ਸਾਲ 2018 'ਚ ਛੋਟੇ ਬਜਟ ਦੀਆਂ ਫਿਲਮਾਂ ਦਾ ਰਿਹਾ ਬੋਲਬਾਲਾ
12/26/2018 6:14:12 PM
ਮੁੰਬਈ (ਬਿਊਰੋ)— ਸਾਲ 2018 ਫਿਲਮਾਂ ਦੇ ਮਾਮਲੇ 'ਚ ਇਕ ਸ਼ਾਨਦਾਰ ਸਾਲ ਸਾਬਿਤ ਹੋਇਆ ਹੈ। ਇਸ ਸਾਲ ਛੋਟੇ ਬਜਟ ਦੀਆਂ ਫਿਲਮਾਂ ਦਾ ਬੋਲਬਾਲਾ ਰਿਹਾ ਹੈ, ਜਿਸ ਤੋਂ ਇਹ ਸਾਫ ਹੋ ਗਿਆ ਹੈ ਕਿ ਦੇਸ਼ ਦੀ ਜਨਤਾ ਲਈ ਫਿਲਮ ਦਾ ਬਜਟ ਨਹੀਂ, ਸਗੋਂ ਕੰਟੈਂਟ ਮਾਇਨੇ ਰੱਖਦਾ ਹੈ। ਘੱਟ ਲਾਗਤ 'ਚ ਬਣੀਆਂ ਫਿਲਮਾਂ ਦੀ ਜ਼ਬਰਦਸਤ ਕਹਾਣੀ ਤੇ ਦਮਦਾਰ ਅਭਿਨੈ ਨੇ ਦਰਸ਼ਕਾਂ ਨੂੰ ਆਪਣਾ ਦੀਵਾਨਾ ਬਣਾ ਲਿਆ ਹੈ। ਆਓ ਜਾਣਦੇ ਹਾਂ ਕਿ ਸੀਮਤ ਬਜਟ 'ਚ ਬਣੀਆਂ ਉਹ ਕਿਹੜੀਆਂ ਫਿਲਮਾਂ ਹਨ, ਜਿਨ੍ਹਾਂ ਪ੍ਰਤੀ ਦੇਸ਼ ਦੀ ਜਨਤਾ ਨੇ ਦਿਲ ਖੋਲ੍ਹ ਕੇ ਪਿਆਰ ਦਿਖਾਇਆ ਹੈ—
ਅੰਧਾਧੁਨ
ਫਿਲਮ 'ਅੰਧਾਧੁਨ' 'ਚ ਆਯੂਸ਼ਮਾਨ ਖੁਰਾਣਾ ਇਕ ਨੇਤਰਹੀਣ ਪਿਆਨੋ ਵਜਾਉਣ ਵਾਲੇ ਲੜਕੇ ਦੀ ਭੂਮਿਕਾ 'ਚ ਨਜ਼ਰ ਆਏ ਸਨ। ਘੱਟ ਲਾਗਤ 'ਚ ਬਣੀ ਇਸ ਮਜ਼ੇਦਾਰ ਮਰਡਰ ਮਿਸਟਰੀ ਨੇ ਹਰ ਕਿਸੇ ਦੇ ਰੌਂਗਟੇ ਖੜ੍ਹੇ ਕਰ ਦਿੱਤੇ ਸਨ।
ਬਧਾਈ ਹੋ
ਅਭਿਨੇਤਾ ਆਯੂਸ਼ਮਾਨ ਖੁਰਾਣਾ ਨੇ ਇਸ ਸਾਲ 'ਬਧਾਈ ਹੋ' ਵਰਗੀ ਫਿਲਮ ਨਾਲ ਇਕ ਵਾਰ ਫਿਰ ਆਪਣੇ ਅਭਿਨੈ ਦਾ ਲੋਹਾ ਮੰਨਵਾਇਆ ਹੈ। ਦਰਸ਼ਕਾਂ ਤੋਂ ਮਿਲੇ ਪਿਆਰ ਨੇ ਇਸ ਫਿਲਮ ਨੂੰ ਸਾਲ ਦੀਆਂ ਸਫਲ ਫਿਲਮਾਂ ਦੀ ਲਿਸਟ 'ਚ ਸ਼ਾਮਲ ਕਰ ਦਿੱਤਾ ਹੈ। ਜੰਗਲੀ ਪਿਕਚਰਸ ਦੀ 'ਬਧਾਈ ਹੋ' ਦੁਨੀਆ ਭਰ 'ਚ 200 ਕਰੋੜ ਰੁਪਏ ਕਮਾਉਣ 'ਚ ਸਫਲ ਰਹੀ ਹੈ।
ਤੁੰਬਾਡ
ਸੋਹਮ ਸ਼ਾਹ ਨੇ ਆਪਣੀ ਫਿਲਮ 'ਤੁੰਬਾਡ' ਨਾਲ ਸਿਨੇਮਾ ਦੀ ਪਰਿਭਾਸ਼ਾ ਹੀ ਬਦਲ ਦਿੱਤੀ ਹੈ। 'ਤੁੰਬਾਡ' ਨੇ ਫੈਂਟੇਸੀ ਤੇ ਡਰਾਵਨੀ ਕਹਾਣੀ ਦੇ ਅਦਭੁੱਤ ਮੇਲ ਨਾਲ ਸਿਨੇਮਾ ਦੀ ਇਕ ਪੂਰੀ ਤਰ੍ਹਾਂ ਨਾਲ ਅਲੱਗ ਸ਼ੈਲੀ ਦਰਸ਼ਕਾਂ ਦੇ ਸਾਹਮਣੇ ਪੇਸ਼ ਕੀਤੀ ਸੀ। 'ਤੁੰਬਾਡ' ਨੇ ਇਕ ਸੁਖਦ ਅਨੁਭਵ ਦਿੰਦਿਆਂ ਸਾਨੂੰ ਰੋਮਾਂਚ ਤੇ ਡਰ ਦੀ ਰੋਲਰ ਕਾਸਟਰ ਸਵਾਰੀ ਦਾ ਅਨੁਭਵ ਕਰਵਾ ਦਿੱਤਾ ਸੀ।
ਸਤ੍ਰੀ
ਸ਼ਰਧਾ ਕਪੂਰ ਤੇ ਰਾਜਕੁਮਾਰ ਰਾਓ ਨੇ ਆਪਣੀ ਡਰਾਵਨੀ ਕਾਮੇਡੀ ਫਿਲਮ 'ਸਤ੍ਰੀ' ਨਾਲ ਦਰਸ਼ਕਾਂ ਨੂੰ ਡਰਾਉਣ ਦੇ ਨਾਲ-ਨਾਲ ਹਸਾਉਣ ਦਾ ਵੀ ਕੰਮ ਕੀਤਾ। ਅਭਿਨੇਤਰੀ ਨੇ 'ਸਤ੍ਰੀ' ਦੇ ਰੂਪ 'ਚ ਦਰਸ਼ਕਾਂ ਦੇ ਦਿਮਾਗ 'ਤੇ ਡੂੰਘੀ ਛਾਪ ਛੱਡ ਦਿੱਤੀ ਹੈ।
ਰਾਜ਼ੀ
ਫਿਲਮ 'ਰਾਜ਼ੀ' 'ਚ ਭਾਰਤੀ ਖੁਫੀਆ ਖੇਤਰ 'ਚ ਮਹਿਲਾ ਸ਼ਕਤੀ ਦਾ ਪ੍ਰਦਰਸ਼ਨ ਕੀਤਾ ਗਿਆ ਸੀ। ਜਜ਼ਬੇ ਦੀ ਇਸ ਕਹਾਣੀ ਨੂੰ ਦਰਸ਼ਕਾਂ ਵਲੋਂ ਖੂਬ ਪਸੰਦ ਕੀਤਾ ਗਿਆ ਤੇ ਇਹ ਫਿਲਮ ਦਰਸ਼ਕਾਂ ਦੇ ਦਿਲ ਜਿੱਤਣ 'ਚ ਸਫਲ ਰਹੀ ਸੀ।
ਹਿਚਕੀ
ਰਾਣੀ ਮੁਖਰਜੀ ਨੇ ਆਪਣੀ ਫਿਲਮ 'ਹਿਚਕੀ' ਨਾਲ ਇਕ ਖੂਬਸੂਰਤ ਕਹਾਣੀ ਦਰਸ਼ਕਾਂ ਦੇ ਸਾਹਮਣੇ ਪੇਸ਼ ਕੀਤੀ, ਜਿਸ ਨੂੰ ਦਰਸ਼ਕਾਂ ਨੇ ਬਾਖੂਬੀ ਅਪਣਾਇਆ ਤੇ ਪਸੰਦ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ