ਸ਼੍ਰੀਦੇਵੀ ਦੇ ਇਸ ਗੀਤ ਨੂੰ ਯਾਦ ਕਰ ਭਾਵੁਕ ਹੋਏ ਬੋਨੀ ਕਪੂਰ, ਕੀਤਾ ਜਾਵੇਗਾ ਰੀਕ੍ਰਿਏਟ
6/10/2019 12:30:28 PM
ਮੁੰਬਈ(ਬਿਊਰੋ)- ਸ਼੍ਰੀਦੇਵੀ ਦੇ ਸਭ ਤੋਂ ਮਸ਼ਹੂਰ ਗੀਤਾਂ ਦੀ ਜੇਕਰ ਗੱਲ ਕੀਤੀ ਜਾਵੇ ਤਾਂ ਉਸ 'ਚ 'ਕਾਟੇ ਨਹੀਂ ਕੱਟਦੇ' ਨੂੰ ਭੁੱਲ ਪਾਉਣਾ ਮੁਸ਼ਕਲ ਹੋਵੇਗਾ। 'ਮਿਸਟਰ ਇੰਡੀਆ' ਦੇ ਨਿਰਮਾਤਾ ਬੋਨੀ ਕਪੂਰ ਦਾ ਕਹਿਣਾ ਹੈ ਕਿ ਸ਼੍ਰੀਦੇਵੀ ਨੂੰ ਸਕ੍ਰੀਨ 'ਤੇ ਸਭ ਤੋਂ ਜ਼ਿਆਦਾ ਸੈਂਸ਼ੂਅਸ ਦਿਖਾਏ ਜਾਣ ਦੀ ਕੋਸ਼ਿਸ਼ 'ਚ ਇਸ ਗੀਤ ਨੂੰ ਸ਼੍ਰੀਦੇਵੀ 'ਤੇ ਸ਼ਿਫਾਨ ਦੀ ਸਾੜ੍ਹੀ ਪਹਿਨੇ ਫਿਲਮਾਇਆ ਗਿਆ ਅਤੇ ਨਾਲ ਹੀ ਤੇਜ਼ ਹਵਾ ਦਾ ਇਸਤੇਮਾਲ ਕੀਤਾ ਗਿਆ।
ਸਾਲ 1987 'ਚ ਆਈ ਫਿਲਮ 'ਮਿਸਟਰ ਇੰਡੀਆ' ਦੇ ਨਿਰਮਾਤਾ ਬੋਨੀ ਕਪੂਰ ਸਨ ਅਤੇ ਉਨ੍ਹਾਂ ਦੇ ਭਰਾ ਅਨਿਲ ਕਪੂਰ ਅਤੇ ਅਦਾਕਾਰਾ ਸ਼੍ਰੀਦੇਵੀ 'ਤੇ ਫਿਲਮਾਏ ਗਏ ਇਸ ਗੀਤ ਨੂੰ ਹੁਣ ਉਹ ਦੁਬਾਰਾ ਬਣਾਉਣ 'ਤੇ ਵਿਚਾਰ ਕਰ ਰਹੇ ਹਨ।
ਇਸ ਗੀਤ ਨੂੰ ਬਣਾਉਣ ਦੌਰਾਨ ਦੇ ਪਲਾਂ ਨੂੰ ਯਾਦ ਕਰਦੇ ਹੋਏ ਬੋਨੀ ਨੇ ਦੱਸਿਆ ਕਿ ਅਸੀਂ ਪਹਿਲਾਂ ਸੋਚਿਆ ਸੀ ਕਿ ਇਸ ਗੀਤ ਦੀ ਸ਼ੂਟਿੰਗ ਉਂਝ ਹੀ ਕਰਨਗੇ ਜਿਵੇਂ ਕਿ ਹੁਣ ਤੱਕ ਹੁੰਦੀ ਆ ਰਹੀ ਹੈ ਪਰ ਬਾਅਦ 'ਚ ਅਸੀਂ ਇਸ 'ਚ ਕਈ ਬਦਲਾਅ ਕੀਤੇ।
ਮੈਂ ਫਿਲਮ ਦੇ ਨਿਰਦੇਸ਼ਕ ਸ਼ੇਖਰ ਕਪੂਰ ਨੂੰ ਇਸ ਗੱਲ ਲਈ ਮਨਾਇਆ ਕਿ ਸ਼੍ਰੀਦੇਵੀ ਨੂੰ ਸਕ੍ਰੀਨ 'ਤੇ ਇੰਨਾ ਜ਼ਿਆਦਾ ਸੈਂਸ਼ੂਅਸ ਅੰਦਾਜ਼ 'ਚ ਦਿਖਾਇਆ ਜਾਣਾ ਚਾਹੀਦਾ ਹੈ ਕਿ ਇਸ ਤੋਂ ਪਹਿਲਾਂ ਹੁਣ ਤੱਕ ਕੋਈ ਵੀ ਇਸ ਰੂਪ 'ਚ ਨਾ ਦਿਖਾਇਆ ਗਿਆ ਹੋਵੇ।
ਬੋਨੀ ਨੇ ਅੱਗੇ ਕਿਹਾ ਕਿ ਇਸ ਤੋਂ ਬਾਅਦ ਸ਼ੇਖਰ ਨੇ ਉਸ ਨੀਲੇ ਰੰਗ ਦੀ ਸਾੜ੍ਹੀ ਨੂੰ ਚੁਣਿਆ ਅਤੇ ਤੇਜ਼ ਹਵਾ ਲਈ ਅਸੀਂ ਇਕ ਵੱਡੇ ਪੰਖੇ ਦਾ ਇਸਤੇਮਾਲ ਕੀਤਾ। ਸ਼੍ਰੀਦੇਵੀ ਦੇ ਵਾਲ ਹਵਾ 'ਚ ਉੱਡ ਰਹੇ ਸਨ ਅਤੇ ਸਾੜ੍ਹੀ ਉਨ੍ਹਾਂ ਦੇ ਸਰੀਰ ਨਾਲ ਚਿਪਕੀ ਸੀ। ਇਸ ਗੀਤ 'ਚ ਬਿਲਕੁੱਲ ਵੀ ਅੰਗ ਨੁਮਾਇਸ਼ ਦਾ ਸਹਾਰਾ ਨਹੀਂ ਲਿਆ ਗਿਆ ਪਰ ਇਸ ਤੋਂ ਬਾਅਦ ਵੀ ਇਹ ਇਕ ਸੈਂਸ਼ੂਅਸ ਗੀਤ ਬਣਿਆ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
