''ਫੋਰ ਮੋਰ ਸ਼ਾਟਸ ਪਲੀਜ਼'' ''ਚ ਚਾਰੋਂ ਅਭਿਨੇਤਰੀਆਂ ਆਉਣਗੀਆਂ ਬੋਲਡ ਲੁੱਕ ਨਜ਼ਰ

ਮੁੰਬਈ (ਬਿਊਰੋ) — ਪ੍ਰਾਈਮ ਓਰੀਜ਼ੀਨਲ ਸੀਰੀਜ਼ 'ਫੋਰ ਮੋਰ ਸ਼ਾਟਸ ਪਲੀਜ਼' ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹੈ। ਪ੍ਰਾਈਮ ਓਰੀਜੀਨਲ ਦੀ ਇਸ ਅਗਲੀ ਸੀਰੀਜ਼ 'ਚ ਇਕ ਖੂਬਸੂਰਤ ਦੋਸਤੀ ਨਾਲ ਬੰਨ੍ਹੀਆਂ ਚਾਰ ਔਰਤਾਂ ਦੇ ਜੀਵਨ ਦੀ ਕਹਾਣੀ ਦਿਖਾਈ ਜਾਵੇਗੀ। 'ਫੋਰ ਮੋਰ ਸ਼ਾਟਸ ਪਲੀਜ਼' ਦੀਆਂ ਚਾਰ ਮੁੱਖ ਅਭਿਨੇਤਰੀਆਂ ਸਯਾਨੀ ਗੁਪਤਾ, ਕ੍ਰਿਤੀ ਕੁਲਹਾਰੀ, ਬਾਨੀ ਜੇ ਤੇ ਮਾਨਵੀ ਗਗਰੂ ਸੀਰੀਜ਼ 'ਚ ਬੋਲਡ ਅੰਦਾਜ਼ 'ਚ ਨਜ਼ਰ ਆਉਣਗੀਆਂ, ਜੋ ਆਪਣੀ ਹੌਟਨੈੱਸ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਲਈ ਤਿਆਰ ਹਨ। 'ਫੋਰ ਮੋਰ ਸ਼ਾਟਸ ਪਲੀਜ਼' ਦੀ ਕਹਾਣੀ ਦੇਖ ਕੇ ਦਰਸ਼ਕਾਂ ਦੇ ਦਿਮਾਗ 'ਚ ਅਮਰੀਕੀ ਕਾਮੇਡੀ ਸੀਰੀਜ਼ 'ਸੈਕਸ ਐਂਡ ਦਿ ਸਿਟੀ' ਦੀਆਂ ਯਾਦਾਂ ਤਾਜਾ ਹੋ ਜਾਣਗੀਆਂ। ਇਸ ਕਾਮੇਡੀ ਸੀਰੀਜ਼ ਵਾਂਗ ਹੀ 'ਫੋਰ ਮੋਰ ਸ਼ਾਟਸ ਪਲੀਜ਼' ਵੀ ਇਕ ਬੋਲਡ ਕਹਾਣੀ ਹੋਵੇਗੀ।
 
'ਫੋਰ ਮੋਰ ਸ਼ਾਟਸ ਪਲੀਜ਼' 'ਚ ਉਨ੍ਹਾਂ ਦੇ ਜੀਵਨ 'ਚ ਮੌਜੂਦ ਪੁਰਸ਼ਾਂ ਨਾਲ ਉਨ੍ਹਾਂ ਦਾ ਭਾਵਨਾਤਮਕ ਉਤਰਾਅ-ਚੜ੍ਹਾਅ ਤੇ ਉਨ੍ਹਾਂ ਦੀਆਂ ਵਿਅਕਤੀਗਤ ਲੜਾਈਆਂ ਨਾਲ ਉਨ੍ਹਾਂ ਦੇ ਯਤਨਾਂ ਦੀ ਕਹਾਣੀ ਦਿਖਾਈ ਜਾਵੇਗੀ। ਦੇਵਿਕਾ ਭਗਤ ਦੁਆਰਾ ਲਿਖਿਤ, ਇਸ਼ਿਤਾ ਮੋਇਤਰਾ ਦੇ ਡਾਇਲਾਗ ਨਾਲ, 'ਫੋਰ ਮੋਰ ਸ਼ਾਟਸ ਪਲੀਜ਼' ਚਾਰ ਵੱਖ-ਵੱਖ ਔਰਤਾਂ ਦੇ ਆਲੇ-ਦੁਆਲੇ ਘੁੰਮਦੀ ਨਜ਼ਰ ਆਵੇਗੀ, ਜਿਥੇ ਹਰ ਮਹਿਲਾ ਆਪਣੇ ਨਿੱਜੀ ਵਿਅਕਤੀਗਤ ਨਾਲ ਲੜਾਈ ਲੜਦੇ ਹੋਏ ਜੀਵਨ ਨੂੰ ਸੰਭਾਲਦੀਆਂ ਨਜ਼ਰ ਆਉਣਗੀਆਂ।

ਮੁੰਬਈ ਦੇ ਦੱਖਣੀ ਹਿੱਸੇ 'ਤੇ ਆਧਾਰਿਤ, ਇਕ ਅਜਿਹਾ ਸ਼ਹਿਰ, ਜੋ ਕਦੇ ਨਹੀਂ ਸੌਂਦਾ। ਇਹ 4 ਦੋਸਤ ਹਰ ਦੂਜੇ ਦਿਨ ਇਕ-ਦੂਜੇ ਨਾਲ ਗੱਲ ਕਰਨ ਲਈ ਆਪਣੇ ਪਸੰਦੀਦਾ ਗੈਰੇਜ ਬਾਰ 'ਟ੍ਰਕ' 'ਚ ਮੁਲਾਕਾਤ ਕਰਦੇ ਹਨ ਤੇ ਸ਼ਰਾਬ ਦਾ ਨਸ਼ਾ ਵੀ ਕਰਦੇ ਹਨ। 'ਫੋਰ ਮੋਰ ਸ਼ਾਟਸ ਪਲੀਜ਼' ਇਕ ਸ਼ਹਿਰੀ ਤੇ ਜੀਵਨ ਦੀ ਸੱਚੀ ਸਚਾਈ ਬਾਰੇ ਹੈ, ਜਿਥੇ ਉਹ ਪਾਰੰਪਰਿਕ ਤੇ ਮਾਡਰਨ ਸੋਚ 'ਚ ਫਸੇ ਦੇਸ਼ 'ਚ ਰਹਿੰਦੀ ਹੈ। ਇਕ ਸਮਝਦਾਰ ਔਰਤ ਹੋਣ ਦੇ ਨਾਲ-ਨਾਲ ਇਕ ਅਜਿਹੇ ਦੇਸ਼ 'ਚ ਆਜ਼ਾਦ ਹੋਣ, ਜੋ ਜੰਜੀਰਾਂ 'ਚ ਜਕੜਿਆ ਹੋਇਆ ਹੈ ਤੇ ਇਕ ਅਜਿਹੇ ਦੇਸ਼ 'ਚ ਈਮਾਨਦਾਰ ਹੋਣਾ, ਜੋ ਪਖੰਡ 'ਤੇ ਚੱਲਦਾ ਹੈ। 'ਫੋਰ ਮੋਰ ਸ਼ਾਟਸ ਪਲੀਜ਼' ਇਕ ਸ਼ਹਿਰੀ ਅਤੇ ਜ਼ਿੰਦਗੀ ਦੀ ਕੌੜੀ ਸਚਾਈ ਬਾਰੇ ਹੈ। ਇਸ ਪ੍ਰਾਈਮ ਓਰੀਜੀਨਲ ਸੀਰੀਜ਼ 'ਚ ਸਾਇਨੀ ਗੁਪਤ, ਕ੍ਰਿਤੀ ਕੁਲਹਾਰੀ, ਬਾਣੀ ਜੇ ਅਤੇ ਮਾਨਵੀ ਗਗਰੂ ਇਨ੍ਹਾਂ ਚਾਰ ਮੁੱਖ ਮਹਿਲਾਵਾਂ ਤੋਂ ਇਲਾਵਾ ਪ੍ਰਤੀਕ ਬੱਬਰ, ਨੀਲ, ਲਿਸਾ ਰੇ, ਸਪਨਾ ਪੱਬੀ, ਅਮ੍ਰਿਤਾ ਪੂਰੀ ਅਤੇ ਮਿਲਿੰਦ ਸੋਮਨ ਵੀ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣਗੇ। 'ਫੋਰ ਮੋਰ ਸ਼ਾਟਸ ਪਲੀਜ਼' ਸ਼ੋਅ 25 ਜਨਵਰੀ 2019 ਤੋਂ ਪ੍ਰਾਈਮ ਵੀਡੀਓ 'ਤੇ ਉਪਲੱਬਧ ਹੋਵੇਗਾ।