਸਮਾਚਾਰ ਪੱਤਰਾਂ ਵਿਚ ਕਾਲਮ ਵੀ ਲਿਖਦੇ ਹਨ। ਤਹਿਸੀਨ ਨੂੰ ਕਈ ਵਾਰ ਪੇਜ ਥਰੀ ਪਾਰਟੀਆਂ ਅਤੇ ਫੈਸ਼ਨ ਇਵੈਂਟਸ ਵਿਚ ਦੇਖਿਆ ਗਿਆ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ