Pics : ਪੰਜਾਬੀ ਇੰਡਸਟਰੀ ''ਚ ਮੁੜ ਸਰਗਰਮ ਹੋਈ ਖੂਬਸੂਰਤ ਅਦਾਕਾਰਾ ਦ੍ਰਿਸ਼ਟੀ ਗਰੇਵਾਲ
6/29/2017 12:26:44 PM
ਜਲੰਧਰ— ਖੂਬਸੂਰਤੀ ਦਾ ਮੁਜ਼ੱਸਮਾ, ਸੀਰਤ ਤੇ ਸੂਰਤ ਦਾ ਸੁਮੇਲ ਅਦਾਕਾਰਾ ਦ੍ਰਿਸ਼ਟੀ ਗਰੇਵਾਲ ਪੰਜਾਬੀ ਫ਼ਿਲਮ ਇੰਡਸਟਰੀ 'ਚ ਮੁੜ ਸਰਗਰਮ ਹੋ ਗਈ ਹੈ। ਪੰਜਾਬ ਦੇ ਸ਼ਹਿਰ ਲੁਧਿਆਣਾ ਨਾਲ ਸਬੰਧਿਤ ਅਤੇ ਲੰਬੇ ਸਮੇਂ ਤੋਂ ਮੁੰਬਈ ਰਹਿ ਰਹੀ ਦ੍ਰਿਸ਼ਟੀ ਪਿਛਲੇ ਕੁਝ ਸਾਲਾਂ ਤੋਂ ਫ਼ੈਸ਼ਨ ਇੰਡਸਟਰੀ ਦਾ ਸਰਗਰਮ ਚਿਹਰਾ ਹੈ।
ਪੰਜਾਬੀ ਮਿਊਜ਼ਿਕ ਵੀਡੀਓਜ਼ ਜ਼ਰੀਏ ਪੰਜਾਬੀ ਮਨੋਰੰਜਨ ਜਗਤ ਨਾਲ ਜੁੜੀ ਦ੍ਰਿਸ਼ਟੀ ਪੰਜਾਬੀ ਫ਼ਿਲਮ 'ਬੈਸਟ ਆਫ਼ ਲੱਕ' ਅਤੇ 'ਮਿੱਟੀ ਨਾ ਫ਼ਰੋਲ ਜੋਗੀਆ' ਨਾਲ ਆਪਣੀ ਅਦਾਕਾਰੀ ਦਾ ਲੋਹਾ ਮੰਨਵਾ ਚੁੱਕੀ ਹੈ। ਇਹਨਾਂ ਫ਼ਿਲਮਾਂ ਤੋਂ ਬਾਅਦ ਉਹ ਅਚਾਨਕ ਗਾਇਬ ਹੋ ਗਈ ਸੀ।
ਅਦਾਕਾਰੀ ਨਾਲ ਉਸ ਦਾ ਮੋਹ ਹੋਰ ਵੀ ਗੂੜਾ ਗਿਆ। ਸਕੂਲ ਦੀ ਪੜਈ ਪੂਰੀ ਕਰਨ ਤੋਂ ਬਾਅਦ ਉਸਨੇ ਗਰੈਜੂਏਸ਼ਨ ਕਰਨ ਲਈ ਕੁਰੁਕਸ਼ੇਤਰਾ ਯੂਨਿਵਰਸਿਟੀ (ਉਤਰਾਖੰਡ) ਵਿੱਚ ਬੀ.ਕਮ ਵਿੱਚ ਦਾਖਲਾ ਲੈ ਲਿਆ। ਕਾਲਜ ਪੜਦਿਆਂ ਉਸ ਦਾ ਸ਼ੌਕ ਹੋਰ ਵੀ ਜਵਾਨ ਹੋ ਗਿਆ।
ਉਸਨੇ ਰੰਗਮੰਚ ਕਰਨਾ ਸ਼ੁਰੂ ਕਰ ਦਿੱਤਾ। ਰੰਗਮੰਚ ਨੇ ਉਸ ਅੰਦਰਲੇ ਕਲਾਕਾਰ ਨੂੰ ਤਰਾਸ਼ ਦਿੱਤਾ। ਦ੍ਰਿਸ਼ਟੀ ਆਪਣਾ ਭਵਿੱਖ ਘਰ ਦੇ ਸ਼ੀਸ਼ੇ ਵਿੱਚ ਦੇਖ ਚੁੱਕੀ ਸੀ, ਪਰ ਘਰਦਿਆਂ ਦੀ ਨਿਗਾ 'ਚ ਉਸ ਦਾ ਭਵਿੱਖ ਕੁਝ ਹੋਰ ਸੀ।
ਉਸ ਦੇ ਪਿਤਾ ਚਾਹੁੰਦੇ ਸਨ ਕਿ ਉਹ ਬੈਂਕ ਦੀ ਨੌਕਰੀ ਕਰੇ ਪਰ ਮਾਂ ਚਾਹੁੰਦੀ ਸੀ ਕਿ ਉਸ ਦੀ ਧੀਅ ਏਅਰਹੋਸਟਸ ਬਣੇ। ਉਸ ਨੇ ਆਪਣਾ ਸੁਪਨਾ ਪੂਰਾ ਕਰਨ ਤੋਂ ਪਹਿਲਾਂ ਆਪਣੇ ਮਾਂ ਬਾਪ ਦਾ ਸੁਪਨਾ ਪੂਰਾ ਕੀਤਾ। ਉਸਨੇ ਨੇ ਕੁਝ ਸਮਾਂ ਜਲੰਧਰ ਦੇ ਇਕ ਬੈਂਕ 'ਚ ਨੌਕਰੀ ਵੀ ਕੀਤੀ ਅਤੇ ਲਗਾਤਾਰ ਪੰਜ ਸਾਲ ਸਿੰਗਾਪੁਰ ਏਅਰਲਾਈਨਜ਼ 'ਚ ਏਅਰਹੋਸਟਸ ਦੀ ਨੌਕਰੀ ਵੀ ਕੀਤੀ।
ਇਸ ਤੋਂ ਬਾਅਦ ਉਸ ਨੇ ਖ਼ੁਦ ਨੂੰ ਇਸ ਖ਼ੇਤਰ ਲਈ ਸਮਰਪਿਤ ਕਰ ਲਿਆ। ਸੁਪਨਿਆਂ ਨੂੰ ਹਕੀਕਤ 'ਚ ਬਦਲਣ ਲਈ ਉਹ ਮੁੰਬਈ ਚਲੀ ਗਈ, ਜਿਥੇ ਉਸ ਨੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਬਤੌਰ ਮਾਡਲ ਕੀਤੀ।
ਇਸ ਦੌਰਾਨ ਉਸਨੂੰ ਪੰਜਾਬੀ ਫ਼ਿਲਮਾਂ ਲਈ ਆਫ਼ਰ ਆਉਣ ਲੱਗੇ। ਉਸਨੇ ਦੋ ਪੰਜਾਬੀ ਫ਼ਿਲਮਾਂ (ਡੌਟ ਵਰੀ ਯਾਰਾ ਅਤੇ ਕੌਲਜੀਏਟ) ਕੀਤੀਆਂ ਪਰ ਉਹ ਕਿਸੇ ਕਾਰਨਾਂ ਕਰਕੇ ਅਜੇ ਤੱਕ ਰਿਲੀਜ਼ ਨਹੀਂ ਹੋ ਸਕੀਆਂ।
ਨਿਰਦੇਸ਼ਕ ਨਵਨੀਅਤ ਸਿੰਘ ਦੀ ਫ਼ਿਲਮ 'ਰੋਮੀਓ ਰਾਂਝਾ' ਵਿੱਚ ਉਸਨੇ ਜੈਜ਼ੀ ਬੀ ਦੇ ਨਾਲ ਕੰਮ ਕੀਤਾ। ਬਾਲੀਵੁੱਡ ਨਿਰਦੇਸ਼ਕ ਅਨੁਰਾਗ ਬਾਸੂ ਦੀ ਨਿਗਰਾਨੀ ਹੇਠ ਬਣੀ ਪੰਜਾਬੀ ਫ਼ਿਲਮ 'ਮਿੱਟੀ ਨਾ ਫ਼ਰੋਲ ਜੋਗੀਆ' 'ਚ ਉਸ ਨੇ ਆਪਣੀ ਅਦਾਕਾਰੀ ਦਾ ਲੋਹਾ ਮੰਨਵਾਇਆ।
ਇਸ ਫ਼ਿਲਮ ਲਈ ਉਸ ਨੂੰ ਸਾਲ 2016 ਵਿੱਚ ਬੈਸਟ ਐਕਟਰਸ ਦਾ ਐਵਾਰਡ ਵੀ ਮਿਲਿਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ