ਇਸ ਬਿਮਾਰੀ ''ਚੋਂ ਗੁਜ਼ਰ ਰਹੀ ਹੈ ਬਾਲੀਵੁੱਡ ਅਦਾਕਾਰਾ ਦਿਸ਼ਾ ਪਟਾਨੀ
7/28/2019 10:17:19 AM
ਮੁੰਬਈ(ਬਿਊਰੋ)— ਲੰਬੇ ਸਮੇਂ ਤੋਂ ਸੋਸ਼ਲ ਮੀਡੀਆ ਤੇ ਦਿਸ਼ਾ ਪਟਾਨੀ ਦੀਆਂ ਫਿਟਨੈੱਸ ਵੀਡੀਓ ਨੂੰ ਦੇਖ ਕੇ ਲੱਗਦਾ ਹੈ ਕਿ ਉਹ ਪੁਰੀ ਤਰ੍ਹਾਂ ਸਿਹਤਮੰਦ ਹੈ ਪਰ ਉਨ੍ਹਾਂ ਦੀ ਸਿਹਤ ਨੂੰ ਲੈ ਕੇ ਇਕ ਵੱਡਾ ਖੁਲਾਸਾ ਹੋਇਆ ਹੈ । ਦਿਸ਼ਾ ਪਟਾਨੀ ਇਨ੍ਹੀਂ ਦਿਨੀਂ ਵੱਡੀ ਬਿਮਾਰੀ ਦਾ ਸ਼ਿਕਾਰ ਹੈ, ਜਿਸ ਦਾ ਖੁਲਾਸਾ ਉਸ ਨੇ ਖੁਦ ਕੀਤਾ ਹੈ । ਦਿਸ਼ਾ ਨੇ ਹਾਲ ਹੀ 'ਚ ਇਕ ਇੰਟਰਵਿਊ 'ਚ ਆਪਣੀ ਸਿਹਤ ਨੂੰ ਲੈ ਕੇ ਜੋ ਖੁਲਾਸਾ ਕੀਤਾ ਹੈ ਉਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ ।
ਦਿਸ਼ਾ ਨੇ ਦੱਸਿਆ ਹੈ ਕਿ ਬਾਹਰ ਕੰਮ ਕਰਦੇ ਹੋਏ ਉਸ ਦੇ ਸਿਰ 'ਚ ਸੱਟ ਲੱਗ ਗਈ ਸੀ, ਜਿਸ ਕਰਕੇ ਉਸ ਦੀ ਮੈਮਰੀ ਲਾਸ ਹੋਈ ਹੈ । ਇਕ ਇੰਟਰਵਿਊ 'ਚ ਦਿਸ਼ਾ ਨੇ ਕਿਹਾ ਕਿ 'ਮੈਂ ਆਪਣੀ ਜ਼ਿੰਦਗੀ ਦੇ ਛੇ ਮਹੀਨੇ ਗਵਾ ਦਿੱਤੇ ਹਨ ਕਿਉਂਕਿ ਮੈਨੂੰ ਕੁਝ ਵੀ ਯਾਦ ਨਹੀਂ ਹੈ' ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਵੱਡੇ ਝਟਕੇ ਦੇ ਬਾਵਜੂਦ ਇਸ ਅਦਾਕਾਰਾ ਨੇ ਆਪਣਾ ਜਿਮ ਦੀ ਟ੍ਰੇਨਿੰਗ ਨੂੰ ਜਾਰੀ ਰੱਖਿਆ ।
ਇਸ ਦਾ ਕਾਰਨ ਦੱਸਦੇ ਹੋਏ ਦਿਸ਼ਾ ਨੇ ਕਿਹਾ ਕਿ ਇਹ ਫਿਟਨੈੱਸ ਟ੍ਰੇਨਿੰਗ ਇਸ ਲਈ ਜਾਰੀ ਰਹੀ ਕਿਉਂਕਿ ਫਿੱਟਟਨੈੱਸ ਉਸ ਲਈ ਸਭ ਤੋਂ ਪਹਿਲਾਂ ਆਉਂਦੀ ਹੈ । ਦਿਸ਼ਾ ਨੇ ਕਿਹਾ ਕਿ ਇਸੇ ਲਈ ਜਦੋਂ ਉਸ ਦੀ ਸ਼ੂਟਿੰਗ ਨਹੀਂ ਹੁੰਦੀ ਉਹ ਆਪਣਾ ਜ਼ਿਆਦਾ ਸਮਾਂ ਜਿਮ 'ਚ ਹੀ ਬਿਤਾਉਂਦੀ ਹੈ ।
ਦਿਸ਼ਾ ਦੇ ਕੰਮ ਦੀ ਗੱਲ ਕੀਤੀ ਜਾਵੇ ਤਾਂ ਉਸ ਨੂੰ ਆਖਰੀ ਵਾਰ ਸਲਮਾਨ ਖਾਨ ਦੀ ਫਿਲਮ 'ਭਾਰਤ' 'ਚ ਦੇਖਿਆ ਗਿਆ ਸੀ । ਹੁਣ ਉਹ ਜਲਦ ਹੀ ਮੋਹਿਤ ਸੂਰੀ ਦੀ ਫਿਲਮ 'ਮਲੰਗ' 'ਚ ਨਜ਼ਰ ਆਵੇਗੀ । ਇਸ ਫਿਲਮ 'ਚ ਆਦਿਤਯ ਰਾਏ ਕਪੂਰ ਮੁੱਖ ਭੂਮਿਕਾ 'ਚ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ