ਆਖਿਰ ਕਿਉਂ ਕਾਮੇਡੀਅਨ ਭਾਰਤੀ ਸਿੰਘ ਹੁਣ ਨਹੀਂ ਬਣਨਾ ਚਾਹੁੰਦੀ ਮਾਂ, ਜਾਣੋ ਵਜ੍ਹਾ

ਮੁੰਬਈ (ਬਿਊਰੋ) — ਕਾਮੇਡੀਅਨ ਭਾਰਤੀ ਸਿੰਘ ਨੇ ਮਹਾਮਾਰੀ ਦੇ ਕਾਰਨ ਫੈਮਿਲੀ ਪਲੈਨਿੰਗ (ਬੱਚੇ ਦੀ ਯੋਜਨਾ) ਨੂੰ ਟਾਲ ਦਿੱਤਾ ਹੈ। ਉਨ੍ਹਾਂ ਨੂੰ ਮਾਂ ਬਣਨ ਦਾ ਅਨੰਦ ਲੈਣ ਲਈ ਹੋਰ ਇੰਤਜ਼ਾਰ ਕਰਨਾ ਪਏਗਾ। ਉਸ ਦਾ ਇਰਾਦਾ ਅਗਲੇ ਸਾਲ ਮਾਂ ਬਣਨ ਦਾ ਹੈ। ਤਾਲਾਬੰਦੀ ਨੇ ਕਾਮੇਡੀਅਨ ਭਾਰਤੀ ਸਿੰਘ ਦੇ ਮਾਂ ਬਣਨ ਦੇ ਸੁਪਨੇ ਨੂੰ ਅਟਕਾ ਦਿੱਤਾ ਹੈ।

ਭਾਰਤੀ ਨੇ ਕਿਹਾ, “ਮੈਂ ਸੋਚਿਆ ਕਿ ਮੈਂ 2020 'ਚ 20-20 ਖੇਡ ਲਵਾਂ ਪਰ ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਨੇ ਉਨ੍ਹਾਂ ਨੂੰ ਆਪਣੀ ਪਲੈਨਿੰਗ ਅੱਗੇ ਕਰਨ ਲਈ ਮਜ਼ਬੂਰ ਕਰ ਦਿੱਤਾ। ਉਹ ਕਹਿੰਦੇ ਹਨ ਕਿ ਉਹ ਮਹਾਮਾਰੀ ਦੇ ਸਮੇਂ ਕੋਈ ਜ਼ੋਖਮ (ਮੁਸ਼ਕਿਲ) ਨਹੀਂ ਲੈਣਾ ਚਾਹੁੰਦੇ। ਉਹ ਆਪਣੇ ਬੱਚੇ ਲਈ ਸਿਹਤਮੰਦ ਵਾਤਾਵਰਣ ਚਾਹੁੰਦੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਗਰਭਵਤੀ ਹੋਣ 'ਤੇ ਡਾਕਟਰ ਕੋਲ ਬਰਾਬਰ ਚੈੱਕਅਪ ਲਈ ਜਾਣਾ ਪੈਂਦਾ ਹੈ ਪਰ ਮਹਾਮਾਰੀ ਕਾਰਨ ਇਹ ਖਤਰੇ ਤੋਂ ਮੁਕਤ ਨਹੀਂ ਹੈ। ਇਹ ਲਾਗ ਲੱਗਣ ਦੇ ਜ਼ੋਖਮ ਨੂੰ ਵਧਾਉਂਦਾ ਹੈ। ਇਸ ਲਈ ਬੱਚੇ ਦੀ ਜਾਨ ਨੂੰ ਖਤਰੇ 'ਚ ਪਾਉਣ ਦੀ ਬਜਾਏ ਉਸ ਨੂੰ ਅਗਲੇ ਸਾਲ ਮਾਂ ਬਣਨ ਦੀ ਉਡੀਕ ਕਰਨੀ ਪਵੇਗੀ।

ਭਾਰਤੀ ਸਿੰਘ ਨੇ ਦਸੰਬਰ 2017 'ਚ ਹਰਸ਼ ਲਿਮਬਾਚਿਆ ਨਾਲ ਵਿਆਹ ਕਰਵਾਇਆ ਸੀ। ਦੋਵਾਂ ਦੇ ਵਿਆਹ ਤੋਂ ਪਹਿਲਾਂ ਡੇਟ ਕਰਨ ਦੀ ਅਫਵਾਹ ਵੀ ਫੈਲੀ ਸੀ। ਦੋਵੇਂ ਕਾਮੇਡੀ ਸਰਕਸ ਸ਼ੋਅ ਦੇ ਸੈੱਟ 'ਤੇ ਮਿਲੇ ਸਨ। ਭਾਰਤੀ ਸ਼ੋਅ 'ਚ ਹਿੱਸਾ ਲੈਣ ਵਾਲੀ ਸੀ ਜਦੋਂ ਕਿ ਹਰਸ਼ ਇਸ ਦੇ ਲੇਖਕ ਸਨ।