ਦਿਲਜੀਤ, ਗੁਰੂ ਰੰਧਾਵਾ ਤੇ ਜੱਸੀ ਗਿੱਲ ਨੇ ਮਾਰਿਆ ਵੱਡਾ ਮਾਅਰਕਾ
5/18/2019 6:56:34 PM
ਜਲੰਧਰ (ਬਿਊਰੋ)— 'ਦਿ ਟਾਈਮਜ਼ 50 ਮੋਸਟ ਡਿਜ਼ਾਇਰੇਬਲ ਮੈੱਨ 2018' ਦੀ ਲਿਸਟ ਸਾਹਮਣੇ ਆ ਚੁੱਕੀ ਹੈ। ਇਸ ਲਿਸਟ 'ਚ ਬਾਲੀਵੁੱਡ ਤੇ ਖੇਡ ਜਗਤ ਤੋਂ ਇਲਾਵਾ ਵੱਖ-ਵੱਖ ਕਿੱਤਿਆਂ ਦੇ ਮਰਦਾਂ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ। ਲਿਸਟ ਦੇ ਨੰਬਰ 1 ਸ਼ਖਸ ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਲਿਸਟ 'ਚ ਸਭ ਤੋਂ ਉੱਪਰ ਵਿੱਕੀ ਕੌਸ਼ਲ ਹਨ, ਜਿਨ੍ਹਾਂ ਨੇ ਆਪਣੀ ਅਦਾਕਾਰੀ ਦੇ ਦਮ 'ਤੇ ਸਭ ਨੂੰ ਹੈਰਾਨ ਕੀਤਾ। ਲਿਸਟ ਦੀ ਖਾਸ ਗੱਲ ਇਹ ਹੈ ਕਿ ਇਸ 'ਚ ਪੰਜਾਬ ਦੇ 3 ਸੈਲੇਬ੍ਰਿਟੀਜ਼ ਵੀ ਸ਼ਾਮਲ ਹਨ, ਜਿਨ੍ਹਾਂ ਨੇ ਆਪਣੀ ਫੈਨ ਫਾਲੋਇੰਗ ਨਾਲ ਲਿਸਟ 'ਚ ਜਗ੍ਹਾ ਬਣਾਈ ਹੈ।
ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਦਿਲਜੀਤ ਦੋਸਾਂਝ ਦੀ, ਜੋ ਇਸ ਲਿਸਟ 'ਚ 20ਵੇਂ ਨੰਬਰ 'ਤੇ ਹਨ। ਹਾਲਾਂਕਿ ਸਾਲ 2017 ਦੀ ਇਸ ਲਿਸਟ 'ਚ ਦਿਲਜੀਤ 13ਵੇਂ ਨੰਬਰ 'ਤੇ ਸਨ ਤੇ ਸਾਲ 2016 'ਚ ਉਹ 9ਵੇਂ ਨੰਬਰ 'ਤੇ ਸਨ।
ਸੁਪਰਸਟਾਰ ਪੰਜਾਬੀ ਸਿੰਗਰ ਗੁਰੂ ਰੰਧਾਵਾ ਇਸ ਲਿਸਟ 'ਚ 23ਵੇਂ ਨੰਬਰ 'ਤੇ ਹਨ। ਇਸ ਲਿਸਟ 'ਚ ਗੁਰੂ ਰੰਧਾਵਾ ਦੀ ਨਿਊ ਐਂਟਰੀ ਹੈ।
ਗੁਰੂ ਰੰਧਾਵਾ ਦੇ ਨਾਲ ਪੰਜਾਬੀ ਗਾਇਕ ਤੇ ਅਭਿਨੇਤਾ ਜੱਸੀ ਗਿੱਲ ਨੇ ਵੀ ਨਵੀਂ ਐਂਟਰੀ ਮਾਰੀ ਹੈ, ਜੋ ਇਸ ਲਿਸਟ 'ਚ 42ਵੇਂ ਨੰਬਰ 'ਤੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
