ਪਾਰਸ ਤੇ ਮਾਹਿਰਾ ਦੀਆਂ ਵੱਧ ਰਹੀਆਂ ਨਜ਼ਦੀਕੀਆਂ ਨੂੰ ਦੇਖ ਅਦਾਕਾਰਾ ਦੀ ਮਾਂ ਨੇ ਤੋੜ੍ਹੀ ਚੁੱਪੀ

ਮੁੰਬਈ(ਬਿਊਰੋ)- ‘ਬਿੱਗ ਬੌਸ 13’ ਵਿਚ ਇਕ ਨਵੀਂ ਲਵਸਟੋਰੀ ਸ਼ੁਰੂ ਹੁੰਦੀ ਦਿਖਾਈ ਦੇ ਰਹੀ ਹੈ। ਪਿਛਲੇ ਦਿਨੀਂ ਪਾਰਸ ਛਾਬੜਾ ਤੇ ਮਾਹਿਰਾ ਸ਼ਰਮਾ ਨੇ ਇਕ-ਦੂੱਜੇ ਨਾਲ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ । ਫੈਨਜ਼ ਲਈ ਇਹ ਬਹੁਤ ਹੈਰਾਨ ਕਰਨ ਵਾਲਾ ਸੀ। ਇੰਨਾ ਹੀ ਨਹੀਂ ਮਾਹਿਰਾ ਨੇ ਸ਼ਹਿਨਾਜ਼ ਨੂੰ ਇਹ ਵੀ ਕਿਹਾ ਕਿ ਉਹ ਪਾਰਸ ਕੋਲ ਨਾ ਆਵੇ ਕਿਉਂਕਿ ਉਹ ਉਨ੍ਹਾਂ ਨੂੰ ਪਿਆਰ ਕਰਦੀ ਹੈ। ਇਹ ਕਹਿੰਦੇ ਹੋਏ ਮਾਹਿਰਾ ਨੇ ਪਾਰਸ ਨੂੰ ਕਿੱਸ ਵੀ ਕਰ ਲਿਆ।

ਹਾਲਾਂਕਿ ਮਾਹਿਰਾ ਇਸ ਤੋਂ ਪਹਿਲਾਂ ਤੱਕ ਸ਼ੋਅ ਵਿਚ ਇਹ ਕਹਿੰਦੀ ਆਈ ਹੈ ਕਿ ਉਨ੍ਹਾਂ ਦੇ ਘਰ ਵਿਚ ਅਫੇਅਰ ਕਰਨ ਦੀ ਇਜ਼ਾਜਤ ਨਹੀਂ ਹੈ।  ਅਜਿਹਾ ਕਰਨ ’ਤੇ ਉਨ੍ਹਾਂ ਦਾ ਘਰ ’ਚੋਂ ਨਿਕਲਨਾ ਬੰਦ ਹੋ ਜਾਂਦਾ ਹੈ। ਹੁਣ ਪਾਰਸ ਤੇ ਮਾਹਿਰਾ ਦੀਆਂ ਵੱਧ ਰਹੀਆਂ ਨਜ਼ਦੀਕੀਆਂ ਨੂੰ ਦੇਖ ਮਾਹਿਰਾ ਦੀ ਮਾਂ ਸਾਨਿਆ ਸ਼ਰਮਾ ਦਾ ਬਿਆਨ ਆਇਆ ਹੈ। ਇਕ ਇੰਟਰਵਿਊ ਦੌਰਾਨ ਸਾਨਿਆ ਨੇ ਕਿਹਾ, ‘‘ਮੇਰੀ ਧੀ ਨੂੰ ਪਾਰਸ ਨਾਲ ਕੋਈ ਪਿਆਰ ਨਹੀਂ ਹੋਇਆ ਹੈ। ਉਸ ਨੇ ਅਜਿਹਾ ਸਿਰਫ ਸ਼ਹਿਨਾਜ਼ ਨੂੰ ਰੋਕਣ ਲਈ ਕਿਹਾ,‘‘ਕਿਉਂਕਿ ਸ਼ਹਿਨਾਜ਼ ਉਨ੍ਹਾਂ ਦੀ ਦੋਸਤੀ ਨੂੰ ਲਵ ਟਰਾਈਐਂਗਲ ਦਾ ਨਾਮ ਦੇ ਰਹੀ ਸੀ। ਮੈਂ ਆਪਣੀ ਧੀ ਨੂੰ ਬਹੁਤ ਚੰਗੀ ਤਰ੍ਹਾਂ ਜਾਣਦੀ ਹਾਂ। ਉਹ ਅਜਿਹਾ ਕੁੱਝ ਨਹੀਂ ਕਰੇਗੀ।’’

ਸ਼ਹਿਨਾਜ਼ ਪਹਿਲੇ ਦਿਨ ਤੋਂ ਹੀ ਪਾਰਸ ਤੇ ਮਾਹਿਰਾ ਦੀ ਦੋਸਤੀ ਤੋੜਨ ਦੀ ਕੋਸ਼ਿਸ਼ ਕਰ ਰਹੀ ਹਨ। ਉਸ ਦਾ ਪਾਰਸ ਨਾਲ ਵਧੀਆ ਬਾਂਡ ਹੈ ਅਤੇ ਉਹ ਸ਼ੋਅ ਵਿਚ ਸਿਰਫ ਵਧੀਆ ਦੋਸਤ ਹਨ। ਮੈਨੂੰ ਲੱਗਦਾ ਹੈ ਕਿ ਇਹ ਮਾਹਿਰਾ ਦਾ ਕੰਫੈਸ਼ਨ ਨਹੀਂ ਫਰਸਟਰੇਸ਼ਨ ਹੈ। ਜਿਵੇਂ ਕ‌ਿ ਪ੍ਰੋਮੋ ਵਿਚ ਦਿਖਾਇਆ ਹੈ ਕਿ ਮਾਹਿਰਾ ਕਹਿ ਰਹੀ ਹੈ ਕਿ ਉਹ ਪਾਰਸ ਨੂੰ ਪਸੰਦ ਕਰਦੀ ਹੈ ਪਰ ਮੈਂ ਜਾਣਦੀ ਹਾਂ ਕਿ ਉਹ ਸਿਰਫ ਦੋਸਤ ਹਨ।’’

ਸਾਨਿਆ ਅੱਗੇ ਕਹਿੰਦੀ ਹਾਂ,‘‘ਮਾਹਿਰਾ ਤਾਂ ਪਾਰਸ ਦੀ ਗਰਲਫਰੈਂਡ ਦੇ ਬਾਰੇ ਵਿਚ ਜਾਣਦੀ ਹੈ ਅਤੇ ਮੈਂ ਜਾਣਦੀ ਹਾਂ ਕਿ ਮੇਰੀ ਧੀ ਲਵ ਅਫੇਅਰ ਵਿਚ ਨਹੀਂ ਪਵੇਗੀ। ਉਹ ਸਿਰਫ 22 ਸਾਲ ਦੀ ਹੈ। ਜਦੋਂ ਵੀ ਉਹ ਘਰ ’ਚੋਂ ਨਿਕਲੇਗੀ ਤਾਂ ਉਸ ਨੂੰ ਪਾਰਸ ਦੀ ਗਰਲਫਰੈਂਡ ਦੇ ਬਾਰੇ ਵਿਚ ਪਤਾ ਚੱਲੇਗਾ ਕਿ ਉਹ ਉਸ ਦੇ ਲਈ ਕੀ ਕਰ ਰਹੀ ਹੈ। ਉਹ ਪਾਰਸ ਦੀ ਫੀਲਿੰਗ ਨੂੰ ਐਂਟਰਟੇਨ ਨਹੀਂ ਕਰੇਗੀ। ਇਕ ਮਾਂ ਹੋਣ ਦੇ ਨਾਅਤੇ, ਮੈਂ ਕਦੇ ਨਹੀਂ ਚਹਾਂਗੀ ਕਿ ਮੇਰੀ ਧੀ ਕਿਸੇ ਦੇ ਰਿਸ਼ਤੇ ਨੂੰ ਤੋੜ੍ਹੇ ਅਤੇ ਮੈਂ ਜਾਣਦੀ ਹਾਂ ਕਿ ਮਾਹਿਰਾ ਇਹ ਚੰਗੀ ਤਰ੍ਹਾਂ ਸੱਮਝਦੀ ਹੈ। ਮੈਂ ਸਿਰਫ ਇਹ ਜਾਣਦੀ ਹਾਂ ਕਿ ਪਾਰਸ, ਮਾਹਿਰਾ ਦਾ ਵਧੀਆ ਦੋਸਤ ਹੈ। ਮੈਂ ਨਹੀਂ ਜਾਣਦੀ ਕਿ ਸ਼ਹਿਨਾਜ਼ ਕਿਉਂ ਅਜਿਹਾ ਕਰਦੀ ਹੈ। ਉਸ ਨੂੰ ਇਨ੍ਹੇ ਵਧੀਆ ਦੋਸਤ ਮਿਲੇ ਹਨ। ਉਹ ਦੋਸਤੀ ਦੀ ਕੀਮਤ ਨਹੀਂ ਸੱਮਝਦੀ।’’