ਬੱਚਨ ਪਰਿਵਾਰ ਦੀ ਪਾਰਟੀ ਦੌਰਾਨ ਐਸ਼ਵਰਿਆ ਦੀ ਮੈਨੇਜਰ ਦੇ ਕੱਪੜਿਆਂ ’ਚ ਲੱਗੀ ਅੱਗ
10/31/2019 10:29:20 AM
ਮੁੰਬਈ(ਬਿਊਰੋ)- ਬਾਲੀਵੁੱਡ ਐਕਟਰ ਸ਼ਾਹਰੁਖ ਖਾਨ ਨੇ ਇਕ ਵਾਰ ਫਿਰ ਸਾਬਿਤ ਕਰ ਦਿੱਤਾ ਹੈ ਕਿ ਉਹ ਸਿਰਫ ਰੀਲ ਲਾਈਫ ’ਚ ਹੀ ਨਹੀਂ ਸਗੋਂ ਅਸਲ ਜ਼ਿੰਦਗੀ ’ਚ ਹੀ ਹੀਰੋ ਹਨ। ਦਰਅਸਲ, ਦੀਵਾਲੀ ਪਾਰਟੀ ਦੇ ਮੌਕੇ ’ਤੇ ਬੱਚਨ ਪਰਿਵਾਰ ਘਰ ਪਾਰਟੀ ਰੱਖੀ ਗਈ ਸੀ, ਇਸ ਪਾਰਟੀ ’ਚ ਇੰਡਸਟਰੀ ਦੇ ਕਈ ਵੱਡੇ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਪਾਰਟੀ ਦੌਰਾਨ ਇਕ ਅਜਿਹੀ ਘਟਨਾ ਵਾਪਰੀ ਕਿ ਸਭ ਹੈਰਾਨ ਰਹਿ ਗਏ।
ਜੀ ਹਾਂ, ਇਸ ਪਾਟਰੀ ਦੌਰਾਨ ਐਸ਼ਵਰਿਆ ਰਾਏ ਬੱਚਨ ਦੀ ਮੈਨੇਜਰ ਅਰਚਨਾ ਸਦਾਨੰਦ ਦੇ ਲਹਿੰਗੇ ‘ਚ ਅੱਗ ਲੱਗ ਗਈ। ਜਿਸ ਨੂੰ ਦੇਖ ਸ਼ਾਹਰੁਖ ਮਦਦ ਲਈ ਅੱਗੇ ਆਏ ਅਤੇ ਉਨ੍ਹਾਂ ਨੇ ਅਰਚਨਾ ਦੇ ਲਹਿੰਗੇ ‘ਚ ਲੱਗੀ ਅੱਗ ਨੂੰ ਬੁਝਾਇਆ। ਇਸ ਦੌਰਾਨ ਸ਼ਾਹਰੁਖ ਖੁਦ ਵੀ ਜ਼ਖਮੀ ਹੋ ਗਏ। ਜਿਸ ਸਮੇਂ ਇਹ ਘਟਨਾ ਵਾਪਰੀ ਉਸ ਸਮੇਂ ਅਰਚਨਾ ਆਪਣੀ ਬੇਟੀ ਨਾਲ ਸੀ।
ਖਬਰ ਮੁਤਾਬਕ ਅਰਚਨਾ ਦੇ ਲਹਿੰਗੇ ’ਚ ਅੱਗ ਦੀਵੇ ਨਾਲ ਲੱਗੀ। ਇਸ ਹਾਦਸੇ ਤੋਂ ਬਾਅਦ ਐਸ਼ਵਰਿਆ ਰਾਏ ਦੀ ਮੈਨੇਜਰ ਨੂੰ ਨਾਨਾਵਟੀ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ ’ਚ ਅਰਚਨਾ ਦਾ ਹੱਥ ਤੇ ਲੱਤ 15% ਤਕ ਸੜ੍ਹ ਗਿਆ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
