ਓਮਪੁਰੀ ਦੀ ਪਤਨੀ ਨੰਦਿਤਾ ਨੇ ਇਕ ਨਾਟਕ ਸਬੰਧੀ ਦਿਵਿਆ ਦੱਤਾ ''ਤੇ ਕੀਤਾ ਕੇਸ
9/2/2018 9:38:36 AM
ਮੁੰਬਈ(ਬਿਊਰੋ)— ਹਾਲ ਹੀ ਵਿਚ ਇਹ ਖਬਰ ਸਾਹਮਣੇ ਆਈ ਸੀ ਕਿ ਅਦਾਕਾਰਾ ਦਿਵਿਆ ਦੱਤਾ, ਓਮਪੁਰੀ ਦੇ ਮਸ਼ਹੂਰ ਨਾਟਕ 'ਤੇਰੀ ਅੰਮ੍ਰਿਤਾ' ਨੂੰ ਲੈ ਕੇ ਫਿਰ ਤੋਂ ਆ ਰਹੀ ਹੈ। ਅਜਿਹੀ ਖਬਰ ਹੈ ਕਿ ਇਸ ਨਾਟਕ ਵਿਚ ਦਿਵਿਆ ਦੱਤਾ ਨਾਲ ਗੁਰਦਾਸ ਮਾਨ ਹੋਣਗੇ ਪਰ ਇਸ ਨਾਟਕ ਨਾਲ ਜੁੜੀ ਇਹ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਇਸ ਦੇ ਰਸਤੇ ਵਿਚ ਵੱਡੀ ਰੁਕਾਵਟ ਆ ਖੜ੍ਹੀ ਹੋਈ ਹੈ। ਦਰਅਸਲ, ਓਮਪੁਰੀ ਦੀ ਪਤਨੀ ਨੰਦਿਤਾ ਨੇ ਦਿਵਿਆ ਦੱਤਾ, ਜਾਵੇਦ ਸਿੱਦੀਕੀ ਅਤੇ ਅਮਰੀਕ ਗਿੱਲ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ। ਅਜਿਹਾ ਇਸ ਲਈ ਹੈ ਕਿ ਓਮਪੁਰੀ ਦੀ ਪਤਨੀ ਨੰਦਿਤਾ ਪੁਰੀ ਇਸ ਫੈਸਲੇ ਤੋਂ ਖੁਸ਼ ਨਹੀਂ ਹੈ।
ਜ਼ਿਕਰਯੋਗ ਹੈ ਕਿ ਤੇਰੀ ਅੰਮ੍ਰਿਤਾ ਦੇ ਪੰਜਾਬੀ ਵਰਜਨ ਦਾ ਦਿਵਿਆ ਦੱਤਾ ਅਤੇ ਗੁਰਦਾਸ ਮਾਨ ਮੁੰਬਈ ਵਿਚ ਹੀ 9 ਸਤੰਬਰ ਨੂੰ ਪ੍ਰੀਮੀਅਰ ਕਰਨ ਜਾ ਰਹੇ ਹਨ ਪਰ ਨੰਦਿਤਾ ਵੱਲੋਂ ਸ਼ਿਕਾਇਤ ਦਰਜ ਕਰਵਾਉਣ ਕਾਰਨ ਅਜਿਹਾ ਕਰਨਾ ਮੁਮਕਿਨ ਨਹੀਂ ਹੋਵੇਗਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ